Noticias

Feijóo dice que seguirá las recomendaciones de los servicios jurídicos sobre la AP-9 mientras el BNG anuncia un recurso al TC

El presidente de la Xunta, Alberto Núñez Feijóo, reivindica que Galicia deje de asumir el pago de parte de las bonificaciones de los peajes de Rande y A Barcala, con "un ahorro de 400 millones" hasta 2048. Rechaza "fuegos de artificio" frente a las propuestas del PSdeG y del BNG que anuncia un recurso ante el Tribunal Constitucional.

Nota de prensa del Gabinete de Comunicación del PSdeG:

O portavoz do Grupo Socialista, Xoaquín Fernández Leiceaga, acusou ao presidente da Xunta de permanecer “calado, postrado e mudo” mentres o goberno veta o debate da transferencia da AP-9 para Galicia. O responsable socialista interveu na sesión de control ao presidente da Xunta para afearlle que non teña posto en marcha “ningunha acción política” para defender a Galicia.

Fernández Leiceaga desafiou ao presidente da Xunta a presentar un conflito de competencias diante do Tribunal Constitucional ou iniciar “accións políticas” encabezando unha delegación unánime do Parlamento que vaia ao Congreso “a dicirlle a Rajoy cal é a posición de Galicia”. Criticou a renuncia do presidente da Xunta na “defensa dos intereses e da dignidade de Galicia” de forma “contundente e consensuada”.

Lamentou que “non pronuncie nin unha palabra en dirección a Galicia” mentres o goberno veta a segunda proposta da Cámara autonómica, deseñada para eliminar as consecuencias financeiras negativas para o Goberno. Censurou o veto “con premeditación, alevosía e reiteración, con falsidades e unha caste de filibusterismo parlamentario” alegando que custaría 18 millóns ao ano, demostrando que “teñen as contas mal feitas”.

O portavoz socialista censurou ademais a falla de interese do presidente da Xunta para “dicirlle aos deputados do PPdeG que voten no Congreso a favor do que vostede apoiou aquí e fagan posible a transferencia”. Aludiu así ao voto da presidenta da Cámara, a galega Ana Pastor, que serviría para romper o bloqueo do goberno ao debate desta iniciativa.

Fernández Leiceaga presentou a situación da transferencia da AP-9 como exemplo do balance do primeiro ano desta lexislatura de Feijóo, no que as decisións de Rajoy “están afectando negativamente aos intereses de Galicia” sen resposta por parte do presidente da Xunta. Engadiu a situación do financiamento da Dependencia, que afronta un novo recorte de 35 millóns en 2016, o que supoñen 152 millóns menos dende 2012.

O presidente galego, explicou, tampouco levou adiante acción política algunha para impulsar a revisión do modelo de financiamento autonómico, paralizado dende 2104, máis alá de “meter no conxelador” a Comisión técnica constituída por acordo da Cámara autonómica.

Alertou ademais dos novos orzamentos para 2018, que suporán “maiores esixencias” por parte do PNV das que impuxo en 2017, cando Galicia resultou claramente prexudicada, con 440 millóns de euros menos por parte dun goberno que deixou sen gastar máis de 2.200 millóns de investimentos dende 2012.

Lembrou que nos orzamentos para este ano o País Vasco acadou 400 millóns menos de pago polo cupo e a condonación de 1.400 millóns de débeda, ademais do impulso das infraestruturas ferroviarias para conectar o “Y” vasco e as plataformas loxísticas do porto de Bilbao coa rede europea de transporte de mercadorías. Mentres, Galicia non obtiña “nada” para a Plisan e a conexión co Porto de Vigo, ou a conexión do Porto Seco de Monforte con Venta de Baños.

Nota de prensa del Gabinete de Comunicación del BNG:

A portavoz nacional, Ana Pontón, retou ao presidente da Xunta a que, na súa condición de deputado, presente un recurso ante o Tribunal Constitucional contra o veto do Congreso ao debate da lei de transferencia da AP9. A dirixente do BNG considera que é o mínimo para defender a dignidade da Cámara e de Galiza.

“Ante o veto á transferencia da AP9 vai o deputado Feijóo presentar un recurso ante o Tribunal Constitucional, si ou non? Podo dicirlle que eu si, e defender que Galiza ten dereito a acabar coa estafa das peaxes”, avanzou Pontón, quen tamén propuxo unha declaración de reprobación da Cámara contra Ana Pastor e Mariano Rajoy “porque para que te respecten hai que facerse respectar”.

“Temos que dicirlles con claridade que non aceptamos o seu desprezo, que non aceptamos que ninguneen a este Parlamento, que non aceptamos que impidan o debate das leis que aprobamos, porque non sei se para vostede iso é democracia, pero para min é anular as competencias de Galiza recoñecidas no cativo Estatuto. Fágase respectar porque a quen están ofendendo é a todos os galegos e galegas”.

Pontón recriminou a Feijóo que non aportase “nin unha soa liña á lei de transferencia da AP9”, redactada e impulsada polo BNG, e acusou ao xefe do Executivo de mentir. “Demostre que non vai de farol na transferencia da AP9 e deixe de ser unha rémora para poder acabar coa estafa das peaxes”, tras denunciar que o ministerio de Fomento segue transferindo infraestruturas a outros territorios mentres se lle negan a Galiza.

Un ministro de Fomento, Íñigo de la Serna, que aproveitou a súa última visita fai dous días “para repetirnos que se pasa polo forro as leis aprobadas por este Parlamento, para dicirnos na cara que as decisións dos galegos e das galegas lle importan literalmente un pito e por riba di que sobra diálogo. O que sobran son as peaxes coas que nos estafan cada día, e o que sobran e a súa prepotencia”, salientou a portavoz nacionalista.

Pontón aproveitou a sesión de control ao presidente da Xunta para chamar a atención sobre a particular maneira do PP de entender a democracia.

“É sorprendente que se enchan a boca falando de democracia e despois impidan o debate da transferencia da AP9. Actúan como trileiros da linguaxe: Para vostedes democracia é impedir o debate, mentres que poñer urnas para que a xente vote é antidemocrático”, lamentou.

A dirixente do Bloque salientou que Galiza “merece un presidente que non minta, nin engane a quen sexa capaz de defender propostas que melloren a vida da xente que vivimos e traballamos aquí”, ao tempo que lamentou o uso que Feijóo fai coa confianza que lle concederon nas urnas. “Porque o que non queren os galegos e as galegas é pagar a estafa das peaxes, nin queren ver ao presidente subordinado ao PP e a Rajoy sen importarlle o que lle pase ao noso país”, concluíu.

R., 2017-09-29

Actualidad

Foto del resto de noticias (usc_candidatos_2018_web.png) En la USC, Juan Viaño y Antonio López se enfrentaron por segunda vez en unas elecciones como aspirantes a rectores de la Universidade de Santiago de Compostela. En esta ocasión, el resultado fue inverso al de hace 4 años y López se impuso a Viaño. En la Universidad de Vigo, el catedrático de Fisiología Vegetal, Manuel Reigosa, será el nuevo rector tras ganar a su contrincante Emilio Fernández.
Foto de la tercera plana (pop_up_galicia.jpg) Artesanía de Galicia regresa al Palacio de Santa Bárbara entre el 25 de mayo y el 3 de junio en un evento en el que compartirá espacio con productos gastronómicos exclusivos, talleres abiertos para familias y showcookings con cocineros gallegos del grupo Nove. En el evento habrá una selección de piezas de más de 60 profesionales de la artesanía gallega y se contará con la presencia de 12 talleres artesanos.

Notas

Feijóo di que o Camiño de Santiago e Correos teñen un común denominador: “Ambos comunican e constrúen Comunidade nunha teima que se remonta nos tempos” e resalta que a Xunta e Correos traballan nunha peregrinación singular en outono en Williamsburg, Estados Unidos, cunha exposición que percorrerá cinco cidades de América do Norte.
A enogastronomía é o segundo motivo polo que os turistas visitan Galicia, que é líder xunto a Andalucía en restaurantes recoñecidos coa Q de Calidade Turística. Celebraranse obradoiros sobre produtos como lamprea, caldeirada ou empanada, amais de mesas redondas e unha novidosa cata de diferentes tipos de pan galego, como base do novo Plan de Enogastronomía.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania