martes, 9 de junio de 2026
O Presidente da Deputación, José Ramón Gómez Besteiro, a Vicepresidenta Segunda e Delegada da Área de Promoción Económica e Emprego, Lara Méndez, e o Conselleiro de Traballo, Ricardo Varela, visitaron a Residencia de Minusválidos San Vicente de Paul, un dos centros nos que están a realizar prácticas as participantes no obradoiro de emprego Servizos á comunidade II, promovido pola Deputación, a través do INLUDES, e que conta cunha subvención da Consellería de Traballo de 686.624 euros.
Gómez Besteiro sinalou que estamos comprometidos coas políticas útiles, como é neste caso a formación de persoas no mundo da dependencia. Gómez Besteiro subliñou, ademais, que desde a Deputación sumámonos ó obxectivo irrenunciable da Consellería de Traballo na loita pola igualdade. No caso deste obradoiro, o 100% dos participantes son mulleres.
Pola súa banda, o Conselleiro de Traballo anunciou que ó longo deste ano preto de 1.000 demandantes de emprego lucenses se beneficiarán dos programas de formación e de inserción laboral, subvencionados pola Consellería de Traballo.
Ricardo Varela destacou que, para a posta en marcha de obradoiros de emprego, escolas obradoiro e unidades de promoción de desenvolvemento, o Goberno galego dedicará en 2008 en toda Galicia un presuposto que ascende ós 42 millóns de euros, dos cales 8,6 millóns destinaranse a Lugo. En toda Galicia acolleranse a este tipo de proxectos máis de 4.500 demandantes de emprego, que se formarán nas 128 iniciativas de formación e inserción laboral. Na provincia de Lugo poñeranse en marcha un total de 30 proxectos.
Obradoiro de emprego do INLUDES
José Ramón Gómez Besteiro, Lara Méndez e Ricardo Varela percorreron varias dependencias da Residencia San Vicente de Paul, entre elas, a área de actividades e estimulación, o ximnasio, as áreas de traballo, os comedores e os dormitorios. Na visita tamén participaron o Delegado de Traballo en Lugo, Miguel Vázquez Calvo, e a directora do proxecto, Amalia Liz.
No obradoiro de emprego Servizos á comunidade II, o primeiro que impulsa o INLUDES desde que o dirixe Lara Méndez, participan 35 mulleres. O obxectivo desta actividade é especializar ás participantes no coidado e atención ás persoas maiores e discapacitados, facilitándolles así a súa inserción laboral nun dos filóns de emprego. Ademais, perséguese incrementar o número de persoas perfectamente cualificadas para o coidado de persoas dependentes.
Cómpre destacar que o 100% das participantes no obradoiro son mulleres. As 35 beneficiarias desta iniciativa están a recibir formación e experiencia práctica na especialidade de auxiliar de axuda no fogar ata fins de decembro deste ano.
As alumnas-traballadoras están a realizar a súa formación práctica no Centro Residencial de San Roque; na Residencia de Minusválidos San Vicente de Paul; e na Residencia das Gándaras. O obradoiro inclúe formación complementaria de animación sociocultural, auxiliar de enfermería- con especialidade nas patoloxías de Alzheimer e Parkinson-, orientación laboral e empresarial, manipulación de alimentos, alfabetización informática, políticas de igualdade, prevención de riscos laborais e sensibilización ambiental. As beneficiarias cobran 900 euros ó mes, o que representa o 150% do salario mínimo.
Tivo lugar a xornada 'Deputados por un día', na que os escolares galegos levaron ao hemiciclo as súas propostas para mellorar a sociedade. Os catro representantes dos colexios, un por provincia, compartiron na Cámara as súas reflexións sobre a convivencia, o tema arredor do que xira este curso o programa educativo Abraza tus valores, e a relación dos menores coas tecnoloxías. Participaron máis de 8.300 escolares de entre 4 e 12 anos de 83 centros públicos, concertados e privados de Galicia (Arquitecto Casas Novoa de Santiago, o CEIP Plurilingüe A Gándara, de Monforte de Lemos, o CEIP Plurilingüe Irmáns Villar, de Ourense e o CEIP Plurilingüe de Cerdeiriñas, de Piloño).
A actividade levada a cabo pola Axencia de Protección da Legalidade Urbanística (APLU) para protexer o medio ambiente e o patrimonio natural e paisaxístico galego permitiu o pasado ano a reposición da legalidade en 121 actuacións en toda Galicia. Estas reposicións foron resultado do labor do equipo inspector do organismo adscrito á Consellería de Vivenda e Planificación de Infraestruturas, e repartíronse principalmente na provincia de Pontevedra, con 60 actuacións, seguida da Coruña con 30, Lugo con 21 e Ourense con 10.
