Notas de prensa

Innovación e Industria presenta dúas monografías sobre o sector turístico

As obras estudan a calidade do servizo nos establecementos termais galegos e mais o turismo no espazo rural e o desenvolvemento do país. María Elisa Alén e Marion Sparrer son as autoras dos estudos.

O director xeral de Turismo da Consellaría de Innovación e Industria, Rubén Lois González, presidiu no Paraninfo da Facultade de Xeografía e Historia da Universidade de Santiago de Compostela a presentación de dúas monografías sobre o sector turístico galego. María Elisa Alén e Marion Sparrer escribiron sendas obras co obxectivo de aportar unha visión completa e detallada de aspectos puntuais do sector turístico de Galiza.

Alén ven de estudar na súa publicación a calidade do servizo en establecementos termais de Galicia. María Elisa Alén González é profesora da área de Comercialización e Investigación de Mercados na Universidade de Vigo. Foi coordinadora do Máster en Organización e Dirección Turística durante seis anos. Ten presentado comunicacións a congresos nacionais e internacionais sobre turismo de saúde, sendo esta a súa principal liña de investigación. Segundo explica Alén, as actividades relacionadas co sector turístico son actualmente un factor determinante para a xeración de emprego e contribúen a mellorar o balance económico no eido internacional. Alén estudou, xa que logo, a importancia do sector turístico no turismo en xeral e na economía nacional e explica na súa monografía a introducción da calidade de servizo como estratexia de mercado e como elemento diferenciador.

A investigación sobre o turismo rural

Coa súa obra, a profesora Alén pretende contribuír á formación dos profesionais e dos estudosos interesados na calidade de servizo de cara a conseguir melloras visibles nos establecementos. Do mesmo xeito, a investigación servirá para facer unha radiografía do sector na actualidade e como ferramenta de futuros estudos sobre o tema.

Doutra parte, a doutora alemana Marion Sparrer ven de investigar o turismo no espazo rural tanto no Estado como en Alemaña. Sparrer é licenciada en Xeografía pola Georg-August-Universidade de Göttingen e dende o ano 99 exerce como profesora da Escola Universitaria de Turismo da Coruña. Na súa monografía que hoxe se presentou aborda o turismo rural como fórmula de dinamización das economías locais e rexionais e como solución á crise que afecta ao medio rural dende hai décadas.

No estudo, Sparrer intenta descubrir se o turismo rural se produce como un fenómeno integrador da poboación na que se inserta ou como un fenómeno illado que utiliza o rural como espazo de implantación. A doutora analiza tamén a repercusión no espazo rural do turismo que se desenvolve nel. Para levar adiante este estudo, Marion Sparrer establece unha comparativa entre o turismo rural na provincia da Coruña e o agroturismo no Landkreis Wittmund de Frisia do Este.

Gabinete de Comunicación da Consellería de Innovación e Industria da Xunta de Galicia, 2007-05-30

Actualidad

Foto del resto de noticias (setecidades-setesabores.jpg) Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Foto de la tercera plana (trens-turisticos-2026.jpg) Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.

Notas

A USC será do 10 ao 12 de xuño o punto de encontro da comunidade universitaria dedicada á Tecnoloxía Educativa co desenvolvemento das XXXIII Xornadas Universitarias de Tecnoloxía Educativa (JUTE 2026). O congreso, que reúne profesorado, persoal investigador e estudantado de universidades de toda España e do estranxeiro, regresa á Facultade de Ciencias da Educación baixo o lema ‘Alfabetización Dixital Crítica para unha Convivencia Híbrida’.
O Centro de Investigación Mariña da UVigo celebrou a súa primeira década de existencia, na que se consolidou como un dos polos científicos máis dinámicos do sistema galego integrado na Rede Cigus e como un referente no arco atlántico europeo. Foi nun acto institucional que tamén serviu para conmemorar os 20 anos da Estación de Ciencias Mariñas de Toralla, unha infraestrutura singular que forma parte da rede europea EMBRC e que dá soporte a unha comunidade científica de máis de 200 investigadores dedicados ao estudo do océano.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES