inicio |
servicios |
opinión |
recetas |
santoral |
especiales |
sugerencias |
webmail |
promociones
O Presidente da Deputación de Lugo, José Ramón Gómez Besteiro, inaugurou en Viveiro un monolito que rinde homenaxe ó escritor e poeta Antonio Noriega Varela. No acto de inauguración, no que tamén estiveron presentes a Vicepresidenta Segunda da Deputación, Lara Méndez, o Alcalde de Viveiro, Melchor Roel Rivas, o Alcalde de Mondoñedo, Manuel Orlando González Cruz e Santiago Noriega Fernández, en representación da familia Noriega Varela, Gómez Besteiro destacou o labor do homenaxeado como “un home moi comprometido coa sociedade e, sobre todo, co movemento agrario. Proba disto son os numerosos poemas que nos deixou e nos que alentaba ós labregos na loita agraria”.
O titular do organismo provincial acompañado do resto de autoridades, desprazouse a pé ata os Xardíns “Noriega Varela” donde procedeu á inauguración da escultura. Gómez Besteiro lembrou que a semana pasada o Pazo de San Marcos acolleu a entrega do Premio Otero Pedrayo, que este ano lle foi concedido a Francisco Javier Río Barja e “hoxe estamos premiando a outro lugués que traballou a reo pola nosa cultura e polos nosos dereitos”.
Noriega Varela naceu en Mondoñedo e residiu en Viveiro durante os últimos anos da súa existencia. Ó longo da súa vida e obra manifestou un gran compromiso contra as inxustizas que imperaban a finais do século XIX e principios do XX. “En contra do caciquismo e afín á humildade, Noriega Varela é un exemplo para todos nós, e debe selo para os que temos a oportunidade de tomar decisións que melloren a calidade da provincia e dos seus Concellos”, subliñou o titular da Deputación.
Na inauguración do monolito, que supón o colofón dos actos organizados polo Concello de Viveiro no Ano de Noriega Varela, o Presidente do organismo provincial destacou que “2008 será o Ano da Suma. Entre todos debemos Sumar Esforzos, para que seguindo o exemplo do poeta que hoxe homenaxeamos, evitemos que a nosa cultura e as nosas tradicións esmorezan”. Neste senso, Gómez Besteiro incidiu en que “os políticos deben servir de canle de comunicación entre os nosos cidadáns, escoitar as súas peticións e atender as súas necesidades. Creo que con actos coma este estamos contribuíndo a que 2008 sexa un ano que marcará un antes e un despois no devir desta comarca e no de toda a provincia”.
A Banda de Música viveirense pechou o acto de inauguración coa interpretación do Himno Galego. A continuación o Concello de Viveiro ofreceu un almorzo ós familiares, autoridades e invitados nun restaurante da localidade mariñana.
Un total de 45 municipios gallegos dispondrán del servicio de receta electrónica: la Xunta estima que hasta finales de 2008 se emitirán 300.000. El presidente del Ejecutivo gallego destacó que lo «pionero» de este sistema con respecto a los que ya se han puesto en marcha en Cataluña y Andalucía es «su carácter integrado».
Los profesionales del sector verán reconocidos los buques pesqueros como sus centros de trabajo en la nueva Ley de Pesca. Por otra parte, Mozambique y Pescanova realizarán estudios conjuntos para introducir la acuicultura en el país. La empresa gallega anuncia el comienzo de su producción de tilapia en las instalaciones de Pernambuco (Brasil).
