miércoles, 24 de abril de 2024
Nota de prensa del Gabinete de Comunicación del PSdeG:
A portavoz de Cultura do Grupo Socialista, Concepción Burgo, cualificou de vergonzante a resposta do Executivo autonómico aos desafíos da familia Franco. Burgo reclamou sancións inmediatas polo incumprimento da obriga de permitir visitas ao Pazo de Meirás e acusa ao Executivo de dilatar o problema ao limitarse a abrir expedientes que tardan meses en prosperar.
Sinalou que o Executivo debe actuar de inmediato para garantir a reapertura do inmoble declarado BIC, xa que o contrario supón a vulneración da Lei de Patrimonio Cultural, cando non poñer escusas e mirar para outro lado. A responsable socialista anunciou iniciativas parlamentarias para garantir as visitas ao inmoble e sumarse á reclamación para que a familia devolva o patrimonio cultural galego no seu poder.
Considera unha vergonza que o Executivo fale de reconciliación por donar un inmoble xa que, dixo, devolver un inmoble expoliado é de xustiza, non ten nada que ver con pedir perdón polos crimes do franquismo. Falar de reconciliación -dixo- seméllase moito a rogarlle á familia do ditador, á que non se atreven a enfrontarse, que lles saque dun apuro do que non saben cómo saír.
Cualificou tamén de vergonza que agora se lles ocorra pedir a donación do inmoble expoliado, o que evidencia que ou ben saben algo que teñen que explicar ou ben están facendo algo moi parecido a bailar a danza da chuvia para rematar coa seca e os incendios forestais.
Fotografía: Gabinete de Comunicación del PSdeG.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
