jueves, 25 de abril de 2024
Nota de prensa del Gabinete de Comunicación de la USC:
A Semana Internacional de Cine de Autor de Lugo rende nesta trixésima novena edición unha particular homenaxe ao mindoniense Victoriano López García, o primeiro lugués en acadar un Premio Goya. Co gallo desta homenaxe, a XXXIX Semana de Cine de Autor de Lugo inclúe entre as súas proxeccións a do filme Una cubana en España, en cuxa rodaxe participou como axudante de cámara Victoriano López García. A presentación dun libro sobre a vida e o legado deste cineasta mindoniense é outro dos actos programados no marco desta homenaxe.
O presidente do Grupo Cinematográfico Fonmiñá, a entidade promotora e organizadora da Semana Internacional de Cine de Autor de Lugo, Xulio Xiz, sinalou que este evento mantén unha estrutura semellante á das últimas edicións. Daquela, indicou que o auditorio municipal Gustavo Freire, ademais de acubillar as galas inaugural e de clausura desta cita, programadas para os días 18 e 23 de setembro, tamén será a sede na que se proxectarán as producións incluídas na sección oficial, así como nos ciclos infantil e O mellor do ano.
O público interesado poderá visualizar na Biblioteca Provincial de Lugo as películas incluídas na sección E para comer... Lugo. O Salón de actos da Deputación Provincial, o Museo Provincial e o Museo Interactivo de Historia de Lugo (MIHL) acubillarán respectivamente as proxeccións das producións cinematográficas que conforman os ciclos Cine galego, Arte de cine e Grandes Historias. Asemade, o Vello Cárcere será tamén escenario das producións cinematográficas incluídas no ciclo Cine de cárceres.
O presidente da Deputación Provincial de Lugo, Darío Campos Freire, presentou no lugés Pazo de San Marcos a XXXIX Semana Internacional de Cine de Autor, no marco dun acto no que tamén participaron o vicerreitor de Coordinación do campus de Lugo, Javier Bueno; a xefa do Servizo de Coordinación da Área Cultural da Xunta de Galicia en Lugo, María José Gómez; a concelleira de Cultura do Concello de Lugo, Carmen Basadre, e a responsable de Acción Cultural da Consellería de Cultura e Educación en Lugo, así como o presidente do Grupo Cinematográfico Fonmiñá, Xulio Xiz, e o director da XXXIX Semana de Cine de Autor de Lugo, Manuel Curiel.
Fotografía: Gabinete de Comunicación de la USC
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
