Noticias

Feijóo adelanta la aprobación del Catálogo de los Paisajes de Galicia y el último trámite del reglamento de la Ley del Suelo

El titular de la Xunta realizaba este anuncio durante la jornada inaugural de Diálogos con el paisaje construido, donde dijo que "un equilibrio entre el desarrollo, la conservación y la integración de nuestra paisaje es el reto que queremos conseguir" con un catálogo en el que participaron los ciudadanos para lograr mayor seguridad jurídica.

Nota de prensa del Gabinete de Comunicación de la Xunta de Galicia:

O presidente do Goberno galego, Alberto Núñez Feijóo, avanzou que o Consello da Xunta aprobará o catálogo das paisaxes de Galicia e o o último trámite do regulamento que desenvolve a Lei do solo. “Buscar un equilibrio entre o desenvolvemento, a conservación e a integración da nosa paisaxe é o reto que queremos conseguir”, dixo, incidindo en que todas as iniciativas que se están a levar a cabo teñen como fin o recoñecemento do carácter identitario do noso contorno natural.

Durante a inauguración da xornada Diálogos coa paisaxe construída, Feijóo salientou nun primeiro termo as significativas achegas que vai traer consigo o primeiro Catálogo das Paisaxes de Galicia; un catálogo cuxo decreto será aprobado mañá para poñer en valor, non só a defensa das paisaxes galegas, senón tamén a súa diversidade e riqueza. Non en van este texto identifica 258 tipos de paisaxes diferentes na xeografía galega e delimita 211 áreas de especial interese paisaxístico que abranguen máis de 252.595 hectáreas.

O titular do Executivo autonómico referiuse ao documento como un exemplo de participación e colaboración e lembrou que durante o período de exposición pública recibiu 80 alegacións de concellos, comunidades de montes, asociacións ecoloxistas e veciñais, etc., o que permitiu incorporar ao catálogo 192 novos lugares de especial interese paisaxístico que xeraron catro novas áreas de especial interese paisaxístico: Pego Negro e San Xusto de Lérez, na grande área Rías Baixas; Foxo Vello-O Canelar, na grande área das Chairas, Fosas e Serras ourensás; e Coto de Codeseda, na grande área da Galicia central.

Ademais, tamén se engadiron ao documento 28 novos miradoiros, pasando así dos 444 iniciais a un total de 472.

Feijóo subliñou así que as vantaxes que ofrece este catálogo radican na transparencia coa que foi elaborado, posto que se fixo partícipes a todos os cidadáns; en que achega maior seguridade xurídica; fomenta a concienciación no coidado da paisaxe de Galicia; e promove a relevancia da paisaxe como recurso de desenvolvemento económico.

Así mesmo, a colaboración deu pé tamén a un convenio co Colexio de Arquitectos de Galicia que se asinou para desenvolver unha Guía de Materiais e Cores, que pretende servir de base para orientar sobre os materias e cores utilizados nas 12 áreas paisaxísticas de Galicia e, posteriormente, establecer unhas recomendacións de uso. Unha iniciativa á que, por outra banda, hai que sumar a elaboración das Directrices da paisaxe que aínda están en curso.

“Cando finalicemos as directrices da paisaxe teremos á nosa disposición un amplo elenco normativo para valorizar e protexer a nosa paisaxe e, completado coa Lei do solo e o seu regulamento, teremos construído todos os alicerces normativos para poder ter unha guía para actuar” aseverou.
Primeira Lei do solo da historia de Galicia

Sobre este punto, o responsable autonómico incidiu en que o seu regulamento está en pleno proceso de tramitación co obxectivo de que estea aprobado a finais de setembro.

“Estamos a falar dunha norma xa en vigor que será a primeira Lei do solo da historia de Galicia que conte co seu propio regulamento; un texto que, ademais, está a ser tramitado en tempo récord”, abundou, lembrando que a súa aprobación inicial en febreiro tivo lugar incluso antes da entrada en vigor da propia lei; “e será precisamente o Consello da Xunta de mañá, o que autorice a aprobación do texto que desenvolve este regulamento para que sexa remitido ao Consello Consultivo”.

O responsable autonómico subliñou que este ordenamento vai facilitar a propia aplicación da lei porque “é a primeira vez que unha Lei do solo en Galicia ten un regulamento propio feito na Comunidade” incidiu, “e que, polo tanto, a desenvolve e a interpreta axeitadamente, sen necesidade de empregar os regulamentos estatais”.

Así mesmo, afirmou que o esforzo e a implicación das administracións fixo posible que se incrementase nun 160% o número de concellos que contan cun planeamento actualizado, pasando de 33 a 89.

Feijóo concluíu afirmando que Galicia aspira a ser un exemplo de urbanismo responsable, unha Comunidade onde o medio ambiente e o crecemento urbanístico convivan e interactúen. “E isto –dixo- require dun diálogo continuo entre os principais actores implicados, moitos deles presentes nesta xornada. E require que ese diálogo e as súas conclusións se plasmen logo a nivel normativo”.

Fotografía: Gabinete de Comunicación de la Xunta de Galicia

R., 2016-07-27

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania