sábado, 20 de abril de 2024
A Deputada de Benestar e Igualdade, Sonsoles López Izquierdo, a Concelleira de Benestar Social e Igualdade, Ana González Abelleira, o Presidente de FADAS, Gerardo Castedo Valbuena, e o Responsable Provincial de Deportes da Xunta, Manuel Otero Méndez inauguraron este martes o I Foro Galego sobre Deporte e Comercio Xusto no Pazo de San Marcos. Trátase do evento que organiza o Taller de Solidariedade, coa colaboración de Deputación e Concello de Lugo dentro da súa posta conxunta por promover e impulsar os novos hábitos de consumo que veñan directamente da man de alternativas de consumo diferentes e responsables.
Sonsoles López avanzou “que esta cita é unha oportunidade para sensibilizar e educar co obxectivo de concienciar acerca das opcións de consumo responsable, Comercio Xusto e da perspectiva de equidade de xénero que todo elo leva asociado”.
O I Foro Galego de Deporte e Comercio Xusto que está enmarcado no proxecto Adestro Conciencia é un proxecto que xurdiu xuntando os conceptos de Comercio Xusto e Educación para o Desenvolvemento no que o deporte é usado como ferramenta para a sensibilización e educación. Actualmente se desenvolve en catro cidades galegas (Lugo, Ourense, Vigo e LalÃn), sete centros educativos e oito Escolas Deportivas Municipais tendo máis de 1.000 participantes sendo 300 deles lucenses. Son dez actividades deportivas coas que axudan a acercar o consumo responsable e o Comercio Xusto aos máis novos, desde un enfoque da igualdade de xénero. Todo isto acompañado por un estudio sociolóxico inicial con liña de base e unha actividade final de presentación de resultados do mesmo a través deste Foro Municipal.
5 Centros e Clubs lucenses
Foron 5 centros e clubs da provincia participantes neste primeiro Foro Galego de Deporte e Comercio Xusto que organiza o Taller de Solidariedade. Os centros son os seguintes: Colexio Plurilingüe San Xosé, IES Leiras Pulpeiro, Centro Educativo Galén, Club Deportivo Ensino-Porta XI e Club Cidade de Lugo Baloncesto.
Desenvolvemento da xornada
A xornada contou cunha mesa de relatorios da man da Responsable de Sensibilización, RocÃo Fernández Reviño, a Xornalista deportiva e Ex. deportista de elite, Alba Ada Lameiras e a Coordinadora da Campaña Roupa Limpa, Fernanda Couñago Otero, na que se reflexionou sobre a importancia do deporte, a sensibilización e a educación para o desenvolvemento como ferramenta para concienciar sobre o Comercio Xusto, o consumo responsable e a igualdade de oportunidades. O encargado de moderar a mesa de debate foi o coordinador das escolas de Baloncesto do Pavillón Ourense e ex. coordinador do Comité de Voluntariado de Taller de Solidariedade nesta cidade, Rafael Manuel Fernández Alonso.
Durante o Foro participou o profesor dun dos centros educativos lucenses e Presidente do Club de Rugby de LalÃn. O Deputado de Deportes, Pablo Rivera e o coordinador do Taller de Solidariedade, Rafael Veiga de Diego foron os encargados de poñer fin a esta cita na clausura da xornada.
O evento, que reunirá na cidade herculina a artistas contemporáneos do talle de Grande Amore, Boyanka Kostova, Lontreira e Leria, nace co obxectivo de potenciar a música actual en galego, e se enmarca na iniciativa cultura homónima nacida no Equipo de Dinamización da Lingua Galega do instituto Rafael Dieste co obxectivo de promover o uso do galego entre a mocidade. A dÃa de hoxe, involucra máis de 200 centros de toda a comunidade e preto de 50.000 estudantes que, a través de entrevistas, actuacións e campañas nas redes sociais, animan a rapazada a falar na lingua propia de Galicia.
A Business Factory Aero, o programa de incubación, aceleración e consolidación de empresas do sector aeroespacial, promovido pola Xunta de Galicia e xestionado pola Fundación CEL Iniciativas por Lugo, foi escollido pola Fundación de las Cajas de Ahorro (Funcas) e pola Universidad Rey Juan Carlos como a mellor Aceleradora en 2024 na categorÃa de Avanzadas. Este primeiro posto no ranking nacional supón un importante recoñecemento ao labor desenvolvido polo Goberno galego, no marco do Polo Aeroespacial de Galicia, para a retención e atracción de talento no sector e para a creación de emprego de alta cualificación na comunidade.
