Arraianos Multimedia, el Concello de Santiago y Radio Galicia convocan el I Certamen Escolar de Relato Radiofónico
"O vello dos contos" es el título del I Certamen Escolar de Relato Radiofónico convocado por Arraianos Multimedia, el Concello de Santiago de Compostela y Radio Galicia para el alumnado de 6º de Primaria y de los cuatro cursos de la ESO. Los textos deben ser inéditos, pensados para ser radiados, con una extensión de entre 3 y 5 folios en lengua gallega.
Nota de prensa do Gabinete de Comunicación do Concello de Santiago de Compostela:
O concelleiro de Educación e Cidadanía, Manuel Dios, e o representante de Arraianos Multimedia, Aser Álvarez, presentaron o I Certame Escolar de Relato Radiofónico "O vello dos contos".
Trátase da primeira edición dun concurso ao que pode presentarse o alumnado de 6º de primaria e dos catro cursos da ESO dos centros de Compostela. Os textos deben ser inéditos, pensados para ser radiados, dunha extensión de entre 3 e 5 folios, mecanografados a dobre espazo e escritos en lingua galega. Admítense tanto obras individuais como colectivas.
Os traballos teñen que presentarse por correo electrónico no seguinte enderezo: dptoeducacion@santiagodecompostela.gal e deberán incluír o enderezo, teléfono de contacto e correo electrónico das persoas autoras que asinarán ademais con nome e apelidos, idade, curso e nome do centro educativo. O prazo de presentación estará aberto ata o 19 de maio.
O premio para este primeiro certame consistirá na montaxe radiofónica e na publicación do texto premiado, de aí que unha das condicións esixidas sexa que a súa redacción teña que estar adaptada á emisión radiofónica. O premio está organizado polo Concello, en colaboración con Arraianos Multimedia e a emisora Radio Galicia Cadena SER.
A obra será representada e radiada en directo nun acto público de entrega de premios ao remate do curso escolar 2016/2017 onde haberá unha representación musical a cargo da Escola Municipal de Música. A peza leva por nome A Rosalía, baseada nun texto de Alfredo Brañas.
Xosé Mosquera Pérez (Compostela, 1895) foi a primeira estrela mediática de Galicia. A través dos micrófonos de Radio Galicia, o popular persoeiro que creou Mosquera Pérez, "O vello dos contos" chegaría a converterse nun auténtico fenómeno de masas en Compostela e na contorna, grazas aos seus relatos radiofónicos, contos e historias.
O obxectivo deste certame, en palabras de Aser Álvarez, pasa por "recuperar a memoria do vello dos contos, un home que está sempre en segundo plano". Ademais, preténdese "achegar o coñecemento da historia local e amosar que se trataba dun home moderno para a época".
R., 2017-03-24
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.