jueves, 18 de abril de 2024
A directora de Turismo de Galicia, Nava Castro, participou na inauguración do Belén da Catedral de Santiago de Compostela, a cargo do cóengo e director da Fundación Catedral de Santiago, Daniel Lorenzo. Un nacemento que amplía e enriquece a gran tradición belenística galega e se consolida un ano máis como un dos grandes atractivos de Galicia durante o Nadal.
Situado na nave central da basílica compostelá, o Belén conta coa colaboración de Turismo de Galicia. De estilo napolitano, é de grandes dimensións e nos seus máis de 60 metros cadrados ten máis de 600 figuras, algunhas delas en movemento.
Xunto ás escenas máis tradicionais como o nacemento, a chegada dos Reis Magos ou a anunciación dos pastores, amósanse diversos acontecementos da vida cotiá que representan oficios tradicionais e diversas situacións diarias. O nacemento napolitano da Catedral de Santiago xa se pode visitar en horario de 7:00 a 20.30 horas.
O Belén da Catedral de Santiago de Compostela é unha das numerosas propostas postas en marcha na nosa Comunidade durante este Nadal que demostran como a ampla tradición belenística que atesoura Galicia, unida á celebración de actividades de lecer e os mercados de Nadal distribuídos pola xeografía galega están a servir de importante dinamizador turístico das catro provincias durante estas datas.
Tradición belenística
Xunto ao Belén da Catedral de Santiago, Galicia conta, entre outros, co nacemento artesanal en movemento de Valga, en Pontevedra, e o belén electrónico de Begonte, en Lugo, ambos declarados Festa de Interese Turístico de Galicia. Ademais, en A Coruña salienta o da Gran Obra de Atocha, a escala do mapa de Xerusalén; en Betanzos, o do Liceo con narración gravada e figuras en movemento; ou en Ferrol, o belén da Orde Terceira, que presenta un enorme portal con más de 200 figuras tamén en movemento.
Na costa coruñesa, salientan os de Boiro ou Corcubión, entre outros. Na provincia lucense desataca o belén xigante de Viveiro, a escala natural, e en Ourense o do escultor Arturo Baltar, con figuras de lama cocida e policromada. Na provincia de Pontevedra, Mos, Vigo, Verín ou a Catedral de Tui ofrecen tamén escenografías únicas.
A Secretaría de Estado de Turismo vén de emitir a resolución pola que se concede a declaración de Interese Turístico Nacional á Festa da Filloa de Lestedo, en Boqueixón. Con este recoñecemento, Galicia suma xa 10 festividades con este recoñecemento. A Festa da Filloa de Lestedo súmase así ás outras nove que xa contan con este recoñecemento: a Romaría de Nosa Señora da Barca (Muxía), as Carrilanas de Esteiro (Muros), as festas do San Froilán (Lugo), a Feira do Bonito (Burela), a Festa da Historia (Ribadavia), o Entroido de Verín. Tamén a Festa do Marisco do Grove, as Festas de San Roque (Vilagarcía de Arousa) e a Festa da Reconquista (Vigo).
Baixo o título 'Horizontes dos Estudos Galegos e /na Lusofonía', esta nova edición do congreso da AIEG parte do tradicional vínculo entre Galicia e os países lusófonos para promover o debate, a crítica e novas propostas sobre as relacións no espazo cultural, académico e institucional. Farao a través de relatorios, paneis, mesas e sesións plenarias nas que participarán especialistas das tres universidades galegas, pero tamén do ámbito nacional e internacional, que discutirán sobre os campos lingüístico, literario, histórico, económico, antropolóxico, filosófico, sociolóxico e artístico. No marco do congreso tamén terán cabida as actividades culturais, como excursións ou exposicións, especialmente dirixidas á mocidade investigadora; ou a presentación de produtos académicos e proxectos, como o Proxecto Nós, impulsado polo Goberno galego para incorporar a lingua propia de Galicia á vangarda da Intelixencia Artificial.
