jueves, 25 de abril de 2024
Nota de prensa del Gabinete de Comunicación del PSdeG:
A Comisión Xestora do PSdeG vén de aprobar o calendario de primarias para a elección da secretaría xeral do partido en Galicia e o Congreso Nacional. O proceso dará comezo nada máis iniciarse o mes de setembro, co plazo de presentación de precandidaturas os días 4 e 5, e a xornada de votación de primarias será o 8 de outubro. Finalmente, o Congreso Nacional celebrarase na fin de semana do 27, 28 e 29 de outubro.
Os precandidatos terán desde o 7 ata o 20 de setembro para a recollida de avais, e os que acaden un 10% de respaldo da militancia serán proclamados candidatos, cun prazo para presentar recursos do 21 ao 25 de setembro. A campaña de información interna dos candidatos durará 12 días, do 26 de setembro ata o 7 de outubro.
Tras a xornada de votación de primarias do 8 de outubro será proclamado o novo secretario ou secretaria xeral, cun prazo para presentar recursos ata o 13 de outubro. Do 9 ao 12 de outubro celebraranse tamén as asembleas nas agrupacións de todo o territorio coa fin de elixir os delegados e delegadas para o Congreso Nacional e poder presentar emendas ao documento marco do Congreso, que se celebrará na fin de semana do 27, 28 e 29 de outubro para aprobar o proxecto político e elixir a nova dirección galega. A xestora galega terá unha nova xuntanza antes do inicio do proceso para establecer o baremo de delegados, o censo definitivo, o lema do Congreso e outras cuestións de organización.
Fotografía: Gabinete de Comunicación del PSdeG
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
