miércoles, 24 de abril de 2024
Nota de prensa del Gabinete de Comunicación del PSdeG:
Precisamente esta lexislación fará que nos próximos meses os galegos e galegas paguen ata 43 millóns de euros máis nos recibos da luz tras unha sentenza do Tribunal Supremo, como xa advertiron hai uns días os socialistas.
Abel Losada explicou que esta lexislación discriminatoria prexudica só aos consumidores das grandes zonas produtoras como Galicia. Así, os consumidores galegos verán incrementada a súa factura polos custos ambientais das grandes empresas, mentres por exemplo os madrileños unha comunidade con grande consumo pero que non produce practicamente enerxía- non teñen que asumir estes custos. Así, os galegos e galegas sofren un dobre pago, económico e en termos de saúde e calidade de vida, nunha inxustiza flagrante.
O socialista denunciou que co PP pasamos do quen contamina, paga a que quen consume págalle a quen contamina, o que é unha absoluta perversión do que debe ser a loita contra o cambio climático e a implantación de enerxías renovables, que son os principios habituais nos países occidentais. Esta situación deixa en evidencia a debilidade política de Feijóo en relación coa política enerxética de Rajoy. Feijóo foi cómplice desta lexislación coa que os ministros Soria e Cañete construíron un modelo enerxético favorable ás grandes empresas produtoras de enerxía tradicional fronte a´s renovables, un modelo que Feijóo secundou co fracaso do seu concurso eólico.
Losada lembrou que a lexislación actual protexe ás eléctricas e as súas contas de resultados notables, e apuntou que en 2016 as tres grandes empresas de enerxía tiveron beneficios de case 6.000 millóns de euros. Pensamos que era necesario ir máis aló e dar con esta proposición de lei unha sinal de acción política fronte ao Goberno de España, algo que debería ter feito Feijóo e que lamentablemente non fixo, explicou.
En concreto, a proposta socialista pretende suprimir dous artigos (16.4 e 17.6) e modificar un terceiro (17.7) que permiten trasladar os impostos ambientais de ámbito autonómico aos consumidores. Esperamos que o PP defenda os intereses de Galicia e das comunidades excedentarias e que apoien esta proposición de lei, expresou o socialista, que lembra que este é o paso máis forte que se pode dar en termos políticos, pero necesario porque Galicia é dobremente prexudicada con esta lei. Esperamos que o PP resposte fóra da posverdade e dentro da realidade, ironizou.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
