Notas de prensa

Concha Castroviejo. Arelas de liberdade, creación audiovisual gañadora do II Premio Xohana Torres

Este premio é unha iniciativa do Concello de Santiago coa colaboración da USC para a recuperación da memoria histórica das mulleres de Compostela. Aurora Marco e Pablo Ces recolleron o galardón como gañadores do II Premio Xoana Torres 2017 de creación audiovisual polo seu traballo recollido co título: Concha Castroviejo. Arelas de Liberdade.

O xurado destacou a calidade e guión do traballo, as entrevistas realizadas, a incorporación de datos biográficos que supoñen un recoñecemento histórico e polos propios méritos creativos, técnicos e documentais da obra. O Premio Xoana Torres é unha iniciativa recuperada en 2017 con motivo do Día Internacional das Mulleres polo Concello de Santiago coa colaboración da USC orientado á recuperación da memoria histórica das mulleres de Compostela.

No acto de entrega, Aurora Marco recoñeceu que o traballo realizado xunto co seu fillo busca a posta en valor “da entrega das mulleres pola loita feminista” ao mesmo tempo que definiu a Concha Castroviejo como unha muller con “moito talento”. Pola súa banda, Pablo Ces agradeceu a convocatoria “dun premio tan necesario como oportuno, porque o cambio que debe producirse facémolo entre todos e todas”.

Pola súa banda, a asesora da Vicerreitoría de Estudantes, Cultura e Responsabilidade Social da USC Marta Carballo sinalou que o galardón enmárcase “na intensa axenda feministas destas datas” e reivindicouno como clave para “a recuperación da voz das mulleres que escribiron a historia e foron silenciadas”. Finalmente, o alcalde Martiño Noriega definiu a obra premiada como “un agasallo que reivindica a figura de Castroviejo e da cidade”.

Xurado 2017

O Xurado encargado de valorar as obras presentadas a esta segunda edición do Premio conformárono a concelleira Marta Lois González; a vicerreitora de Servizos Universitarios do Campus de Lugo, Mª do Carme Silva Domínguez; a profesora da Facultade de Filoloxía Elvira Fidalgo Francisco; o director do Departamento e Historia da Arte, Juan Monterroso Montero; o catedrático da Facultade de Filoloxía, Fernando Cabo Aseguinolaza; o profesor da Facultade de Ciencias da Comunicación Enrique Castelló Mayo; o xefe do Gabinete de Comunicación da USC Lois Celeiro Álvarez; e Amparo Verdú Didalgo.

Bases 2018

Nesta edición 2018, ao igual que nas pasadas, ademais de estar dirixido a ensaios literarios ou científicos, mais tamén a traballos audiovisuais que teñan como finalidade explorar a historia social e política das mulleres compostelás, o premio ábrese á participación de calquera persoa de Galicia. Con estes obxectivos, que pasan por recoñecer, valorar e impulsar todo tipo de traballos científicos, literarios e audiovisuais que recuperen a historia social e política das mulleres compostelás, convócase a terceira edición do Premio Xohana Torres.

Os traballos que se presenten ao Premio tratarán da participación social e política das mulleres e terán como obxectivo reconstruír a súa memoria histórica. Poderán ser ensaios literarios ou científicos ou pezas audiovisuais e sempre se referirán a mulleres compostelás. O prazo de presentación remata o 31 de decembro.

Xohana Torres

Poeta, dramaturga e novelista, naceu en Santiago de Compostela en 1931. A súa infancia e mocidade transcorreron en Ferrol, onde foi alumna de Ricardo Carvalho Calero, con quen se inicia no coñecemento da literatura galega. Comezou a publicar poemas nas revistas Aturuxo, Vida Gallega e Vieiros, e no ano 1958, recibiu o primeiro Premio de Poesía da Asociación de Prensa de Vigo. A súa obra poética mereceu tamén o Premio da Crítica Española (1981).

Como dramaturga é autora das obras Á outra banda do Iberr (1965) e Un hotel de primeira sobre río (1968), esta última Premio Castelao de Teatro. No ano 1971 publica a novela Adiós María, gañadora do Premio de Galicia do Centro Galego de Bos Aires. No ano 1992 foi galardoada co Premio á Creación Feminina, instituído pola Xunta de Galicia. Autora tamén de obras de literatura infantil e tradutora, Xohana Torres obtivo o Premio de Etnografía da Deputación da Coruña polo seu ensaio San Andrés de Lonxe, mitos e ritos e, no ano 1972, recibiu o Pedrón de Ouro polo seu continuado labor en prol de Galicia.

Como recoñecemento á súa obra, o 15 de febreiro de 2001 foi proposta polos académicos Salvador García Bodaño, Xosé Luis Méndez Ferrín e Xosé Luís Franco Grande para ocupar a vacante na Real Academia Galega que correspondera ata daquela a don Aquilino Iglesia Alvariño, logo do cal ingresou como académica numeraria o 27 de outubro de 2001 cun discurso titulado "Eu tamén navegar".

Gabinete de Comunicación da Xunta de Galicia, 2018-03-08

Actualidad

Foto del resto de noticias (Principais-grupos-tematicos.jpg) Personal investigador del grupo de Estudios para la Prehistoria del NW Ibérico-Arqueología, Antigüedad y Territorio de la USC (GEPN-AAT) acaba de publicar el primer análisis detallado sobre el inventario del arte rupestre de Galicia. El estudio aborda cuestiones como el número de rocas que conforman el fenómeno rupestre gallego, su composición temática o su distribución geográfica. Carlos Rodriguez Rellán, Alia Vázquez Martínez y Ramón Fábregas Valcarce evaluaron el Preinventario del Servicio de Arqueología de la Dirección General del Patrimonio Cultural de la Xunta de Galicia.
Foto de la tercera plana (victoria_moreno.jpg) La Biblioteca Pública de Lugo acoge la exposición central de las Letras Gallegas 2018, que ahonda en el universo literario de María Victoria Moreno a través de ilustraciones realizadas sobre ocho obras de la autora. 'María Victoria Moreno. Paisaxes e personaxes' es el título del proyecto expositivo, promovido por la Consellería de Cultura y Educación baja la coordinación del humorista gráfico, pintor e ilustrador David Pintor. Después de recorrer la capital de Galicia, Pontevedra y A Coruña, la muestra llega a Lugo para difundir entre la ciudadanía el legado literario de María Victoria Moreno. Para eso, se exhiben ocho paneles con ilustraciones de los personajes principales y de los escenarios de ocho de sus libros.

Notas

El Consejo Superior de Investigaciones Científicas (CSIC) organiza, a través del Instituto de Ciencias del Patrimonio (Incipit), el primer seminario internacional de formación doctoral en España en el marco del proyecto europeo CHEurope (2017-2020), financiado por H2020 dentro del programa Marie Sklodowska-Curie Actions (ITN).
ITG, Instituto Tecnológico de Galicia, es el único centro de investigación gallego que participa en AGERAR, el proyecto europeo de referencia en almacenamiento y gestión de energías renovables en el sector residencial y comercial que se ha presentado esta mañana en A Coruña. AGERAR tiene como objetivo principal promover la eficiencia energética y criterios de sostenibilidad en microrredes comerciales y residenciales
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania