Noticias

La Praza do Obradoiro de la capital de Galicia se cubre de paraguas negros contra la violencia de género

Instituciones como la Xunta de Galicia o el concello de la capital gallega manifiestan su solidaridad con las víctimas de la violencia machista cubriendo con paraguas negros la compostelana Praza do Obradoiro. La Xunta resalta que "acabar" con la violencia de género "no es una utopía" y el PSdeG pide más juzgados de violencia de género para Galicia.

Nota de prensa del Gabinete de Comunicación del Concello de Santiago de Compostela:

A Corporación compostelá amosou, coincidindo co Día Internacional da Eliminación da Violencia contra as Mulleres, o seu rexeitamento ante a lacra das violencias machistas. Antes do comezo do acto gardouse un minuto de silencio pola última vítima de violencia de xénero, unha muller asasinada en Fuenlabrada e que supón a vítima número 40 no que vai de ano no Estado. Mais non só estes datos son desalentadores. De feito, un 21% das mulleres menores de 25 anos que tiveron parella foron vítimas dalgún tipo de violencia machista, fronte ao 9% das mulleres en xeral e un 25% das mulleres mozas de 16 a 19 anos.

O alcalde de Santiago, Martiño Noriega, deu lectura a un manifesto institucional asinado por todos os grupos políticos. Noriega sinalou que "a violencia machista é un dos máis graves problemas a que nos enfrontamos na nosa sociedade, avanzando na visibilización dalgunhas violencias contra as mulleres grazas ao traballo de mobilización e concienciación dos diferentes movementos feministas e de mulleres".

O rexedor compostelán comprometeuse ademais, dende o marco da política municipal, a "situar a violencia de xénero como unha das prioridades na axenda política e continuar desenvolvendo medidas de concienciación do conxunto da veciñanza, prevención e educación para a igualdade entre as persoas máis novas. Tamén se prestará atención ao estudo permanente da realidade do concello no tocante a violencia de xénero, así como á avaliación das políticas desenvolvidas neste terreo e a garantir no ámbito local a atención e apoio integral ás vítimas mediante recursos públicos de calidade, coa axeitada formación do persoal para que poida desenvolver o seu traballo coa máxima rapidez e facilitar canto antes a superación deste tipo de situacións".

O acto por este 25 de novembro rematou cunha acción na que participaron persoas a título individual e voluntarios e voluntarias da campaña Compostela en Negro. Cun total de 450 paraugas negros e brancos e a participación de numerosas persoas, entre elas os centros educativos públicos de Santiago, creouse o logo da campaña na Praza do Obradoiro.

Ademais das accións institucionais, o movemento feminista convocou unha manifestación a partir das 20:00 horas, que sairá da praza 8 de Marzo para ir por Casas Reais, Cervantes, praza do Pan, Preguntoiro, Toural, rúa do Vilar e Praterías.

Nota de prensa del Gabinete de Comunicación de la Xunta de Galicia:

O 25 de novembro foi declarado pola Asemblea Xeral das Nacións Unidas como o Día Internacional para a eliminación da violencia de Xénero.
Transcorreron xa dezasete anos dende aquela declaración pero dende as instancias públicas cada 25 de novembro seguimos a amosar un compromiso firme coa erradicación de calquera tipo de discriminación que permita que esta violencia persista na nosa sociedade.

A violencia de xénero é un asunto de Estado, polo que previr e poñer fin á violencia exercida contra as mulleres e un obxectivo prioritario e irrenunciable para a Xunta de Galicia.

Dende a Administración galega queremos facer especial fincapé neste ano 2016 na mocidade, que constitúe un grupo especialmente vulnerable á violencia de xénero, e co que precisamos seguir a traballar para que os mozos e mozas identifiquen e rexeiten condutas sexistas que ás veces se toleran ou xustifican, e que a longo, ou incluso a medio prazo, poden desembocar en relacións violentas. Todas as formas de violencia de xénero aliméntanse dos mesmos problemas de valores, dos mesmos estereotipos caducos e dos mesmos mitos enganosos que desgraciadamente a poboación máis nova parece estar reproducindo de maneira preocupante.

NoticiaSe queremos previr a violencia de xénero debemos evitar os pasos que se inician baixo as referencias dunha cultura machista, e polo tanto, para erradicar calquera forma de violencia, a solución reside na educación.
O respecto, a liberdade e a igualdade son tres dos piares básicos nos que centrar esa educación.

Resulta imprescindible que a mocidade de hoxe, protagonista da sociedade do mañá, comprenda, coñeza e identifique a violencia de xénero, recoñeza os primeiros sinais dos malos tratos e, a continuación, se converta en protagonista do logro dunha sociedade libre de violencia contra as mulleres: apoiando a quen a sofre e rexeitando actitudes e estereotipos que a promoven ou a xustifican, desde o convencemento de que a igualdade entre mulleres e homes e o respecto pola dignidade do outro son imprescindibles e útiles para a súa convivencia pacífica na sociedade.

É necesario seguir traballando na prevención, na detección e na sensibilización, e visibilizar un problema de profundo calado social.
Traballemos todos e todas xuntos e avancemos unidos para conseguir unha sociedade 0 % machista.

Un ano máis,
Todos contra a violencia de xénero
Todas contra a violencia de xénero
Galicia contra a violencia de xénero

Nota de prensa del Gabinete de Comunicación del PSdeG:

Os deputados do PSdeG no Congreso presentaron unha proposición non de lei na que demandan a creación, no ano 2017, de “xulgados específicos de violencia de xénero” nas ciudades galegas que carecen deles.

No día contra a violencia machista, a presidenta da comisión de Igualdade no Congreso, Pilar Cancela, lembra que só hai xulgados específicos en Vigo e A Coruña, ambos postos en marcha con gobernos socialistas no executivo central e na Xunta no ano 2007.

“O resto das cidades necesitan xulgados de violencia de xénero, persoal especializado e reformas nas instalacións xudiciais para evitar o cruce entre agresores e vítimas”, apunta Cancela. “Fumos pioneiros na loita contra esta lacra coa Lei do 2004, pero as partidas orzamentarias menguaron co Partido Popular e agora son necesarias medidas urxentes”, sostén.

Nun acto celebrado en Lugo, manifestou que “hoxe é un día de tristura, os que temos responsabilidades temos que actuar e se hai un partido comprometido para rematar con esta lacra, é o PSOE; pasemos das palabras aos feitos, temos que reivindicar máis medios”.

Á marxe de xulgados específicos, a proposición non de lei dos socialistas galegos demanda “o Acompañamento Xudicial Personalizado, para facer accesible a información ás mulleres vítimas de violencia de xénero sobre o itinerario e procedemento máis seguro no seu recorrido xudicial, desde a presentación da denuncia ata o final do proceso”.

No primeiro semestre do ano, o número de denuncias con respecto ao mesmo periodo de 2015 medrou en Galicia un 5,9% (1.389 fronte a 1.312). “A loita contra a violencia machista precisa de actuacións integrais e transversais, non poden continuar os recortes en materia de prevención”, rematou Cancela.

R., 2016-11-25

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania