Notas de prensa

Ana Pontón pide a Feijóo que negocie bilateralmente co Estado un financiamento xusto

“A única reunión que lle interesa a este país é a súa con Rajoy, porque a negociación de verdade é co Estado, non en Oviedo”, indicou a voceira nacionalista Ana Pontón, quen denunciou que "na súa biografía está ser cómplice da suba continuada da AP9, en 2018 peaxes máis altas nun país con salarios máis baixos”. Pontón advertiu doutra factura que prepara Madrid “especialmente gravosa” para Galicia.

A portavoz nacional, Ana Pontón, utilizou a sesión de control para denunciar o custe da “irrelevancia política” á que o presidente da Xunta conduce a Galiza que se traduce en “facturas e máis facturas” que pagan os galegos e as galegas, como a da pobreza enerxética nun país que exporta electricidade ou a subida das peaxes AP9, que son unha estafa legalizada.

Pontón advertiu doutra factura que prepara Madrid “especialmente gravosa”, pois afecta ao financiamento autonómico “que xa nos ten costado unha millonada”. Para parar este novo custe, a portavoz do BNG pediu a Feijóo que inicie unha estratexia de negociación bilateral co Goberno central co vía para conseguir un financiamento que non discrimine a Galiza.

“En materia de financiamento a única reunión que nos interesa como país é a súa co presidente do Estado, un encontro para unha negociación bilateral Galiza-Estado, de igual a igual, de tu a tu, e conseguir un sistema de financiamento xusto para este país”, expuxo Pontón, “paréceme moi ben que viaxe a Oviedo, que se quite unhas fotos e asine os protocolos que queira. Pero temos experiencia dos resultados deste tipo de cumios co fiasco do Corredor Atlántico. Señor Feijóo, a negociación de verdade é co Estado, non en Oviedo”, argumentou.

A dirixente do Bloque cualificou de “escándalo” que a Xunta non teña remitido á Cámara ningunha proposta, documento ou posición oficial. “Só temos as declaracións do presidente dicindo que somos dependentes, que Galiza depende do Estado, afirmación que supón unha emenda ao seu propio goberno porque está dicindo que non confía neste país, e revela a súa mentalidade acomplexada”, criticou.

Por contra, o BNG ten plena confianza na capacidade de Galiza para xestionar o 100% dos seus recursos e poñer en marcha unha fiscalidade propia, por iso aposta por un concerto económico como modelo de financiamento.

Pontón pediu a Feijóo “que deixe de criticar a todo o mundo para exculpar a Rajoy”, porque iso beneficie ao presidente do Estado, pero ten un custe que pagan os galegos e as galegas. Entre esas facturas, a da AP9, cun novo incremento en 2018.

“Na súa biografía ten ser cómplice das subidas continuadas da AP9, ser cómplice da última subida de Rajoy do 3% para o próximo ano, peaxes máis altas nun país cos salarios máis baixos. Esa é a súa contribución, e non pode dicirnos que hai un aforro cando imos pagar cinco millóns de euros máis a unha concesionaria que ten uns beneficios escandalosos”, argumentou.

O Everest da factura da luz

A AP9 non é a única “factura” que Feijóo carga sobre a cidadanía como consecuencia “do seu empeño en caer simpático a Madrid”. Súmase a factura da luz, “auténtico Everest” para medio millón de fogares que padecen pobreza enerxética nun país que exporta electricidade, “pero limitase a poñer parches con bonos sociais para xustificar o seu veto a unha tarifa eléctrica que lle permita a familias e PEMES beneficiarse da nosa riqueza enerxética”. “Vostede defende os intereses das eléctricas e eu estou do lado dos galegos e das galegas”, proclamou Pontón.

“Galiza merécese un presidente que defenda os intereses dos e das galegas en lugar de defender os intereses de Rajoy. Non se confunda, Rajoy non é Galiza”, concluíu a portavoz do Bloque.

Gabinete de Comunicación del BNG, 2017-12-05

Actualidad

Foto del resto de noticias (campus_auga_ourense.jpg) Os proxectos do Campus da Auga (Ourense) a Edar de Vigo e as instalacións de Finsa, en Santiago, veñen de ser distinguidos na categoría de Arquitectura. Nesta convocatoria dos Premios de Arquitectura e Rehabilitación de Galicia, promovidos pola Consellería de Infraestruturas e Vivenda, estes tres proxectos comparten galardón neste mesmo apartado. Nesta mesma categoría de Arquitectura, o xurado concedeu ademais mencións aos proxectos dunha vivenda unifamiliar en Cee e dun apartamento en Noia. Na categoría de Rehabilitación o premio foi para a recuperación da curtiduría de Pontepedriña de Arriba, en Santiago, na que se instalou o Centro de Formación en rehabilitación.
Foto de la tercera plana (instrumentos.jpg) O ciclo de músicas en espazos de interese cultural da Consellería de Cultura e Educación, Espazos Sonoros, viaxa o domingo 23 a vila ourensá de Castrelo de Miño para ofrecer un obradoiro de achegamento á música antiga no que, ademais, se vai visitar o taller de luthería Vaz Música Antiga, situado en Astariz, unha pequena aldea do mesmo concello. Ismael Vaz, o artesán que trae á vida instrumentos doutras épocas será o anfitrión dos 60 participantes na iniciativa aos que lles amosará como traballa a madeira para construír instrumentos a semellanza dos antigos, como violas de gamba ou fídulas, con ferramentas do século XVII que fixo el mesmo.

Notas

Por terceiro ano consecutivo Regueifas de Ciencia, a serie de debates en formato Oxford arredor de temas científicos controvertidos, volve celebrarse na Facultade de Ciencias da Comunicación. Será o día 27 cando teña lugar a primeira, cunha sesión sobre a validez e seguridade da enerxía nuclear. O equipo favorable á enerxía nuclear contará con físico de neutrinos e profesor no IKERBASQUE Juan José Gómez Cadenas e co catedrático de física atómica e nuclear na USC, Bernardo Adeva Andany.
El Festiclown Palestina 2018, organizado por Pallasos en Rebeldía y dirigido por el clown Iván Prado, se celebra desde el pasado 17 de septiembre y hasta el día 30, por quinto año, con la ‘mision’ de llevar risas y música a los corazones, teatros y plazas, de los palestinos de Cisjordania. Durante cuatro días la ciudad de Nablus vió sus calles invadidas de arte y esperanza y cientos de niñas y niños vivieron la magia del circo en sus colegios.
ACTUALIDAD  
PORTALES  
SERVICIOS  
ENLACES  

RSS Noticias RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania