jueves, 25 de abril de 2024
Nota de prensa del Gabinete de Comunicación del PSdeG:
O portavoz dos socialistas no Parlamento de Galicia, Xoaquín Fernández Leiceaga, lamentou que a retórica habitual de boas intencións de Feijóo no discurso de fin de ano e as súas chamadas ao diálogo dificilmente pasan a proba dos feitos, sen propostas concretas para sacar Galicia adiante. Puxo como exemplo o Observatorio Galego de Dinamización Demográfica, e fixo unha proposta para reformalo e convertelo nun organismo con pluralismo e autonomía, que deixe de depender da Xunta e pase a estar adscrito ao Consello Económico e Social de Galicia, como condicións para a participación do grupo parlamentario socialista nunha estratexia demográfica de futuro.
Leiceaga lembrou que o Observatorio foi creado en agosto cun obxectivo electoral, e que o seu decreto de creación non contempla que poidan participar os grupos parlamentarios, a pesar de que agora Feijóo veña de propoñelo. Por iso lle esixe modificar o Decreto do 11 de agosto para que teña unha composición máis equilibrada, cunha persoa por grupo e autonomía con respecto á Xunta e cun plan de traballo con prazos e obxectivos. Agora mesmo depende funcional e organicamente da Xunta, e está presidido polo conselleiro de política social. Non hai pluralismo e autonomía, e é un organismo de asesoramento á Xunta, non un organismo da comunidade autónoma, advirte Leiceaga. Agora a pelota está no tellado da Xunta.
O socialista afirmou que Feijóo se resiste a recoñecer a realidade do grave problema de regresión demográfica que afecta a Galicia, e que os datos van a peor desde que el goberna, cunha caída continuada de nacementos que sitúan a Galicia cerca das peores cifras da serie histórica, e cunhas migracións externas de mozos e mozas con cifras en negativo desde 2012. Saen máis mozos dos que entran en relación co resto de España e co resto do mundo, explicou. Feijóo estase especializando en apadriñar todos os éxitos aínda que sexan doutros, pero negar calquera responsabilidade nos fracasos, dixo.
Leiceaga lembrou asimesmo a negativa do PP á proposta socialista de crear unha comisión parlamentaria para abordar a posición de Galicia no financiamento autonómico, unha cuestión central que vai ser estrela no primeiro semestre, e destacou que nas preguntas ao presidente sobre os pasos a dar para chegar a acordos non houbo respostas, senón fórmulas vacuas de búsqueda de unidade. Por iso avanzou que no vindeiro pleno o grupo socialista presentará novas iniciativas que permitan coñecer a posición da Xunta, para forzar que o goberno vaia máis aló e concrete en propostas e medidas concretas esta posición de suposta búsqueda de acordos en favor de Galicia.
Fotografía: Gabinete de Comunicación del PSdeG
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
