Notas de prensa

Innovación e Industria colabora co comercio para enfrontar a crise

Entre outras medidas, a Xunta cooperará co IGAPE para a habilitación de liñas de financiación específicas, negociará coas caixas galegas e axilizará o proxecto de Lei de Comercio.

O conselleiro de Innovación e Industria, Fernando Blanco, mantivo unha reunión de traballo con representantes do comercio do país para analizar a evolución do sector comercial nos últimos anos e no que vai do presente 2008. O titular nacionalista informou logo desta reunión, á que asistiron José María Seijas, presidente da Federación Galega do Comercio, Xosé Bangueses, presidente do Foro Galego do Comercio e Xavier Pérez Bello, vicepresidente da Federación de Autónomos de Galicia (FEAGA), que a Consellaría de Innovación e Industria porá en marcha unha serie de mecanismos que conxuntamente consideraron “necesarios para a boa marcha do comercio” nunha situación que o conselleiro valorou como “moi complexa”.

Neste sentido, o conselleiro deu a coñecer os últimos datos da evolución do comercial no país, que reflicten unha baixada media de vendas de entre o 15 e o 20% como consecuencia da crise económica e das condicións climatolóxicas no caso do téxtil e do calzado. Por outra parte, tanto o número de comercios como o emprego mantén os niveis dos últimos anos, cun comercio máis que no ano 2005 e un 6,4% máis de emprego.

Segundo explicou Fernando Blanco, o seu departamento axilizará “todo o posíbel” o proxecto de Lei de Comercio Interior de Galiza, unha medida que os comerciantes consideran necesaria xa que entenden que esta Lei será unha “boa ferramenta”, dixo o conselleiro, de cara ao futuro.

Por outra banda, a Consellaría de Innovación e Industria traballará conxuntamente co IGAPE e co propio sector comercial para o establecemento de liñas de financiamento específicas e ademais, iniciará reunións coa coas entidades financeiras públicas de Galiza para conseguir pola súa parte unha actitude “máis proactiva” dentro do sector do comercio co obxectivo, segundo dixo o titular da Consellaría, de “garantir a pervivencia e a continuidade no tempo” do sector.

Por último Fernando Blanco informou de que Innovación continuará apostando polo desenvolvemento de campañas de comercio e plans de formación e mellora da calidade, calidade que constitúe, ao seu xuízo, a “baza competitiva do pequeno comercio”.

O conselleiro asegurou que estas medidas, xunto co esforzo dos comerciantes e a confianza de que “estamos afrontando unha crise que pasará como todas as crises”, conseguirase que os comercios estean “ben posicionados e teñan capacidade para medrar de cara ao futuro”. Nese sentido, o conselleiro dixo que no sector hai “optimismo” para enfrontarse a unha situación moi complexa “que require dun traballo conxunto entre a iniciativa privada e a administración para definir e analizar continuamente como enfrontarse da mellor maneira posible a ela”.

Gabinete de Comunicación da Consellería de Innovación e Industria da Xunta de Galicia, 2008-09-05

Actualidad

Foto del resto de noticias (setecidades-setesabores.jpg) Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Foto de la tercera plana (trens-turisticos-2026.jpg) Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.

Notas

A USC será do 10 ao 12 de xuño o punto de encontro da comunidade universitaria dedicada á Tecnoloxía Educativa co desenvolvemento das XXXIII Xornadas Universitarias de Tecnoloxía Educativa (JUTE 2026). O congreso, que reúne profesorado, persoal investigador e estudantado de universidades de toda España e do estranxeiro, regresa á Facultade de Ciencias da Educación baixo o lema ‘Alfabetización Dixital Crítica para unha Convivencia Híbrida’.
O Centro de Investigación Mariña da UVigo celebrou a súa primeira década de existencia, na que se consolidou como un dos polos científicos máis dinámicos do sistema galego integrado na Rede Cigus e como un referente no arco atlántico europeo. Foi nun acto institucional que tamén serviu para conmemorar os 20 anos da Estación de Ciencias Mariñas de Toralla, unha infraestrutura singular que forma parte da rede europea EMBRC e que dá soporte a unha comunidade científica de máis de 200 investigadores dedicados ao estudo do océano.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES