O portavoz do BNG no Congreso dos Deputados, Francisco Jorquera, anunciou o voto a favor do BNG na moción do Grupo do Partido Popular para que o Goberno anule a suba do IVE prevista para o mes de xullo e que se debateu esta tarde no Pleno da Cámara Baixa.
Jorquera empezou subliñando que “o BNG non está de acordo coas políticas fiscais do Partido Popular nin nas formas nin no fondo”. “Nas formas –precisou- porque cremos inaudito que un partido que moitas veces intenta dar leccións de responsabilidade e sentido do Estado faga manifestación a prol da rebelión fiscal”.
E en canto ás cuestións de fondo coas que discrepa o BNG denunciou que “o Grupo Propoñente da moción está instalado na demagoxia en materia fiscal, que o leva a pedir todo tipo de rebaixas impositivas, mentres ao mesmo tempo fai apelacións a volver ao dogma do déficit cero introducindo drásticos recortes en materia de investimento público e gasto social”.
Porén, Francisco Jorquera asegurou que o BNG coincide cos contidos da moción, “xa que a suba do IVE é socialmente inxusta, pois acentúa a presión fiscal sobre as rendas media e baixas, as que teñen que dedicar máis porcentaxe da súa renda ás necesidades básicas de consumo”. E tamén porque “a suba do IVE é contraproducente, pois gravar o consumo nun contexto de deflación da demanda dificulta e atrasa a recuperación”.
Ademais, Francisco Jorquera denunciou a actitude do Grupo Socialista “que recorre á chamada esquerda parlamentaria para que non apoie unha iniciativa que provén do PP, pero non negocia coa esquerda as políticas fiscais, senón que pola contra asume cada vez máis os dogmas do ultraliberalismo”.
Nese liña sitúo as recentes declaracións da ministra de Economía nas que asegurou que “os impostos indirectos –caso do IVE- son os máis neutros na marcha da economía e polo tanto son os que hai que potenciar”. “Onde está o papel dos impostos como elemento de redistribución da riqueza?”, preguntouse. Por todo elo, anunciou o voto favorábel do BNG á moción contra a suba do IVE.
La situación interna de los dos partidos de la oposición en Galicia, el BNG y el PSdeG, sigue siendo complicada. El nuevo candidato nacionalista a la Xunta, Francisco Jorquera, dice que Beiras o Aymerich deberían seguir en el BNG y que Galicia no puede permitirse dos nacionalismos. El secretario general del PSdeG hace un llamamiento a los críticos para que se integren.
La Xunta de Galicia homenajea el miércoles 8 de febrero al intelectual gallegista Isaac Díaz Pardo con un acto en la Cidade da Cultura que está presidido por el titular del Gobierno gallego, Alberto Núñez Feijóo. Desde el fallecimiento de Díaz Pardo, el Gobierno gallego y la familia colaboraron en la organización de este homenaje.
Menéame
