Notas de prensa

Talía Teatro celebra o seu 30 aniversario coa estrea de O servidor de dous amos no Teatro Principal de Compostela

O Teatro Principal da capital de Galicia acolle a estrea do último espectáculo de Talía Teatro. A compañía compostelá celebra 30 anos de historia e faino con O servidor de dous amos, unha volta ao texto clásico do teatro italiano cunha re-invención da obra de Goldoni que dirixe e adapta Diego Rey. A obra terá catro funcións en Santiago de Compostela, do mércores 14 ao sábado 17 de febreiro, ás 20:30h.

A estrea foi presentada en rolda de prensa pola concelleira de Acción Cultural, Branca Novoneyra; o actor e director da obra, Diego Rey; o actor e director da compañía, Artur Trillo; xunto con Dani Trillo e María Ordóñez, ambos integrantes do elenco da obra. Novoneyra parabenizou aos integrantes de Talía polos 30 anos de andadura e desexoulles cumprir outros 30 anos de "teatro galego e en galego". A concelleira convidou tamén o público de Compostela a participar na #posfunción da obra, o encontro aberto co equipo da montaxe que se abrirá o xoves 15 de febreiro ao remate do pase.

O servidor de dous amos

Talía Teatro presenta unha revisión deste texto referencial da Commedia dell’Arte e ofrece unha re-invención da obra de Goldoni que respecta o ritmo, a comedia e o humor da peza orixinal, ao tempo que busca incorporar novas formas de teatralidade.

No seu 30 aniversario, a compañía compostelá reivindica a concepción do teatro renacentista italiano: a procura da innovación mediante o uso de todas as novidades escénicas posibles, a persecución do "espectáculo total" e a creación dunha obra que capaz de deixar abraiado a todo o público presente.

Así como a Commedia dell’Arte creaba unha paisaxe cómica e irreverente da sociedade italiana do momento, esta versión de 0 servidor de dous amos trata de construír un xoguete escénico onde os contratos matrimoniais son substituídos por contratos de construción, onde nobres e mandatarios son substituídos por empresarios e políticos, onde a vida mesma da nosa sociedade é retratada con irreverencia e descaro, buscando un espectáculo trepidante e deslinguado, tan mordaz como divertido.
Oito intérpretes desenvolverán en escena un espectáculo de gran formato onde todo será posible, onde a mentira e a confusión serán a base do xogo, onde os distintos espazos mudarán á vista do espectador, para facelo rir até de si mesmo.

Datos do espectáculo e venda de entradas

O espectáculo, recomendado para maiores de 13 anos, ten unha duración aproximada de 75 minutos e conta coa dirección de Diego Rey e Artur Trillo. Xurxo Barcala, Toño Casais, Marta Lado, María Ordóñez, Diego Rey, Marta Ríos e Artur trillo compoñen o elenco actoral desta obra, que conta con escenografía e iluminación de Diego Valeiras.

As entradas teñen un prezo de 12 euros, co desconto do 50% para os colectivos habituais (desempregados, maiores de 65 anos, xubiladas, menores de 25 anos, estudantes, familias monoparentais, familias numerosas e perceptores de rendas sociais) e poden mercarse no 981 910 544, en entradas.abanca.com ou no despacho de billetes do Teatro Principal (de martes a sábado, + días de evento, de 18:00 a 21:00 h).

Gabinete de Comunicación do Concello de Santiago de Compostela, 2018-02-12

Actualidad

Foto del resto de noticias (divinas_palabras_revolution.jpg) El Centro Dramático Galego (CDG) celebra el Día das Letras Galegas en Madrid, con la primera de las 11 representaciones de Divinas Palabras Revolution que tendrán lugar en el Teatro Español hasta el 27 de mayo. Se trata de la primera adaptación al gallego de la conocida obra de Ramón María del Valle-Inclán, que también aquí será escenificada en nuestro idioma, con sobretítulos en castellano. Además, esta versión contemporánea de Divinas palabras, que Xron dirigió para el CDG, llega al Teatro Español 85 años después del estreno de la obra original, que tuvo lugar en 1933 en ese mismo espacio.
Foto de la tercera plana (internet_2.jpg) La Agencia para la Modernización Tecnológica de Galicia (Amtega) celebra el Día de internet con una programación especial de actividades en las de Aulas CeMIT, que se suma a las iniciativas que diariamente se realizan en la Red hasta conformar una oferta de 280 actividades y 1.600 horas de formación. Entre el 21 y el 31 de mayo, junto con la programación habitual, se ofrecerá un catálogo actividades orientadas a facilitar el uso de los servicios digitales, evitar el ciberacoso e informar sobre el nuevo Reglamento de Protección de Datos.

Notas

“Docente excepcional, María Victoria Moreno foi unha escritora que axudou a conformar o sistema literario infantil e xuvenil nun contexto adverso, polo que podemos afirmar que foi pioneira desta literatura”. Así comezaba a profesora Blanca Roig Rechou a súa intervención no acto do Día das Letras Galegas que cada ano celebra a Universidade de Santiago, nun concorrido acto no Salón Nobre de Fonseca presidido polo reitor Juan Viaño e coa asistencia de numerosas autoridades académicas, políticas e civís.
Varela Producciones, la Compañía de Teatro de Blanca Marsillach, y la Obra Social “la Caixa” llegan a Vigo para presentar Entre versos y Marsillach, un proyecto de artes escénicas para uno de los colectivos con un rol más importante de nuestra sociedad: las personas mayores. La presentación a medios tendrá lugar el 25 de mayo en el Auditorio Municipal de Vigo.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania