inicio |
servicios |
opinión |
recetas |
santoral |
especiales |
sugerencias |
webmail |
promociones
Alcalde de Vigo,
Ministra de Agricultura e Pesca,
Presidente do Comité Organizador do Congreso,
Director Xeral de Caixanova,
Participantes do Congreso Nacional de Acuicultura,
En primeiro lugar teño que darlles a miña noraboa polo intenso traballo realizado durante os últimos catro días nas diferentes sesións do Congreso. Creo que o principal resultado deste encontro,a conclusión común a todas as sesións de traballo, é precisamente a necesidade de seguir avanzando na investigación aplicada ao desenvolvemento da acuicultura, para garantir un crecemento sustentable do sector.
Neste sentido, quero mostrar a miña satisfacción porque estou convencida de que as empresas, os centros de investigación, as universidades, os organismos da administración estamos mellorando substancialmente a nosa capacidade de colaboración para a posta en marcha de liñas de investigación que respondan ás necesidades do sector da acuicultura. De feito, un dos principais méritos deste Congreso, dende as súas primeiras edicións, foi facilitar unha plataforma para o trasvase de coñecemento entre as empresas e a rede investigadora.
Como xa indicou o presidente da Xunta de Galicia na inauguración do Congreso, un dos obxectivos prioritarios da administración galega é acadar unha maior aproximación entre as empresas e os centros de investigación, como elemento dinamizador e modernizador da sociedade. Queremos implicar ao sector privado no desenvolvemento dunha investigación aplicada baseada no intercambio de coñecemento e de tecnoloxía entre as empresas e os investigadores. No caso da Consellería de Pesca esta prioridade traduciuse nunha inversión, en 2007, de casi 2 millóns de euros en accións de investigación e convenios con empresas e entidades.
Nos últimos anos potenciamos o traballo conxunto coas empresas. Pero o avance da investigación en acuicultura esixe a colaboración no desenvolvemento de proxectos comúns con outras comunidades autónomas. E os grupos de investigación galegos están participando activamente nos proxectos de ámbito nacional promovidos dende a Junta Asesora de Cultivos Marinos. De feito, Galicia lidera en 2007 o reparto de fondos dos Planes Nacionales de Acuicultura, con 747.000 euros.
Desde Galicia participamos en liñas de investigación e de interese mutuo con grupos de investigación de moitos países. No resto de Europa, estamos desenvolvendo proxectos, no marco do programa da zona atlántica INTERREG e no VI Programa Marco da UE, con Irlanda, Francia, Portugal, Países Baixos... En Iberoamérica contamos con convenios de colaboración con universidades e entidades vencelladas á investigación de Chile e Venezuela, que inclúen accións formativas e de capacitación no ámbito da acuicultura.
En definitiva, gracias ao traballo que estades realizando os investigadores desde as empresas, os centros de investigación ou as universidades, estanse acadando grandes avances no desenvolvemento dunha acuicultura sostible, que contribúa á seguridade alimentaria ademais de a creación de empregos. Quero que teñades a certeza de que dende a administración valoramos o voso esforzo e traballamos para intensificar o noso apoio ás redes de investigación, tanto no que se refire a infraestruturas como a medios humanos.
A miña noraboa á organización do Congreso e, en especial, ao presidente do Comité Organizador, Antonio Cerviño polo traballo realizado.
Los colegios infantiles inician el curso con 4.315 plazas públicas más que en 2005, de las que unas 3.500 son en galescolas. Anxo Quintana, vicepresidente de la Xunta, abrió el curso en las escuelas infantiles públicas gallegas que cuentan con 10.909 plazas para niños de cero a tres años. Afirmó que la apuesta del Gobierno gallego por los servicios socioeducativos a la primera infancia supone «un compromiso en clave de país, de derechos y de inversión social».
El 29 de octubre, en el Teatro Colón de A Coruña, se celebra la entrega de premios a los ganadores del certamen Curtas na Rede que recibirán a Bobi, el nuevo trofeo del concurso que se consolida al duplicar el número de participantes respecto a la edición anterior, según los organizadores.
