miércoles, 24 de abril de 2024
En Lugo e Vilalba foi presentado o libro "Por qué nunca fui de izquierdas", de Domingo Goás Chao: é o segundo libro deste avogado vilalbés residente en Madrid, presidente da Cofradía do Capón de Vilalba, e foi o primeiro español profesional do dereito que interveu diante do Tribunal de Dereitos Humanos de Estrasburgo, mesmo antes de que España ingresara na Unión Europea.
O libro, que a ese título engade o subtítulo de "ni nacionalista... pero sí liberal", é unha declaración do sentimento deste autor, baseado na súa experiencia vital que comeza nos seus anos mozos vilalbeses onde chegou a ser Tenente de Alcalde, pasando pola súa experiencia profesional en Madrid, unha etapa de traballos de Planificación Urbanística (unha das súas especialidades) nas dictaduras de dereitas na América do Sur, unha viaxe polos países de detrais do Telón de Aceiro a comezo dos anos setenta, e unha visión profunda dos acontecementos deste país nos últimos anos e no momento actual.
Domingo Goás Chao evidénciase fondamente liberal, e do libro despréndese unha absoluta independencia de partidos políticos ou correntes de opinión establecidas ou marcadas, e o duro contido ven constituir -mesmo como contrapunto a outro existente titulado "Por qué dejé de ser de izquierdas" -unha crítica aos reximes totalitarios dun ou doutro signo, pero tamén unha análise crítica da vida en democracia - partitocracia, como ven denunciar- en España nos últimos tempos.
A presentación en Lugo efectuouse en Lugo na Galería Sargadelos, onde interviñeron Xesús Pérez Regueiro, Director de Sargadelos; Enrique Rivera, de editorial "De buena Tinta"; o xornalista Xulio Xiz, e o autor. En
Vilalba, na Casa da Cultura, interviñeron, ademáis do representante da Editorial, o autor e o xornalista vilalbés mencionado, o Alcalde da cidade, Gerardo Criado Guizán.
Fotografías: Carlos Rodríguez
Por que o universo dos activos dixitais semella un mundo masculino? Por que a maioría de influencers do mundo cripto que saen á palestra son homes? Está equilibrada a proporción entre homes e mulleres nos consellos de administración das empresas? Estas son algunhas das preguntas ás que se deu resposta este luns na VI Xornada de igualdade de xénero e Dereito Mercantil, actividade dirixida desde a Facultade de Ciencias Xurídicas e do Traballo polas docentes Sara Louredo e Ana Mª Aido e para a que, nesta ocasión, se contou coa participación de dúas profesoras expertas en Dereito Mercantil: Vanessa Jiménez, da Universidad de Salamanca, e Josefina Boquera, da Universidad de Valencia.
Un total de 23 os equipos de 19 colexios e institutos participaron no lanzamento de satélites elaborados por parte de centros educativos galegos no marco da fase autonómica do programa da Axencia Espacial Europea Cansat 2024, que se desenvolveu no aeródromo das Gaivotas, en Cerceda. A xornada desenvolveuse arredor de tres actividades: un obradoiro de foguetes químicos e de auga impartida polo alumnado do Centro Público Integrado O Cruce (Cerceda), unha exhibición de drons a cargo de Aeromedia e o lanzamento dos satélites. O secretario xeral técnico da Consellería de Educación, Ciencia, Universidades e FP, Manuel Vila, acompañou os alumnos nesta xornada.
