Notas de prensa

Os espectáculos para público familiar centran a oferta en Lugo da Rede Galega de Teatros e Auditorios

Agadic e o Concello lucense realizan un investimento conxunto de máis de 14.500 euros nas cinco actuacións que o Auditorio Municipal Gustavo Freire acolle ata xuño como espazo asociado a este circuíto. Impulsada pola Xunta en colaboración coas entidades locais asociadas, a Rede ofrecerá ata xuño 346 actuacións en 37 municipios.

O Auditorio Municipal Gustavo Freire acolle o domingo día 11 de marzo, ás 18,30 h., a presentación en Lugo do espectáculo infantil Danza da choiva, de Elefante Elegante, como parte da programación da Rede Galega de Teatros e Auditorios. O escenario lucense é un dos espazos asociados a este circuíto escénico e musical da Xunta de Galicia, dentro do que este primeiro semestre do ano programa cinco montaxes de teatro e circo para todo tipo de públicos.

A Axencia Galega das Industrias Culturais (Agadic), encargada da xestión da rede, e mais o Concello de Lugo realizan un investimentos conxunto de máis de 14.500 euros nesta carteleira semestral, que xa en xaneiro ofreceu na cidade Outono, peza de novo circo coa que Pistacatro está a celebrar o seu décimo aniversario.

Teatro e circo

O público infantil e familiar é o principal destinatario das próximas catro funcións en rede do Gustavo Freire, programadas sempre en domingo ás 18,30 h. Así e tras Danza da choiva, onde Elefante Elegante aborda as consecuencias do cambio climático mesturando teatro xestual con monicreques e danza, o circo regresará a Lugo o 8 de abril con El apartamento, produción galardoada en 2017 co premio ao mellor espectáculo de rúa da Feria Europea de Artes Escénicas para Niños y Niñas, FETEN, de Xixón. Esta peza da compañía leonesa Cirk About It está fundamentada nos equilibrios e saltos acrobáticos, e parte dunha situación cotiá, a convivencia nun apartamento, para explicar como a rutina pode romper con facilidade.

O 13 de maio será a quenda da formación galego-brasileira Asacocirco, que representará BB Circus, unha peza con música en directo que busca lle transmitir a esencia do circo ao público infantil dentro dun universo de acción, intensidade e cor.

Por último, o 10 de xuño actuará en Lugo a compañía ourensá Sarabela Teatro coa proposta de teatro infantil O secuestro da bibliotecaria. Baseada no texto de Margaret Mahy, a montaxe aborda o amor pola lectura centrando a súa trama no caos que xeran uns bandidos na vila de Parangón co secuestro da súa fermosa bibliotecaria.

Circuíto profesional

A Rede Galega de Teatros e Auditorios é un circuíto de programación escénica que leva funcionando de xeito continuado desde 1996. Trátase do principal mercado interior para as propostas escénicas galegas producidas de xeito profesional e conta cun orzamento para este primeiro semestre de 863.714 euros (448.850 por parte da Agadic e 414.836, das entidades locais titulares dos teatros e auditorios).

Esta primeira carteleira de 2018 achegaralles aos espectadores de 37 concellos de toda Galicia 346 actuacións de teatro, danza, música, maxia e circo de 106 formacións artísticas, un 90% delas galegas.

A súa programación completa pode consultarse en www.agadic.gal/Axenda e en www.cultura.gal/gl/axenda.

Gabinete de Comunicación da Xunta de Galicia, 2018-03-09

Actualidad

Foto del resto de noticias (playa.jpg) Desde el 1 de junio está en marcha el plan frente a una posible ola de calor, con el objetivo principal de reducir el impacto sobre la salud de la población gallega por el mantenimiento de las condiciones de ola de calor durante más de una jornada. Según Meteogalicia, desde la jornada de ayer lunes, las altas presiones se encuentran en el norte de la Península Ibérica. Desde esa posición aportan estabilidad, dejando el cielo despejado, y acercan aire cálido procedente del norte de África. Esta situación continuará en los próximos días, por lo que las altas temperaturas podrán superar con facilidad los 30ºC en la mitad sur de Galicia e incluso los 35ºC en el interior de Pontevedra, sur de Lugo y provincia de Ourense.
Foto de la tercera plana (jaureguizar_colmenero.jpg) El premio Fernández del Riego y el Julio Camba de periodismo, convocados por Afundación, la Obra Social de ABANCA, y el Ámbito Cultural de El Corte Inglés, han distinguido hoy respectivamente a Santiago Jaureguízar por su artículo titulado «Pólvora sen magnolia na discoteca Clangor», publicado en El Progreso y Diario de Pontevedra el 31 de diciembre de 2017, y a Ricardo Fernández Colmenero por el texto «La comunidad», aparecido en El Mundo el 1 de abril de 2017. El premio Julio Camba, al que se presentaron en esta ocasión 114 trabajos, cumple su XXXIX edición, mientras que al Fernández del Riego, que celebra su décimo quinta convocatoria, concurrieron 25 artículos.

Notas

Representantes de AGACA no proxecto europeo LeadFarm reuníronse en Compostela para estudar os progresos e avanzar nas seguintes liñas de traballo. Na xuntanza participaron a Organización de Cooperativas Irlandesas, Icos; a unión de cooperativas agrícolas, Coop de France; a consultora estatal participada pola Federación Letona de Agricultores, LLKC, e Changemaker AB, entidade sueca especializada na formación empresarial e de produción de xogos, xestión de proxectos e visualización.
En colaboración coa Asociación de Amigos do Museo de Belas Artes, o Museo de Belas Artes da Coruña ten aberto o prazo para inscribirse nos obradoiros destinados a rapaces de entre 7 e 12 anos para xullo. Os obradoiros terán unha duración de 10.00 a 13.30 horas, de martes a venres, durante as tres primeiras semanas de xullo, salvo a derradeira semana do mes que se prolongarán ata as 14.00 horas. Os obradoiros teñen capacidade para 20 rapaces polo que se ofertarán en total 60 prazas.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania