jueves, 18 de abril de 2024
Nota de prensa del Gabinete de Comunicación del PSdeG:
O portavoz do Grupo Socialista, Xoaquín Fernández Leiceaga, dirixiuse ao presidente da Xunta para lembrarlle que segue a ser o presidente de Galicia. Así o dixo fronte á tibia resposta de Feijóo fronte ao novo veto na Mesa do Parlamento a tramitar a proposición de Lei de transferencia da AP-9 con argumentos falaces, esaxerados e sen ningún tipo de fundamento.
Lembra que o presidente da Xunta asumiu en primeira persoa esta demanda co seu voto favorable na Cámara autonómica e censurou que agora mire para outro lado e mesmo poña a outra meixela fronte a esta bofetada reiterada a Galicia mentres segue saudando a De La Serna como amigo. Desta forma está renunciando a actuar como líder e como presidente, ao escoller pregarse ao seu partido e desaparecer das súas funcións.
Anunciou que ten solicitado unha xuntanza dos portavoces dos catro grupos parlamentarios, que apoiaron a iniciativa na Cámara autonómica, para tomar decisións sobre os próximos pasos a dar para desbloquear o debate. Ademais anunciou que pedirá que os letrados do Parlamento elaboren un informe sobre as posibilidades legais para rebater a decisión da Mesa do Congreso e defender ao Parlamento de Galicia.
O responsable socialista criticou o novo veto a debater esta iniciativa ordenado dende o goberno de Rajoy nunha práctica de filibusterismo parlamentario coa axuda inestimable de Ciudadanos. A decisión da Mesa de impedir mesmo a tramitación da iniciativa erosiona a división de poderes, debilita e devalúa o Congreso impedindo á súa función, que é debater e aprobar ou non- as iniciativas parlamentarias.
Apuntou a que o veto deriva dunha posición centralista e discriminatoria para Galicia por parte do goberno central grazas á muleta de Ciudadanos, coa que tivo a maioría suficiente para rexeitar o debate na Mesa do Congreso. Lembrou neste sentido que outras comunidades históricas coma a nosa teñen a titularidade de autovías e autoestradas que foron cedidas polo Estado.
Desmentiu o argumento orzamentario por parte do goberno, que alude a un custe de 540 millóns de euros, por canto refírese ao que resta de concesión, menos de 20 millóns de euros anuais.
Nota de prensa del Gabinete de Comunicación del BNG:
O BNG non vai quedarse de brazos cruzados ante o segundo veto de Mariano Rajoy e Ana Pastor ao debate da Lei de transferencia da AP9, e xa ten rexistrado na Cámara unha solicitude de reunión urxente da Xunta de Portavoces para consensuar unha posición unánime de resposta ante este novo menosprezo aos galegos e galegas.
A portavoz nacional, Ana Pontón, avanzou as propostas do Bloque nesa xuntanza contra este acto antidemocrático. En primeiro lugar, promover unha declaración institucional de reprobación contra o presidente do Goberno central e contra a presidenta do Congreso, o mínimo que se pode facer en defensa da dignidade do Parlamento e deste país, dixo, tras lembrar que Rajoy é pontevedrés, que se pasea cada verán por Sanxenxo, e Pastor é pontevedresa e electa deputada por Galiza.
En segundo lugar, o BNG solicitará que a Cámara galega recorra ante o Tribunal Constitucional este segundo veto. Se o PP se nega, o BNG o presentará en todo caso. Para Pontón, é o colmo do cinismo que aqueles que enchen a boca falando de democracia utilicen como papel hixiénico unha lei aprobada por unanimidade polo Parlamento en defensa dos intereses dos e das galegas, reclamando a transferencia da AP9 como primeiro paso para acabar coa estafa das peaxes.
En relación ao informe remitido polo Congreso, -cualificativo que lle queda grande dada a súa total falta de rigor-, a portavoz nacionalista chamou a atención sobre o dislate das cifras que se citan, e lembrou que foi o tridente Aznar- Rajoy-Feijóo, -en calidade de presidente, vicepresidente e conselleiro de infraestruturas-, o que deu luz verde á privatización da AP9 en 2003 por 1.000M.
Segundo o documento do veto, a día de hoxe o valor da autoestrada ascende a 4.400 millóns de euros, o que implica que este tridente do PP agasallou con 3.400 millóns de euros as súas empresas amigas, razón pola que Pontón confía na pronta intervención do Tribunal de Contas para fiscalizar esta operación de mala venda dunha infraestrutura pública.
En todo caso, Pontón salienta que Rajoy declara ter cero euros para a AP9 ao tempo que pon sobre a mesa 4.000M para rescatar as radiais madrileñas, mentres Feijóo segue instalado no si bwana. Poño a man no lume e non a queimo se digo que Cristina Cifuentes tería unha resposta contundente se fose ao revés, e se lle dixera que hai 4.000M para Galiza e cero para Madrid, alegou.
A dirixente do Bloque denuncia a traizón de Feijóo á unidade sobre a reclamación da AP9 e ironiza sobre o feito de que o presidente da Xunta diga na mesma frase que acepta o veto pero que quere a transferencia, porque non se pode ser unha cousa e a contraria. Se está a favor que o demostre presentando un recurso ante o Tribunal Constitucional.
Pontón tamén chamou a atención sobre o feito de que no transcendera absolutamente nada ata onte deste novo menosprezo, pese a que a decisión foi adoptada pola Mesa do Congreso o 5 de setembro, onde comparten asento PP, PSOE, Unidos-Podemos e Ciudadanos. Una proba máis de que Galiza está desaparecida, dixo. Podo asegurar que se o BNG estivese no Congreso isto non pasaría, concluíu.
A Secretaría de Estado de Turismo vén de emitir a resolución pola que se concede a declaración de Interese Turístico Nacional á Festa da Filloa de Lestedo, en Boqueixón. Con este recoñecemento, Galicia suma xa 10 festividades con este recoñecemento. A Festa da Filloa de Lestedo súmase así ás outras nove que xa contan con este recoñecemento: a Romaría de Nosa Señora da Barca (Muxía), as Carrilanas de Esteiro (Muros), as festas do San Froilán (Lugo), a Feira do Bonito (Burela), a Festa da Historia (Ribadavia), o Entroido de Verín. Tamén a Festa do Marisco do Grove, as Festas de San Roque (Vilagarcía de Arousa) e a Festa da Reconquista (Vigo).
Baixo o título 'Horizontes dos Estudos Galegos e /na Lusofonía', esta nova edición do congreso da AIEG parte do tradicional vínculo entre Galicia e os países lusófonos para promover o debate, a crítica e novas propostas sobre as relacións no espazo cultural, académico e institucional. Farao a través de relatorios, paneis, mesas e sesións plenarias nas que participarán especialistas das tres universidades galegas, pero tamén do ámbito nacional e internacional, que discutirán sobre os campos lingüístico, literario, histórico, económico, antropolóxico, filosófico, sociolóxico e artístico. No marco do congreso tamén terán cabida as actividades culturais, como excursións ou exposicións, especialmente dirixidas á mocidade investigadora; ou a presentación de produtos académicos e proxectos, como o Proxecto Nós, impulsado polo Goberno galego para incorporar a lingua propia de Galicia á vangarda da Intelixencia Artificial.
