inicio |
servicios |
opinión |
recetas |
santoral |
especiales |
sugerencias |
webmail |
promociones
A Consellaría de Cultura e Deporte participa na 30 edición da Feira do Libro de Uruguai, que dá comezo mañá e se desenvolverá ata o vindeiro 7 de outubro na cidade de Montevideo. Deste xeito Galiza estará presente por primeira vez na feira sendo o único país non americano que contará cun espazo propio na mesma, cun stand no que exhibirá a súa producción editorial.
Así mesmo, a Consellaría, en colaboración co Patronato da Cultura Galega de Montevideo, organizou diversas actividades que se desenvolven ao longo da Feira, dirixidas á divulgación das nosas letras no país uruguaio e contando con personalidades do mundo da cultura galega de Uruguay. Na xornada inaugural ten lugar a presentación do libro "Relato dun emigrante", do editor e libreiro Manuel Losa. O acto desenvolverase no Salón Vermello da Intendencia, a cargo de Élida Abal Santorum, profesora de Lingua e Literatura Galega e membro do CEGAL. Ao remate da presentación, o grupo de pandereteiras e gaiteiros do Centro Val Miñor ofrece unha actuación musical.
O venres 28 de setembro, membros do Patronato da Cultura Galega proceden á lectura pública de obras de Castelao, ás 18:00 horas no Salón Exterior da Feira. Para a xornada seguinte está programado un recital e concerto de homenaxe á poesía galega, coa participación da cantante Cristina Fernández, que ten lugar no Salón Azul da Intendencia, entre as 20:00 e as 21:00 horas.
O luns, o escultor José Villaverde e o xornalista Mané de Gulfar encargaranse de presentar unha lectura poética da man do actor Andrés Pazos, que recitará poemas galegos publicados na revista uruguaia "La Tertulia". O acto desenvolverase no Salón Exterior da Feira, ás 19:00 horas.
Por último, na xornada que precede ao peche da Feira, o sábado 6, organizarase unha mesa redonda sobre a figura do poeta José Alonso y Trelles, "El Viejo Pancho. Este autor xa fora lembrado nunhas xornadas celebradas hai poucos días en Ribadeo, o seu pobo natal, que pretenderon explorar os vínculos culturais entre Galiza e Uruguai a través da súa figura e en conmemoración do 150 aniversario do seu nacemento.
Na mesa, que dará comezo ás 17:00 horas no Salón Exterior da Feira, e presidida polo Director da Biblioteca Nacional de Uruguai Tomás de Mattos, intervirán Alicia Torres, profesora da Universidade de Uruguai, para falar sobre o inmigrante galego na literatura uruguaia; e o profesor Nicolás Gropp, que ofrece un relatorio sobre os artigos de prensa do poeta. Pola súa banda, a profesora María de Los Ángeles González Briz colabora no coloquio cunha intervención sobre migración e arraigo na obra de José Alonso y Trelles. Ao remate, o grupo de Danza Criola do Patronato da Cultura Galega ofrece unha actuación.
El Puerto de Vigo será base, a partir del primer trimestre del año 2009, del primer buque anticontaminación que la Agencia Europea de Seguridad Marítima (EMSA) ubicará en Galicia, y su adaptación contará con una inversión de 3,5 millones de euros, según anunció Bernd Bluhm, responsable del área de preparación y respuesta anticontaminación.
El trabajo Una familia gallega y un océano de por medio. Vínculos y experiencias a través de la memoria fotográfica y epistolar (c.1894-1972), del que es autora Maria Liliana da Orden, ha resultado ganador de la VII edición del premio de ensayo Manuel Murguía, convocado por la Diputación de A Coruña.
