Notas de prensa

A Secretaría Xeral de Medios pon en marcha un novo proxecto multimedia de formación en Galicia

Trátase dunha serie de doce titoriais cos que a Secretaría, no marco da campaña Comunícate, pretende fomentar o emprego das novas tecnoloxías no ámbito da comunicación e a través da rede de telecentros de Galicia.

No marco da campaña Comunícate, que a Secretaría Xeral de Medios desenvolve para dar a coñecer a Rede de Telecentros de Comunicación de Galicia (RTC), estase a traballar nunha serie de doce titoriais interactivos co obxectivo común da facilitar ao usuario o coñecemento e uso das novas tecnoloxías no ámbito da comunicación. O primeiro deles, que versa sobre como subir un vídeo ou unha fotografía a internet, presentouse esta tarde no Centro Multimedia de Galicia de Santiago de Compostela.

Segundo explicou a xefa de Servizo de Programación Multimedia da Secretaría Xeral de Medios, Felicitas Rodríguez, os titoriais, desenvolvidos en Flash, están pensados para un público con escasos coñecementos informáticos e tratarán sobre distintos temas relacionados co mundo das novas tecnoloxías no ámbito da comunicación e cos distintos servizos e oportunidades que a rede ofrece na actividade diaria da cidadanía: o acceso á banca electrónica, a administración electrónica, a formación on-line, as redes sociais, etc… Os interesados poden informarse e inscribirse no 981 555 291.

Foi o xornalista e blogueiro galego Nacho Mirás o encargado de introducir e presentar o primeiro dos titoriais desde o Centro Multimedia de Galicia, aproveitando para facer un percorrido pola situación actual da blogosfera galega. A xornada púidose seguir a través de videoconferencia nos Telecentros de Comunicación de Oroso, Catoira, Abegondo, Lugo, Verín e O Barco de Valdeorras, onde os interesados poderán traballar co titorial, que queda así accesible, a partir de hoxe, nos distintos TC da Rede de Telecentros de Comunicación para o seu uso.

Na súa charla, Nacho Mirás realizou un percorrido pola situación actual da blogosfera galega, desde a súa dobre vertente de xornalista e blogueiro. Mirás situou o ano 2005 como punto da verdadeira explosión da blogosfera galega, un ano no que o que tiña sido un avance discreto racha completamente a súa tendencia e se estende ata o punto de poder analizarse coma un fenómeno de masas, cunha forte penetración.

Mirás analizou, entre outros aspectos, o paralelismo entre os medios de comunicación e os blogs ou bitácoras na rede, facendo fincapé en que os segundos non só suporán, como se cría nun principio, a desaparición dos primeiros, senón que ambos se poden complementar.

A Rede de Telecentros de Comunicación galega (RTC)

Un TC é un espazo acondicionado acusticamente e de estética particular que dispón de material informático (ordenadores, impresoras, etc.), equipo de videoconferencia, material audiovisual, pantallas de proxección e de plasma, así como outros sistemas de control que permiten recrear diferentes escenarios (accións formativas, videoconferencias, visionado de audiovisuais ou multimedia) dependendo das necesidades técnicas do evento que se queira desenvolver.

A Rede de Telecentros de Comunicación (RTC) é un servizo público e gratuíto para todos os cidadáns financiado pola Secretaría Xeral de Medios, en colaboración cos concellos onde se sitúan.

Actualmente a Rede de Telecentros de Comunicación de Galicia dispón de TC nas localidades de Coruña, Abegondo, Arzúa, Betanzos, Boiro, Carballo, Melide, Muros, Negreira, Oroso, Santa Comba, Santa Comba, Ribeira, Santiago, Vedra, Vimianzo, Allariz, Castro Caldelas, O Baro de Valdeorras, O Carballiño, Ourense, Verín, Xinzo de Limia, A Fonsagrada, Becerreá, Chantada, Foz, Guitiriz, Lugo, Monforte de Lemos, Monterroso, Quiroga, Sarria, Viveiro, A Cañiza, A Estrada, Catoira, Lalín, Marín, Ponteareas, Pontevedra, Redondela, Tui, Vigo e Vilagarcía de Arousa.

Gabinete de Comunicación da Xunta de Galicia, 2009-06-30

Actualidad

Foto del resto de noticias (setecidades-setesabores.jpg) Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Foto de la tercera plana (trens-turisticos-2026.jpg) Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.

Notas

A USC será do 10 ao 12 de xuño o punto de encontro da comunidade universitaria dedicada á Tecnoloxía Educativa co desenvolvemento das XXXIII Xornadas Universitarias de Tecnoloxía Educativa (JUTE 2026). O congreso, que reúne profesorado, persoal investigador e estudantado de universidades de toda España e do estranxeiro, regresa á Facultade de Ciencias da Educación baixo o lema ‘Alfabetización Dixital Crítica para unha Convivencia Híbrida’.
O Centro de Investigación Mariña da UVigo celebrou a súa primeira década de existencia, na que se consolidou como un dos polos científicos máis dinámicos do sistema galego integrado na Rede Cigus e como un referente no arco atlántico europeo. Foi nun acto institucional que tamén serviu para conmemorar os 20 anos da Estación de Ciencias Mariñas de Toralla, unha infraestrutura singular que forma parte da rede europea EMBRC e que dá soporte a unha comunidade científica de máis de 200 investigadores dedicados ao estudo do océano.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES