Noticias

Feijóo denuncia asimetría entre los gobiernos autonómicos que pagan y a los que se les condona la deuda, y pide claridad sobre el cupo vasco

El presidente de la Xunta de Galicia, Alberto Núñez Feijóo, critica la "asimetría" entre las comunidades autónomas que fueron rescatadas y que tuvieron condonaciones de los intereses de la deuda pública, y aquellas que han "pagado" durante los últimos años. Feijóo se mostró crítico con la información recibida sobre el cupo vasco y cree que en cuestiones como ésta "siempre hace falta claridad". El BNG critica el modelo de financiación autonómica y avisa de que "el problema no es el modelo de Euskadi". PSdeG y nacionalistas critican también la anunciada subida de los peajes en la AP-9.

Nota de prensa del Gabinete de Comunicación del BNG:

A portavoz nacional, Ana Pontón, denunciou o caro que lle resulta a Galiza a submisión de Feijóo a Rajoy primando os intereses do PP sobre os do país, unha “deslealdade” que ten como novas mostras o veto á tarifa eléctrica galega, -que se consumará na tramitación da ILP-, e a falta de iniciativa para frear a estafa das peaxes, tras o anuncio dunha nova suba por parte de AUDASA.

“O que fai Rajoy e Feijóo e usar o BOE para dicirnos aos galegas e as galegas: mans arriba isto é un atraco”, ironizou Pontón, tras anunciar que o Bloque vai pedir que o Parlamento se posicione en contra desta novo incremento das peaxes e, por contra, solicite unha baixada das tarifas e os descontos que se aplican noutros territorios. Ademais, avanza que volverá levar ao Parlamento a solicitude de transferencia da AP9 así como o seu rescate.

“Vai facer algo Feijóo?”, interpelaba a portavoz nacional, quen salientou que “se a Cristina Cifuentes lle din que van subir as peaxes das súas autoestradas, que hai cero euros para as radiais madrileñas pero hai 4.000 para rescatar a AP9 estaría montando unha mobilización política, nas antípodas do silencio e da submisión do presidente da Xunta”, alegou. A dirixente do Bloque considera unha prioridade acabar coa estafa das peaxes “que estafa a miles de galegos e galegas sen máis alternativa que esa autoestrada”.

A outra “deslealdade” cos intereses dos e das galegas, -familias e empresas-, está no veto do PP a ter unha tarifa eléctrica propia suprimindo esa proposta da ILP contra a pobreza enerxética presentada pola CIG, que xa tivo unha ha tramitación lenta, “como se estivese durmindo o soño dos xustos”.

Esta posición de Feijóo provoca que en Galiza 500.000 persoas teñan dificultades para pagar a factura eléctrica, e meso padezan pobreza enerxética “nun país que exporta o 40% da enerxía que produce” e, ao mesmo tempo, provoca destrución de emprego como o caso da planta de Alcoa na Coruña coa perda de cen empregos directos. “É un sen sentido que sendo produtores de enerxía non podamos utilizala para darlle competitividade ás empresas”, indicou, como fai Euskadi cunha tarifa diferenciada que lle permite aforrar 50M€ anuais.

“Pon en risco empregos en Galiza pola súa submisión a Rajoy e polo seu centralismo, que ten un coste altísimo para o noso país.”, criticou Pontón, quen pediu explicacións polo feito de que a Xunta non tivese presentado ningunha alegación ante un marco eléctrico que prexudica ao país, como fixeron outros territorios como Euskadi, Catalunya ou Estremadura. “Hai que acabar co espolio eléctrico”, reclamou.

A dirixente do Bloque tamén chamou a atención sobre o feito de que, en pleno debate para mudar o actual sistema de financiamento autonómico, o Goberno galego non teña presentado ningunha proposta para Galiza, e que se limite a “criticar a Euskadi e a esperar ao que ten que dicir Montoro”. “O noso problema non se soluciona atacando o que fai o Goberno vasco senón combatendo un modelo centralista que nos prexudica e nos discrimina”, agumentou.

Pontón reclama de Feijóo que remita ao Parlamento a proposta que ten para Galiza, ao tempo que salientou que o Bloque ten unha alternativa clara en materia de financiamento: concerto económico, que aportaría 3.500 millóns de euros adicionais. “A posición da Xunta vai en contra dos intereses dos e das galegas e retrata a un Goberno ausente dos temas centrais para Galiza”, concluíu.

