jueves, 18 de abril de 2024
Nota de prensa del Gabinete de Comunicación de En Marea:
Deputados e deputadas de En Marea rexistraron no Congreso dos Deputados a solicitude de Grupo Parlamentario en coherencia co carácter de suxeito político propio que lle outorgaron as urnas o 26 de xuño, cando a candidatura conqueriu 5 actas no Congreso e 1 no Senado e máis do 15% en todas as circunscricións nas que se presentou.
A portavoz de En Marea, Alexandra Fernández, fixo referencia ao posible bloqueo da Mesa do Congreso dicindo que non se pode facer un cambio de cromos cos grupos nin xugar cos nosos dereitos. E engadiu que se, finalmente si lle concede grupo a Convergencia Democrática de Cataluña, a legalidade da Cámara quedaría absolutamente en entredito.
En Marea ten a seguridade que, pase o que pase, terán garantidas na práctica todas as características dun grupo parlamentario (iniciativa política, axenda propia, portavocía
) e seguirán traballando para cambiar o regulamento e permitir a entrada da diversidade nas Cortes e que a decisión non se reparta entre o bipartidismo de sempre, desatendendo a vontade de miles de persoas que decidiron co seu voto outorgarlle a capacidade de constituirse como primeiro grupo parlamentario galego no Congreso.
De non lograr grupo propio, En Marea comprométese a chegar ata as últimas consecuencias coa defensa dos nosos dereitos, incluído o Tribunal Constitucional, avaliando as medidas legais a desenvolver para que esta demanda gañada democraticamente poida saír adiante.
Fotografía: Gabinete de Comunicación de En Marea
A Secretaría de Estado de Turismo vén de emitir a resolución pola que se concede a declaración de Interese Turístico Nacional á Festa da Filloa de Lestedo, en Boqueixón. Con este recoñecemento, Galicia suma xa 10 festividades con este recoñecemento. A Festa da Filloa de Lestedo súmase así ás outras nove que xa contan con este recoñecemento: a Romaría de Nosa Señora da Barca (Muxía), as Carrilanas de Esteiro (Muros), as festas do San Froilán (Lugo), a Feira do Bonito (Burela), a Festa da Historia (Ribadavia), o Entroido de Verín. Tamén a Festa do Marisco do Grove, as Festas de San Roque (Vilagarcía de Arousa) e a Festa da Reconquista (Vigo).
Baixo o título 'Horizontes dos Estudos Galegos e /na Lusofonía', esta nova edición do congreso da AIEG parte do tradicional vínculo entre Galicia e os países lusófonos para promover o debate, a crítica e novas propostas sobre as relacións no espazo cultural, académico e institucional. Farao a través de relatorios, paneis, mesas e sesións plenarias nas que participarán especialistas das tres universidades galegas, pero tamén do ámbito nacional e internacional, que discutirán sobre os campos lingüístico, literario, histórico, económico, antropolóxico, filosófico, sociolóxico e artístico. No marco do congreso tamén terán cabida as actividades culturais, como excursións ou exposicións, especialmente dirixidas á mocidade investigadora; ou a presentación de produtos académicos e proxectos, como o Proxecto Nós, impulsado polo Goberno galego para incorporar a lingua propia de Galicia á vangarda da Intelixencia Artificial.
