jueves, 25 de abril de 2024
Nota de prensa del Gabinete de Comunicación de la Diputación Provincial de Ourense:
O Programa Provincial de Entroidos 2017 reúne máis de 100 actividades do 23 de febreiro ao 5 de marzo, organizadas por diferentes municipios da xeografía ourensá. A presentación deste evento cultural tivo lugar no Centro Cultural "Marcos Valcárcel", acto no que participou o presidente da Deputación de Ourense, Manuel Baltar, acompañado por unha representación dos traxes e das máscaras típicas da nosa provincia: a pantalla de Xinzo, a mázcara de Manzaneda, o boteiro de Viana, o felo de Maceda, o boteiro de Vilariño, o troteiro de Bande, o labardeiro de Mugares, as bonitas de Sande, o vellarrón de Riós, os cabreiros de Muíños, o cigarrón de Verín, o felo e madama de Esgos, as pitas de Eiroás, a mázcara e zarramanculleiro da Xironda e o madamito de Entrimo.
O presidente da Deputación de Ourense adiantou na presentación do Programa Provincial de Entroidos 2017 que, o goberno provincial, "está a traballar para que, en coordinación con entroidos doutras rexións de España e do Norte de Portugal, sexa declarado pola UNESCO, Patrimonio Cultural Inmaterial", e engadiu, "encaixa perfectamente con esta definición, como representante da cultura dun pobo, que pasa de xeracións a xeracións e que forma parte da súa alma".
Baltar agradeceu a asistencia dos representantes "da festa tradicional de Ourense que converte ao mes de febreiro, nun dos máis importantes do ano, porque se hai unha provincia onde o Entroido é un referente cultural e etnográfico que traspasa os límites xeográficas, esa é Ourense".
Nese mesmo senso, Manuel Baltar dixo que a Deputación de Ourense, dada a súa visión integral de provincia, ve o Entroido "como una das nosas fortalezas e por elo, queremos continuar a impulsar e coordinar toda esta riqueza que está en diferentes puntos da nosa xeografía".
"O programa resume día a día cales son as manifestacións do Entroido máis importantes en cada unha das localidades e tendo como protagonistas as figuras senlleiras desta festa", afirmou o presidente do goberno provincial.
En canto á súa difusión dixo que se van a editar "12.000 exemplares que serán remitidos a todas as Oficinas de Turismo das principais cidades galegas e mesmo fóra de Galicia,e tamén a todos os establecementos hoteleiros da nosa provincia, para divulgar esta riqueza cultural. Así mesmo, emitirase en diferentes televisións locais, un spot publicitario sobre o Entroido de Ourense que contribúe a promocionar esta celebración ligada a nosa cultura, a nosa historia e a nosa identidade".
A provincia de Ourense conta con Entroidos declarados de Interese Turístico Nacional, como son os de Xinzo e Verín, ademais dos entroidos de Maceda, Laza, Vilariño de Conso, Manzaneda e Viana do Bolo que contan coa declaración de Interese Turístico Galego.
Fotografía: Gabinete de Comunicación de la Diputación Provincial de Ourense
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