Nota de prensa del Gabinete de Comunicación del PSdeG:

O portavoz do Grupo Socialista, Xoaquín Fernández Leiceaga, denunciou a “compracencia e postureo” demostrados por Feijóo na defensa das infraestruturas de Galicia. Criticou a estratexia “nefasta para os intereses de Galicia” de “amosar músculo sen consecuencias reais” á hora de impedir a suba das peaxes da AP-9 ou un retraso mínimo de 20 anos na conexión coa rede europea de mercadorías por ferrocarril.

O responsable socialista anunciou unha iniciativa parlamentaria para paralizar a suba das peaxes que se aplicará dende xaneiro por dúas vías posibles: desbloquear a transferencia da AP—9 ou abrindo unha negociación directa entre a Xunta e Fomento para garantir condicións favorables á circulación na área máis dinámica de Galicia.

Sinalou que debería ser Fomento quen asumira os investimentos que afectan á autopista do Atlántico, que son os que están detrás desta suba de peaxes, e evitando que se lles traslade aos usuarios a través dunha suba de tarifas. Trátase de 300 millóns de euros que, dixo, son “perfectamente asumibles” polo goberno central, que dende o ano pasado reduciu os créditos de Fomento a Galicia dende 1.300 a apenas 800 millóns.

Apuntou que o presidente da Xunta “demostrou que non foi capaz de desbloquear o veto á transferencia, pero a lo menos debera conseguir que non lle suban as tarifas aos usuarios” desta vía.

Xoaquín Fernández Leiceaga criticou a “pasividade” amosada polo goberno galego e polo propio Feijóo na defensa dos intereses de Galicia fronte ao debate do novo modelo de financiamento autonómico. Trasladou a súa “preocupación” fronte á falla de iniciativa do presidente galego mentres “Rajoy preocúpase de sumar votos e sacrifica os criterios básicos de igualdade”.

Sinalou que “a pelota está no tellado do Goberno estatal”, que está a retrasar inexplicablemente o debate do novo modelo mentres o goberno galego non parece dar sinais da súa defensa dos criterios aprobados na Cámara autonómica co voto favorable do propio Feijóo. Estes inclúen o mantemento da solidariedade territorial, a defensa da igualdade no tratamento entre tódolos españois, e os factores diferenciais de Galicia.

Daquela foi “imposible” acadar o apoio do PP para garantir que Galicia non perdera posicións no financiamento por habitante no novo modelo, un factor “preocupante” e que debera levar ao goberno galego a “recapacitar e asumir” esta condición.

R., 2017-11-27

Actualidad

Foto del resto de noticias (Frisia_SemanaGal_Cadrada.jpg) A cidade de Leeuwarden, Frisia (Holanda), Capital da Cultura Europea de 2018, acollerá a semana do galego cun amplo programa de actividades. Grazas a Afûk (a institución que promove a lingua e cultura frisia), á Mesa pola Normalización Lingüística e á Fundación Vía Galego coa colaboración da Deputación da Coruña, do Concello de Santiago de Compostela e do Concello de Pontevedra desde o 22 ao 29 de xullo o galego será o protagonista do Pavillón das Linguas. O proxecto Pavillón das linguas (Lân fan Taal) consiste en amosar a diversidade lingüística europea e a existencia de nacións que teñen máis dun idioma, sendo a lingua o elemento máis característico que lle confire identidade propia a unha comunidade de falantes.
Foto de la tercera plana (resurrection.jpg) Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez. Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa".

Notas

Son 94 imaxes que recollen outras tantas instantáneas do ceo nocturno da man “dun grupo de soñadores que, sendo sensibles ao instinto ancestral de mirarmos cara ao ceo, se lanzaron á procura da noite a rescatar ese tesouro apagado polo malgasto de luz artificial”. Salvador Bará Viñas e Jorge Mira Pérez, profesores do Departamento de Física Aplicada da USC e coordinadores do libro, presentan nestas liñas aos nove fotógrafos e fotógrafas que achegan o seu punto de vista nesta obra editada pola USC.
A obra 'A vida salvaxe', de Gonzalo Hermo, é a gañadora da décimo sexta edición do Premio de Poesía Afundación, un certame que veñen convocando Afundación, o Centro PEN Galicia e a Consellería de Cultura e Educación co obxectivo de favorecer a creación literaria en galego. Licenciado en Filoloxía Galega e doutor en Lingüística pola Universidade de Santiago de Compostela, Gonzalo Hermo é autor dos poemarios 'Crac' e 'Celebración', polo que foi recoñecido co Premio Nacional de Poesía Joven Miguel Hernández no ano 2015 e co Premio da Crítica de poesía galega en 2014.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania