Notas de prensa

O programa Ler conta moito achega neste mes de agosto 56 actividades para a promoción da lectura a 35 concellos de toda Galicia

O programa de dinamización da lectura Ler conta moito achega neste mes de agosto 56 actividades a 35 concellos de toda Galicia. A convocatoria de axudas deste ano, dotada con 195.000 euros, e que se resolveu en maio, posibilita que 228 bibliotecas e axencias de lectura municipais de 173 municipios se beneficien ata finais de outubro das actividades que ofrece este proxecto.

A Consellería de Cultura, Educación e Ordenación Universitaria acaba de lanzar un vídeo para difundir este programa que busca animar á lectura a través de accións atractivas vinculadas aos intereses de distintos colectivos. Procúrase, deste xeito, facilitar o achegamento aos espazos das bibliotecas como punto de encontro.

Así, por exemplo, mañá xoves 9, na Biblioteca Pública Municipal de Ourol, ás 11:00 horas, a rapazada de catro a 12 anos poderá participar na actividade Constrúe o teu propio superheroe ou superheroína e, á mesma hora, na B.P.M. López Cortón de Cedeira os rapaces e rapazas de tres a 12 anos poden asistir ao contacontos titulado Raposadas. A Axencia de Lectura Municipal de Arbo, en Cangas, ofrece ás 11:30 horas un obradoiro creativo para nenas e nenos a partir dos seis anos. Ás 12:00 horas, na Biblioteca Pública Municipal de Caión, a Bibliodiscoteca con María Faltri está dirixida a todas as idades. Xa á noite, ás 22:00 horas, en Vilagarcía de Arousa, na B.P.M. Irmáns Camba, celebrarase o espectáculo Pobre poesía, de Xoan Curiel.

Ao día seguinte, o venres 10, ás 11:30 horas, a Biblioteca Pública Municipal do Grove ofrece a un público de entre tres e 10 anos As parábolas de Pakolas. Ás 12:00 horas, A maxia de Mary Poppins estará na B.P.M. do Valadouro, para achegar aos libros e a lectura á rapazada de entre tres e 13 anos. Á mesma hora, Xan Perillán e a maleta máxica chegan á B.P.M. de Santa Comba, para os nenos e nenas de tres a 12 anos.

O sábado 11, ás 11:00 horas, na Biblioteca Pública Municipal Varela Jácome de Lalín un público de tres a 12 anos poderá gozar cos conxuros de Carmiña, A Meiga.

Propostas para fomentar a lectura

Ler conta moito ofrece un conxunto de actividades nas bibliotecas públicas galegas para achegar a cidadanía á lectura e á información dunha maneira lúdica e atraente. As actividades incluídas nesta iniciativa son moi diversas, desde obradoiros creativos, narración oral, divulgación do coñecemento, audiovisual na biblioteca ou actividades de dinamización con música, ata teatro e danza, exposicións ou itinerarios guiados, entre outras. Cada acción pode estar, ademais, dirixida a públicos específicos, como bebés de 0 a 3, nenos e nenas, mocidade, adultos ou colectivos con necesidades especiais.

A Secretaría Xeral de Cultura financia o 75% do custo das actividades programadas, mentres que as entidades locais con bibliotecas integradas na Rede de Bibliotecas de Galicia que se adhiren a este programa cofinancian o 25% restante.

Programa Ler Conta Moito, 2018-08-09

Actualidad

Foto del resto de noticias (campa_2018.jpg) Case 1500 rapaces e rapazas, de entre 9 e 17 anos, de estadía nos campamentos de verán da Xunta de Galicia, participaron ao longo dos meses de xullo e agosto na edición 2018 do programa de dinamización lingüística ‘O galego campa!’. Trátase dunha iniciativa que comparte un dos obxectivos prioritarios establecidos no Plan de dinamización da lingua galega na mocidade: a dinamización lingüística do galego no tempo de lecer da xente nova. As actividades chegaron, do 26 de xullo ao 13 de agosto, a un total de 15 campamentos incluídos na campaña.
Foto de la tercera plana (tremenda_jauria.jpg) O reguetón feminista e combativo das madrileñas Tremenda Jauría suporán este sábado, día 18, un divertido e comprometido alfinete festeiro para pechar o Atardecer no Gaiás de 2018. Precisamente, este ciclo de concertos do verán, ao aire libre e de balde caracterizouse nesta edición por contar cun especial peso das voces femininas —maioría entre as súas 21 actuacións— e concedeulle máis espazo as cada vez máis emerxentes músicas urbanas. Para este gran fin de festa, a banda despregará tamén o seu repertorio de merengue-punk ‒contan cunha atrevida versión neste rexistro de La línea del frente de Kortatu‒e electro-cumbia con ritmos tropicais e letras sociais.

Notas

A Consellería de Sanidade informa que elévase a oito, tras un novo ingreso rexistrado no Chuvi durante a pasada madrugada, as persoas ingresadas nos centros hospitalarios, logo do accidente ocurrido nun dos concertos do festival do Marisquiño. Catro dos feridos están no Hospital Álvaro Cunqueiro (un deles na UCI), tres no Hospital Povisa, e un no Complexo Hospitalario Universitario de Santiago.
O presidente da Asociación Provincial de Empresarios de Hostelería e Turismo de Lugo (Apehl), Cheché Real, anunciou esta mañá que a entidade vai participar de novo en La Vuelta a España, co posto de …E para comer, Lugo, da man de Turismo de Galicia. Na mesa da presentación oficial sentaron a conselleira do Medio Rural, Ángeles Vázquez; a directora de Turismo de Galicia, Nava Castro, e o director de La Vuelta, Javier Guillén.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania