Notas de prensa

Santiago acolle un curso de coordinadores do voluntariado do Xacobeo 2010

O obxectivo da acción é establecer as bases de funcionamento e coordinación entre todas as persoas que traballarán no programa voluntariado Xacobeo 2010. Inclúense relatorios sobre os protocolos de actuación a seguir en caso dunha emerxencia.

Santiago acolle no Monte do Gozo o curso presencial para os coordinadores do programa Voluntariado Xacobeo 2010, unha iniciativa que porá en marcha o Goberno galego con motivo do Ano Xanto. O obxectivo da acción formativa, á que acudirán un total de 25 coordinadores, é establecer as bases de funcionamento e coordinación entre todas as persoas que traballarán no devandito programa.

O curso, que organiza a Consellería de Traballo e Benestar, comeza cunha presentación en xeral da iniciativa, que correrá a cargo do director xeral de Xuventude e Voluntariado, Ovidio Rodeiro Tato.

Na primeira xornada do curso daranse diversas conferencias ao longo de todo o día sobre temáticas diferentes. Así, a coordinadora do programa Voluntariado Xacobeo 2010 Galicia, Beatriz Barbeito, exporá a función dos coordinadores do programa e os seus campos de actuación; o experto en programas de Xuventude e Voluntariado, Roberto Fernández Cartón, centrarase no ámbito lexislativo e falará sobre a Lei do Voluntariado e so dereitos e deberes do voluntario, do coordinador e da administración e o periodista Cristóbal Ramirez disertará sobre a experiencia dos peregrinos.

Ademais, haberá varios relatorios sobre os protocolos de actuación a seguir en caso dunha emerxencia e as principais normas de seguridade viaria no camiño. Ao respecto, o xefe do servizo de Protección Civil, dependente da Dirección Xeral de Emerxencias e Interior, Pedro Luis Sánchez, ofrecerá unha conferencia sobre a prevención e recomendacións, así como os ámbitos de actuación. O obxectivo é buscar a máxima coordinación entre os voluntarios do programa autonómico e as persoas de Protección Civil que habitualmente están ao pe do camiño.

O curso rematará con dúas ponencias. A primeira centrarase nunha explicación sobre outros programas levados a cabo por voluntarios e a segunda versará a cerca da actuación ante os medios de comunicación.


Gabinete de Comunicación da Consellería de Cultura e Turismo da Xunta de Galicia, 2010-03-05

Actualidad

Foto del resto de noticias (setecidades-setesabores.jpg) Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Foto de la tercera plana (trens-turisticos-2026.jpg) Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.

Notas

A USC será do 10 ao 12 de xuño o punto de encontro da comunidade universitaria dedicada á Tecnoloxía Educativa co desenvolvemento das XXXIII Xornadas Universitarias de Tecnoloxía Educativa (JUTE 2026). O congreso, que reúne profesorado, persoal investigador e estudantado de universidades de toda España e do estranxeiro, regresa á Facultade de Ciencias da Educación baixo o lema ‘Alfabetización Dixital Crítica para unha Convivencia Híbrida’.
O Centro de Investigación Mariña da UVigo celebrou a súa primeira década de existencia, na que se consolidou como un dos polos científicos máis dinámicos do sistema galego integrado na Rede Cigus e como un referente no arco atlántico europeo. Foi nun acto institucional que tamén serviu para conmemorar os 20 anos da Estación de Ciencias Mariñas de Toralla, unha infraestrutura singular que forma parte da rede europea EMBRC e que dá soporte a unha comunidade científica de máis de 200 investigadores dedicados ao estudo do océano.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES