El programa de divulgación científica Conciencia gana uno de los Premios de la Crítica 2017
Los Premios de la Crítica de 2017 distinguieron en la modalidad de Iniciativas Culturales el programa de divulgación científica Conciencia, coordinado por el académico correspondiente Jorge Mira. También se reconoció a Manuel Antonio Fraga, Marcos Pérez Pena, Luís Emilio Batallán, María Luisa Sobrino, Flor Maceiras, el Festival S8 y el Grupo Nove.
Nota de prensa de la Real Academia Galega (RAG):
Na modalidade de Iniciativas Culturais, xunto ao programa Conciencia resultaron finalistas a colección Galician Wave e o Programa de Medicina Xenómica. O xurado decidiu recoñecer finalmente o programa da Universidade de Santiago de Compostela que coordina o académico correspondente Jorge Mira, "unha iniciativa de divulgación científica consolidada no tempo optimizando uns recursos económicos cada vez máis minguados" e que constitúe "unha ponte entre niveis educativos, o mundo da investigación e a cidadanía". O xurado destacou tamén a súa contribución decisiva para que os investigadores e as investigadoras de Galicia formen rede cos líderes mundiais en distintos eidos científicos e o seu atractivo para o público, que amosa "que a sociedade responde ás iniciativas de divulgación científica de calidade".
Os Premios da Crítica, baixo o lema Corenta anos facendo país para sermos máis nós, xuntaron nun xantar a trescentas cincuenta persoas representativas de distintos eidos da vida cultural e política, entre elas o presidente da Real Academia Galega, Víctor F. Freixanes. Xunto ao programa Conciencia, resultaron premiados Antonio Manuel Fraga na modalidade de Creación Literaria, pola obra Querido H. P. Lovecraf; Marcos Pérez Pena, na de Investigación, por A prensa en Galicia na Transición; Luís Emilio Batallán recibiu o Premio de Música; María Luisa Sobrino, o de Artes Plásticas; Flor Maceiras, o de Artes Escénicas; o Festival S8. Mostra de cinema periférico da Coruña, o de Cine e Artes Audiovisuais; e o Grupo Nove, o Premio de Cultura Gastronómica.
R., 2017-11-06
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.