Noticias

El paro en Galicia se incrementa en 12.900 personas hasta marzo de 2017

El paro subió en Galicia en 12.900 personas en el primer trimestre del año, según los datos de la encuesta de población activa (EPA) que publica este jueves el Instituto Nacional de Estadística (INE). Esta cifra supone un incremento del 6.33%, frente al 0.41% registrado por la media del conjunto estatal. También el número de personas ocupadas descendió en 15.900 en Galicia, hasta 1.033.600 (-1.52% respecto a 2016). Los sindicatos gallegos califican estos datos de "nefastos" e insisten en la movilización del 1 de mayo.

Nota de prensa del Gabinete de Comunicación de CC.OO.-Galicia:

Comisións Obreiras (CCOO) considera negativos os datos da enquisa de poboación activa (EPA) do primeiro trimestre de 2017, que cualifica de «nefastos». As cifras coñecidas reflicten que o mercado laboral galego continúa evolucionando peor que a media estatal. «Unha vez máis, os datos revelan que en Galicia estamos moi lonxe de que a recuperación económica chegue ás persoas», alerta Maica Bouza, secretaria de Emprego de CCOO.

Segundo a EPA, pérdense 16 000 empregos no primeiro trimestre e ao desemprego súmanse case 13 000 persoas, dous datos «terribles» —segundo Bouza— que implican un terceiro: máis de 3000 galegos e galegas abandonan o mercado laboral por falta de expectativas de emprego.

Aumenta o desemprego, pero tamén a desprotección social: a dirixente sindical asegura que a Xunta «non pode esquecer» que en Galicia hai máis de 217 000 persoas desempregadas e que persiste unha situación «dramática» nos 73 900 fogares con todos os seus membros en paro e nos 36 800 en que non se percibe ningún tipo de ingreso —datos peores que no trimestre anterior.

Ante o «drama» do desemprego e da desprotección social, ao que hai que sumar a pobreza salarial e social, a sindicalista insta a un cambio de políticas, de modelo produtivo e de relacións laborais. «Necesitamos que o Gobernos galego aposte polas persoas, por un plan de choque para o emprego e a protección social e por novo modelo produtivo. Sen estes cambios, Galicia seguirá no vagón de cola das comunidades autónomas españolas», sentencia Bouza.

Por esta razón, CCOO chama a cidadanía «a saír á rúa» o Primeiro de Maio e participar nas manifestacións convocadas de consún coa UGT a prol doutra política, que sitúe en primeira liña a recuperación do emprego estable, salarios xustos, pensións dignas e máis protección social para que se recuperen os dereitos económicos e laborais arrebatados e melloren as condicións de vida e de traballo da cidadanía.

Os datos da EPA do primeiro trimestre de 2017 indican que perderon o emprego 16 000 persoas en Galicia, co que a cifra de ocupación baixa ata 1 033 600. En proporción, a destrución de emprego foi maior en Galicia (−1,52 %) que na media estatal (−0,38 %).

A perda de emprego atangue a máis homes que mulleres (15.200 ocupados menos fronte a 800 ocupadas menos) e, por grandes grupos de idade, o colectivo máis prexudicado é o de 25 a 34 anos: 11 000 persoas ocupadas menos ca no cuarto trimestre de 2016 (−5,42 %). Por sectores, pérdese emprego en todos pero con máis forza na construción, que ocupa 4000 persoas menos (–5,70 %), no sector primario 1100 menos (–1,42 %), nos servizos 10 100 menos (–1,37 %) e na industria 800 menos (–0,48 %).

A creación de emprego por conta propia non compensou a perda de emprego por conta allea (unhas 7000 persoas ocupadas máis por conta propia fronte a 24 100 menos por conta allea). Canto á poboación asalariada, hai 20 200 persoas ocupadas menos no sector privado ca no cuarto trimestre de 2016 (–3,12 %) e 4000 menos no sector público (–2,25 %). Polo tipo de contrato, o emprego máis danado é o temporal (13 300 empregos temporais menos e 10 800 indefinidos menos). A taxa de temporalidade está no 25,8 % (25,0 % no primeiro trimestre de 2016).

Desde o primeiro trimestre de 2016 hai 12 500 persoas máis con emprego (2700 homes e 9800 mulleres). En proporción, creouse menos emprego en Galicia que na media estatal: 1,23 % fronte ao 2,27 %. Aínda quedan por recuperar 156 200 postos de traballo para acadar os niveis de ocupación de hai nove anos.

Ademais, esa creación de emprego asenta nunha elevada precariedade: no último ano substituíuse emprego indefinido por temporal (3900 persoas asalariadas menos cun contrato indefinido fronte a 7400 temporais máis). Polo tipo de xornada, o emprego a xornada parcial medrou máis que o de xornada completa (4,09 % fronte ao 0,77 %). No primeiro trimestre de 2017, o 63 % das persoas que traballaban a xornada parcial manifestaron ter ese tipo de xornada porque non atopaban un traballo a xornada completa; só un 8 % afirmou buscala.

No primeiro trimestre de 2017 había 217 100 parados e paradas en Galicia (111 900 homes e 105 200 mulleres), o que implica unha taxa de paro do 17,4 %, que é do 17,2 % nos homes e do 17,5 % nas mulleres. O paro de moi longa duración é desmesurado: o 41,5 % das persoas desempregadas levaban buscando un posto de traballo dous ou máis anos; estaba nesta situación 90 100 persoas.

Hai 12 900 persoas paradas máis ca no cuarto trimestre de 2016 (9200 homes e 3700 mulleres). En proporción, a suba do paro foi maior en Galicia (+6,33 %) ca na media estatal (+0,41 %). En termos anuais, a evolución do paro tamén é peor na nosa comunidade autónoma: en Galicia hai 10 800 persoas menos en paro que hai un ano, o que implica un descenso do 4,72 % cando no conxunto do Estado baixou o 11,19 %.

A gravidade da situación acada as maiores cotas nos fogares con todos os seus membros activos en paro: 73 900 fogares no primeiro trimestre de 2017; son 4300 máis ca no cuarto trimestre de 2016. Por outra banda, hai 36 800 fogares nos que ninguén percibe ingresos.

R., 2017-04-27

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania