Notas de prensa

CC.OO. participa nas mobilizacións en defensa do sector sanitario público e da Xustiza (24 e 25 de xaneiro)

A plataforma SOS Sanidade Pública, da que forma parte CCOO, convoca concentracións para o mércores, 24 de xaneiro, en defensa do sistema sanitario público. Desde a plataforma rexeitan a Lei de saúde pública de Galicia imposta pola Xunta, que provocará a desaparición de varias áreas sanitarias e prexudicará a atención.

As concentracións previstas:

— A Coruña: ás 20 h, no Obelisco
— Ferrol: ás 19.30 h na praza de España
— Santiago de Compostela: ás 20 h na praza do Toural
— Ribeira: ás 20.30 h, na praza do Concello

— Lugo: ás 11.30 h na entrada do Hospital Lucus Augusti
— Burela: ás 12 h no Hospital da Costa

— Ourense: ás 20 h na praza Maior
— O Barco de Valdeorras: ás 20 h na praza do Concello

— Pontevedra: ás 20.30 na praza da Peregrina
— Vigo: ás 20 h diante do PAC
— Vilagarcía de Arousa: ás 12.30 h no Hospital do Salnés

O xoves, 25 de xaneiro, percorrerá as rúas de Santiago de Compostela unha manifestación nacional contra a discriminación laboral que sofren as traballadoras e os traballadores da Xustiza. Os sindicatos CCOO, CIG, UGT, USO, CSI-F, STAJ, CUT e SPJ convocan a marcha, precedida por dúas xornadas de folga no ámbito.

Os oito sindicatos denuncian as «reiteradas mentiras» difundidas pola Xunta de Galicia nas últimas datas, que consideran un «desprezo» tanto ao colectivo profesional como á cidadanía.

Para facilitar a participación nesta manifestación, as organizacións sindicais porán varios autobuses a disposición das persoas interesadas. Os autocares partirán ás 9:50 da Coruña (fábrica de tabacos), Ferrol (estación de autobuses, con parada en Fene), Lugo (praza de Avilés, con parada en Baamonde), Ourense (novo edificio xudicial, con parada no Carballiño), Pontevedra (praza de Galicia) e Vigo (Xulgados). Tamén haberá un autobús que sairá ás 9 horas desde a estación de Cangas.