miércoles, 24 de abril de 2024
Nota de prensa del Gabinete de Comunicación del BNG:
O BNG expresa o seu apoio aos traballadores e traballadoras da Xustiza cuxos representantes permanecen pechados na sede da Dirección Xeral da Xustiza para expresar o seu rexeitamento pola falta de vontade da Xunta de chegar a un acordo.
O deputado e portavoz parlamentario de Xustiza, Luís Bará, sinala ao vicepresidente da Xunta como responsable de torpedear os acordos acadados ata o momento: A actitude de prepotencia e soberbia do vicepresidente Alfonso Rueda está impedindo chegar a un acordo para acabar coas discriminacións salariais e laborais que denuncia o sector a través dúas folgas e das manifestacións con seguimento masivo, salienta Bará.
Desde o BNG apoiamos, animamos e alentamos estas reivindicacións, e pedimos que a negociación volva ao Consello galego de relacións laborais porque foi nese marco onde se conseguiron acordos en tres dos cinco puntos que demandan os e as traballadoras, e onde se lograron avances que foron freados cando as negociacións se trasladaron á Dirección Xeral da Función Pública e, polo tanto, se botaron abaixo eses acordos, indicou o deputado nacionalista.
Para o BNG é fundamental que se chegue a acordos para conseguir melloras laborais e salariais, en definitiva, un mellor funcionamento no ámbito da Xustiza que foi precarizado e deteriorado polas sucesivas decisións adoptadas polo Goberno do PP, concluíu Bará.
Nota de prensa del Gabinete de Comunicación del PSdeG:
A portavoz de Xustiza do Grupo Socialista, Patricia Vilán, criticou a soberbia, prepotencia e ineptitude demostradas tanto polo director xeral de Xustiza como polo propio conselleiro da Vicepresidencia, amparados baixo o paraugas de Feijóo para negar unhas reivindicacións xustas que os socialistas levarán ao próximo Pleno nunha proposición non de Lei.
Os socialistas galegos amosaron o seu respaldo ás reivindicacións dos traballadores da Xustiza en Galicia, que hoxe levaron a súa protesta ata a sede da Consellería de Xustiza, e que obtiveron unha resposta por parte do goberno galego que evidencia a falla absoluta da capacidade de diálogo por parte do goberno galego.
Lamentou que o Executivo careza de calquera tipo de habilidade para escoitar unhas demandas razoables e demostre unha vez tras outra que prefire opta polar confrontación. Así o dixo logo de que o goberno galego decidira responder á folga prevista para febreiro suspendendo tódolos permisos laborais da plantilla da Administración de Xustiza en Galicia.
Lembra que estes traballadores e traballadoras enfrontan unha situación límite diante dunha discriminación salarial con relación ao resto do Estado. Subliñou que o goberno non pode proclamar para a galería que os seus salarios non evolucionan como deberan pero despois, cando está na súa man atender ás reivindicacións, mirar para outro lado.
Por que o universo dos activos dixitais semella un mundo masculino? Por que a maioría de influencers do mundo cripto que saen á palestra son homes? Está equilibrada a proporción entre homes e mulleres nos consellos de administración das empresas? Estas son algunhas das preguntas ás que se deu resposta este luns na VI Xornada de igualdade de xénero e Dereito Mercantil, actividade dirixida desde a Facultade de Ciencias Xurídicas e do Traballo polas docentes Sara Louredo e Ana Mª Aido e para a que, nesta ocasión, se contou coa participación de dúas profesoras expertas en Dereito Mercantil: Vanessa Jiménez, da Universidad de Salamanca, e Josefina Boquera, da Universidad de Valencia.
Un total de 23 os equipos de 19 colexios e institutos participaron no lanzamento de satélites elaborados por parte de centros educativos galegos no marco da fase autonómica do programa da Axencia Espacial Europea Cansat 2024, que se desenvolveu no aeródromo das Gaivotas, en Cerceda. A xornada desenvolveuse arredor de tres actividades: un obradoiro de foguetes químicos e de auga impartida polo alumnado do Centro Público Integrado O Cruce (Cerceda), unha exhibición de drons a cargo de Aeromedia e o lanzamento dos satélites. O secretario xeral técnico da Consellería de Educación, Ciencia, Universidades e FP, Manuel Vila, acompañou os alumnos nesta xornada.
