viernes, 19 de abril de 2024
Nota de prensa del Gabinete de Comunicación del BNG:
Tras a convocatoria aberta ao Día da Patria do último Consello Nacional, o BNG lanza unha campaña baixo o lema Galiza precisa outro rumbo cun dobre obxectivo: Denunciar a discriminación que soporta a sociedade galega por parte do Goberno central e conformar unha axenda galega cos temas claves para o país que volva colocar no mapa a unha Galiza hoxe ausente e desaparecida do debate político do Estado.
Presentada polos responsables de Comunicación da Executiva Nacional, Xavier Campos e Olla Rodil, o Bloque enmarca esta proposta dentro dos actos previos de celebración do 25 de Xullo, e vai socializar a iniciativa con todos os axentes económico, sociais e culturais porque considera importante a suma de todos na denuncia do agravio e para que Galiza recupere protagonismo cunha axenda propia.
É prioritario contar cunha axenda galega de grandes temas arredor dos cales podamos construír grandes acordos de país en beneficio da sociedade galega, salientou Campos, tras enumerar as cuestións de calado nas que Galiza é discriminada fronte a outros territorios o nos que, simplemente, está esquecida.
Entre eles, o veto á transferencia da AP9 mentres o Estado dispón dun mínimo de 3.500M para o rescate das radiais madrileñas, o financiamento autonómico que deixa 50 menos ca media estatal por habitante nos concellos galegos, a negativa á tarifa eléctrica galega mentres Euskadi conta cunha tarifa propia que acaba de mellorar na negociación dos orzamentos do Estado ou o feito de ter as segundas pensións máis baixas.
O que denunciamos é que, en todos os grandes temas, o Estado trata a Galiza como un país de segunda categoría, unha denuncia compartida por máis sectores da sociedade como a FEGAMP, desde o campo empresarial que fai esta mesma reflexión sobre o agravio comparativo a respecto doutros territorios, ou igual que entidades sociais, culturais e sindicais que tamén denuncian a necesidade de darlle a volta a situación que estamos vivindo como país, explicou o secretario de Comunicación, Xavier Campos, na presentación da campaña.
Para o Bloque o momento actual esixe política de altura que nos permita como sociedade definir unha estratexia propia de país, razón pola que, avanzou Campos, a formación nacionalista vai facer unha apelación directa a todos os axentes económicos e sociais para frear o deterioro da capacidade política, económica e financeira galegas.
Hoxe somos un país que está desaparecido da axenda política do Estado, denunciou, consecuencia da irrelevancia política a que nos conduce o servilismo de Feijóo como presidente da Xunta.
Por iso, o BNG convida a romper o bucle no que estamos presos e avanzar, de aí esta campaña dirixida ao conxunto da sociedade que irá acompañada de reunións con axentes e colectivos, dunha batería de propostas nas institucións, en particular no Parlamento, e dunha intensa campaña de difusión a través das redes sociais con material específico que ilustra a situación de discriminación e a necesidade de definir unha axenda galega.
De feito, a difusión arranca coa presentación da campaña e coa emisión do vídeo Por que estamos como estamos? que sintetiza o contido e os obxectivo desta iniciativa do Bloque.
Fotografía: Gabinete de Comunicación del BNG
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurídicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitiría aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artísticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, así como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
