jueves, 25 de abril de 2024
O titular do Goberno galego, Alberto Núñez Feijóo, quere transmitir, no nome da Xunta de Galicia e no de todos os galegos, os seus parabéns a Javier Gómez Noya pola súa vitoria nas Series Mundiais de tríatlon. O deportista ferrolán acadou onte o seu cuarto triunfo na máxima competición internacional deste deporte olímpico, tras acabar en terceira posición na Gran Final celebrada na localidade canadense de Edmonton.
O mandatario galego enxalza a capacidade de esforzo, loita e sacrificio amosada por Gómez Noya ao longo da súa carreira deportiva, que o converten nun exemplo para toda a cidadanía, especialmente para os máis novos. Grazas a estes valores, o novo campión do mundo de tríatlon ten conseguido un palmarés extraordinario, no que destacan a súa medalla de prata nos Xogos Olímpicos de Pekín e os títulos mundiais de 2008, 2010, 2013 e xa de 2014. Por todo iso, o presidente da Xunta considera a Gómez Noya como un dos mellores deportistas galegos da Historia e deséxalle sorte de cara aos seus próximos retos.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
