Caballero pide aos galegos que non se resignen a crer que a Galicia do PPdeG é a única
Gonzalo Caballero pide aos galegos que non se resignen a crer que a Galicia do PP e a única posible e reivindica que o PSdeG está cargando as pilas para lograr o cambio que se precisa. O secretario xeral do PSdeG acusa á dereita de pensar só nas grandes contas e olvidarse da cidadanía e compromete un novo tempo político con dignidade, ilusión e exemplaridade.
O secretario xeral do PSdeG, Gonzalo Caballero, interveu na clausura da asamblea dos socialistas de Oroso para apelar aos militantes e simpatizantes presentes a traballar todos xuntos para lograr o cambio que tanto España como Galicia precisan.
Tanto ás xeracións máis novas como aos maiores dirixiuse o líder dos socialistas galegos para pedirlles que non se resignen a crer que a Galicia do PP é a única posible, senón que é momento de recuperar as conquistas sociais que puxeron en marcha os gobernos progresistas.
Cunha mención aos executivos de Fernando González Laxe e Emilio Pérez Touriño, que situaron o Estado do Benestar en primer termo, Gonzalo Caballero exhibiu o orgullo de pertencer a un partido como o PSOE, que impulsou os servizos públicos e as pensións. Temos toda a lexitimidade de ter demostrado o compromiso coa xente, proclamou.
Fronte a este xeito de gobernar, afeou á dereita que pensa só nas grandes contas mentres se olvida da cidadanía, que segue sufrindo a crise e as dificultades. Non en van, sinalou que son moitos os mozos que teñen que saír na procura de oportunidades laborais e que a calidade de vida dos maiores segue empeorando.
Así é que recalcou que o PSdeG está cargando as pilas para ofrecer aos galegos un proyecto para unha Galicia máis puxante e dinámica, de modernización e progreso. Debémosllo a Galicia, subliñou, antes de comprometer novas formas de facer política, con dignidade, ilusión e exemplaridade, e con experiencia.
Non nos podemos conformar cun futuro negro, remarcou Gonzalo Caballero, en referencia aos resultado que deixan os gobernos de Feijóo e Rajoy, Rajoy e Feijóo.
Así é que, xunto esa conformación dun proxecto para Galicia, chamou tamén o líder dos socialistas galegos a traballar para que Pedro Sánchez se convirta no próximo presidente do Goberno de España.
Por nós, e pola xente que vén despois de nós, polo futuro do país. Necesitamos facelo, apelou, fronte á insensibilidade social que caracteriza a etapa de goberno de Mariano Rajoy.
Tamén na idea de que Galicia necesita un cambio abundou o alcalde de Oroso, Manuel Mirás Franqueira, quen garantizou traballo duro para lograr uns bos resultados nas eleccións municipais do ano próximo e impulsar o partido tanto a nivel galego como federal.
Pola súa banda, a recén elexida secretaria xeral do PSOE de Oroso, Vanesa Boo, prometeu tamén compromiso e dedicación na tarefa de darlle máis pulo á organización.
Gabinete de Comunicación do PSdeG, 2018-05-02
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.