Notas de prensa

Convocado o II Premio Manuel María á Dignidade Nacional

Está promovido pola Mesa pola Normalización Lingüstica, a AS-PG, CIG-Ensino e a Asociación de Escritores en Lingua Galega. Pódense presentar traballos entre o 1 de febreiro e o 10 de abril.

As candidaturas para o II Premio Manuel María á dignidade nacional poden presentarse desde o día 1 de febreiro e até o 10 de abril de 2007, segundo explicaron nunha conferencia de imprensa celebrada no Concello de Santiago os representantes das diferentes entidades organizadoras. A Mesa pola Normalización Lingüística, a Asociación Socio-pedagóxica galega (AS-PG), CIG-Ensino e a Asociación de Escritores en Lingua Galega son as convocantes do galardón, que recoñece a persoas e entidades que traballan polos ideais que Manuel María defendeu e practicou.

No acto de presentación das bases, Néstor Rego, primeiro tenente de alcalde de Santiago, fixo fincapé na forte relación que uniu a Manuel María coa capital galega, onde se vai entregar o premio o 28 de abril deste mesmo ano. Pola súa banda, Xoán Costa, presidente da AS-PG, sinalou que o certame, que se enmarca dentro dunha serie de actividades de recoñecemento que comezaron un ano despois do falecemento de Manuel María, ten como obxectivo manter vivos os ideais polos que loitou na súa vida, e reivindicar o valor social da súa figura.

O papel activo do autor a prol da galeguización do ensino foi louvado por Anxo Louzao, de CIG-Ensino. Carlos Callón, presidente da Mesa pola Normalización Lingüística, destacou a importancia da obra literaria destinada ao público infantil e xuvenil do intelectual homenaxeado, que “escribiu para os nenos cando había unha importante carencia deste tipo de materiais cos que poder traballar nas escolas” e salientou o seu labor como “defensor de Galiza e da cultura galega”.

Ao II Premio Manuel María á dignidade nacional, que o ano pasado recibiu Bautista Ãlvarez, poden optar tanto persoas coma organizacións. Nesta convocatoria, as candidaturas, ademais de por unha terceira persoa, poden ser presentadas polo propio candidato. As organizacións convocantes non forman parte do xurado, senón que este estará conformado por persoas independentes. O premio consistirá nunha peza deseñada por Francisco Xosé Pérez Porto, e tamén se entregará un diploma acreditativo do galardón.

Para obter máis información, pódese acceder á web www.manuelmaria.com, ou dirixirse ao enderezo de correo electrónico manuelmaria@manuelmaria.com.


A Mesa pola Normalización Lingüística, 2007-01-31

Actualidad

Foto del resto de noticias (setecidades-setesabores.jpg) Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Foto de la tercera plana (trens-turisticos-2026.jpg) Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.

Notas

A USC será do 10 ao 12 de xuño o punto de encontro da comunidade universitaria dedicada á Tecnoloxía Educativa co desenvolvemento das XXXIII Xornadas Universitarias de Tecnoloxía Educativa (JUTE 2026). O congreso, que reúne profesorado, persoal investigador e estudantado de universidades de toda España e do estranxeiro, regresa á Facultade de Ciencias da Educación baixo o lema ‘Alfabetización Dixital Crítica para unha Convivencia Híbrida’.
O Centro de Investigación Mariña da UVigo celebrou a súa primeira década de existencia, na que se consolidou como un dos polos científicos máis dinámicos do sistema galego integrado na Rede Cigus e como un referente no arco atlántico europeo. Foi nun acto institucional que tamén serviu para conmemorar os 20 anos da Estación de Ciencias Mariñas de Toralla, unha infraestrutura singular que forma parte da rede europea EMBRC e que dá soporte a unha comunidade científica de máis de 200 investigadores dedicados ao estudo do océano.
PUBLICIDAD
ACTUALIDAD GALICIADIGITAL
Blog de GaliciaDigital
HOMENAXES EGERIA
PUBLICACIONES