Noticias

El BNG propone aplicar un IVA superreducido en la factura de la luz para paliar la subida que se notará en la factura

La portavoz del BNG rechaza que la subida de la luz dependa de la lluvia y propone una "tarifa eléctrica gallega" bajando el IVA del 21% al 4%. Para Pontón, en Galicia se está produciendo una situación de "expolio" de la riqueza: "pagamos una de las facturas más altas de Europa, regalamos solidariamente la electricidad al resto del Estado, pero pagamos los costes por exportar energía".

Nota de prensa del Gabinete de Comunicación del BNG:

A portavoz do grupo parlamentario do BNG, Ana Pontón cuestionou “os privilexios das eléctricas” que, ao seu xuízo, mandan máis que os gobernos e propuxo “unha tarifa eléctrica galega” para compensar o impacto social e ambiental provocado pola xeración de enerxía, “unha fiscalidade máis xusta" rebaixando o IVE do 21% ao 4% para que os galegos e galegas obteñamos beneficio por seren excendentarios en produción eléctrica.

Desde o BNG, dixo, temos claro que Galiza ten dereito a beneficiarse da produción de enerxía, isto é a través dunha tarifa eléctrica galega que nos permita ter unha tarifa máis barata e xusta, e que sería un revulsivo á hora de crear emprego e acabar coa pobreza enerxética.

Para a portavoz nacionalista, en Galiza estase a producir unha situación de “espolio” da nosa riqueza: “pagamos unha das facturas máis altas de Europa, regalamos solidariamente a electricidade ao resto do Estado e por riba, pagamos os custes por exportar enerxía”.

A portavoz parlamentaria explicou que na tarifa que pagamos todos os galegos e galegas, pagamos conceptos de “solidariedade territorial”, como son os extracustos da xeración extrapeninsular ,Baleares, Canarias, Ceuta e Melilla, e que supoñen uns 1.800 millóns de euros anuais, ou o transporte a Comunidades moi deficitarias, caso paradigmático de Madrid que só produce o 0,4% do Estado e consume o 11%, “máis da metade da factura son impostos”, recalcou. Por outra banda, tamén sinalou que cada vez que sobe a luz “o goberno gaña” e este mes de xaneiro Facenda recadará 294 M€ máis que no mes pasado.

Ademais, ao encarecemento da luz hai que sumar o canon eólico que impuxo Feijóo e que suporá un incremento de 13 euros máis ao ano. Sobre o canón eólico, Pontón afirmou que Feijóo cometeu un “erro garrafal” ao cargarse o concurso eólico e renunciar á participación pública nos parques eólicos. Esta decisión, dixo, non só provocou un parón do desenvolvemento das renovábeis e a perda de miles de postos de traballo, senón que ao final vai significar que “os galegos e galegas paguemos a luz máis cara que o resto do estado”.

A portavoz do BNG reiterou a necesidade dunha tarifa eléctrica galega que evite que paguemos máis do que realmente costa o subministro da luz na Galiza, unha nova fiscalidade, dado que máis da metade da factura da luz son impostos, coa rebaixa do IVE da luz do 21% ao 4% e eliminar todas as trabas legais ao autoconsumo e ao coñecido “imposto ao sol”.

Ana Pontón concluíu preguntando porqué os vascos teñen unha tarifa eléctrica propia e en Galiza as familias e empresas non se poden beneficiar da produción de enerxía.

R., 2017-01-30

Actualidad

Foto del resto de noticias (Frisia_SemanaGal_Cadrada.jpg) A cidade de Leeuwarden, Frisia (Holanda), Capital da Cultura Europea de 2018, acollerá a semana do galego cun amplo programa de actividades. Grazas a Afûk (a institución que promove a lingua e cultura frisia), á Mesa pola Normalización Lingüística e á Fundación Vía Galego coa colaboración da Deputación da Coruña, do Concello de Santiago de Compostela e do Concello de Pontevedra desde o 22 ao 29 de xullo o galego será o protagonista do Pavillón das Linguas. O proxecto Pavillón das linguas (Lân fan Taal) consiste en amosar a diversidade lingüística europea e a existencia de nacións que teñen máis dun idioma, sendo a lingua o elemento máis característico que lle confire identidade propia a unha comunidade de falantes.
Foto de la tercera plana (resurrection.jpg) Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez. Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa".

Notas

Son 94 imaxes que recollen outras tantas instantáneas do ceo nocturno da man “dun grupo de soñadores que, sendo sensibles ao instinto ancestral de mirarmos cara ao ceo, se lanzaron á procura da noite a rescatar ese tesouro apagado polo malgasto de luz artificial”. Salvador Bará Viñas e Jorge Mira Pérez, profesores do Departamento de Física Aplicada da USC e coordinadores do libro, presentan nestas liñas aos nove fotógrafos e fotógrafas que achegan o seu punto de vista nesta obra editada pola USC.
A obra 'A vida salvaxe', de Gonzalo Hermo, é a gañadora da décimo sexta edición do Premio de Poesía Afundación, un certame que veñen convocando Afundación, o Centro PEN Galicia e a Consellería de Cultura e Educación co obxectivo de favorecer a creación literaria en galego. Licenciado en Filoloxía Galega e doutor en Lingüística pola Universidade de Santiago de Compostela, Gonzalo Hermo é autor dos poemarios 'Crac' e 'Celebración', polo que foi recoñecido co Premio Nacional de Poesía Joven Miguel Hernández no ano 2015 e co Premio da Crítica de poesía galega en 2014.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania