Notas de prensa

O SLG inicia a campaña reivindicativa a prol dos 0'42 euros como prezo base do leite

A campaña desenvólvese baixo o lema: Por un contrato xusto para o leite, non asines por menos de 0'42 euros. O SLG protesta polo contrato homologado para o leite sen prezo base mínimo.

Tra-la publicación no DOG do contrato homologado para o leite sen prezo base
mínimo, as gandeiras e gandeiros veranse abocados/as a negociar o importe recebido polo seu produto de xeito individual coa empresa encargada da recollida.

Este feito supón un perigosísimo retroceso nas conquistas sociais, así coma unha
grande irresponsabilidade por parte dos gobernos, xa que están a promover a desaparición da negociación colectiva.

Este proceso de negociación individual, supón ademais un incisivo ataque á unidade
do sector, abandeirando unha inxusta desigualdade no pago, que se baseará en criterios
especulativos das empresas.

Nunha negociación individual sempre gaña @ máis forte. Na negociación do prezo a
pagar polo litro de leite, grazas ao contrato sen prezo mínimo, a empresa tería a primeira e a última palabra.

Que pasará cando un produtor ou produtora se negue a firmar contratos aos
baixos prezos ofertados polas empresas, xa anunciados neste momento en todas as
explotacións do País? Simplemente procurarán algunha persoa que non se poida permitir
rexeitalo, creando unha dinámica de aceptación de pagos ínfimos que garanta á industria a consecución dunha maior marxe de beneficios e a consolidación da práctica ilegal do
dumping ( vender un produto por baixo do prezo que custa producilo).

O Sindicato Labrego Galego abre con forza unha nova campaña de loita na procura da
seguridade dun prezo mínimo para o leite, o que noutros sectores se podería entender coma a consecución dun “soldo base”, reivindicación que na práctica totalidade das profesións se dá por máis que asentada.

O obxectivo final é conseguir abrir unha negociación co Goberno galego e
estatal para acadar a fixación deste prezo base mínimo: 0, 42 (o custe de produción €
actual máis a remuneración do traballo realizado pela gandeira ou gandeiro).

Gabinete de Comunicación do Sindicato Labrego Galego (SLG), 2008-07-03

Actualidad

Foto del resto de noticias (setecidades-setesabores.jpg) Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Foto de la tercera plana (trens-turisticos-2026.jpg) Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.

Notas

A USC será do 10 ao 12 de xuño o punto de encontro da comunidade universitaria dedicada á Tecnoloxía Educativa co desenvolvemento das XXXIII Xornadas Universitarias de Tecnoloxía Educativa (JUTE 2026). O congreso, que reúne profesorado, persoal investigador e estudantado de universidades de toda España e do estranxeiro, regresa á Facultade de Ciencias da Educación baixo o lema ‘Alfabetización Dixital Crítica para unha Convivencia Híbrida’.
O Centro de Investigación Mariña da UVigo celebrou a súa primeira década de existencia, na que se consolidou como un dos polos científicos máis dinámicos do sistema galego integrado na Rede Cigus e como un referente no arco atlántico europeo. Foi nun acto institucional que tamén serviu para conmemorar os 20 anos da Estación de Ciencias Mariñas de Toralla, unha infraestrutura singular que forma parte da rede europea EMBRC e que dá soporte a unha comunidade científica de máis de 200 investigadores dedicados ao estudo do océano.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES