Notas de prensa

O PSdeG denuncia que o PPdeG aproba en solitario unha nova lei de portos desfasada e decepcionante

Ademáis, o PSdeG considera que a nova normativa invade competencias locais e advirte de que esta cláusula supón “un paso máis na estratexia de recentralizar as competencias municipais na administración autonómica negando máis recursos para cumprir coas novas obrigas”. Ademais, dixo, ofrece “barra libre para as concesións das empresas privadas”.

A portavoz de Portos do Grupo Socialista, Loli Toja, criticou a Lei de Portos por “estar desfasada, garantir a opacidade, dar barra libre ás concesións administrativas e invadir competencias municipais”. Así o dixo no debate final no Parlamento, desta norma presentada polo Goberno e aprobada unicamente co voto a favor do PP e a oposición dos socialistas galegos.

Sinalou que con esta norma “pretenden crear reinos independentes dentro dos concellos”, ao permitir a reasignación de usos dos terreos portuarios, obrigando aos gobernos locais a incorporalo aos seus plans urbanísticos no prazo dun ano. Advertiu de que esta cláusula supón “un paso máis na estratexia de recentralizar as competencias municipais na administración autonómica negando máis recursos para cumprir coas novas obrigas”.

A responsable socialista criticou que o PP teña abordado o debate parlamentario desta norma como “un monólogo sen opcións para a oposición”, a quen “simplemente informaron das emendas aceptadas e as que tiñan opción á transacción, malia que a día de hoxe descoñecemos os seus argumentos”. O resultado foi que das 150 emendas presentadas polos socialistas só foron aceptadas 18 e transaccionada 1.

Sinalou que grazas a esta emenda socialista, Portos realizará un informe anual no que sinale os contratos realizados e, puntualizou, “agardamos que, agora que o aceptaron, que o cumpran” para dotarlo de maior transparencia. Reivindicou un “exercicio de transparencia” do goberno galego en Portos de Galicia, por canto “de 8,8 millóns de euros de contratación, unicamente 2,1 corresponden a obras licitadas a través de concursos, o 24 por cento.

Toja explicou que este balance resulta “insuficiente” para acadar o apoio dos socialistas galegos a esta Lei, xa que “non aceptaron ningunha proposta de calado para mudar o noso voto”. Sinalou que a Lei “renuncia a habilitar actuacións ou planificación para o sistema portuario, e mantén demasiadas incertezas ou sospeitas que non se clarifican”.

Criticou que a Lei estea “baseada nun modelo de portos como entidade pública empresarial, o que entre outras cousas permitirá crear un número indeterminado de empresas públicas portuarias".

Barra libre

Ademais, dixo, ofrece “barra libre para as concesións das empresas privadas”, xa que a Lei actual fixa o prazo en 30, pero a nova norma o amplía ata 50. Criticou que a regulación sexa “excesivamente xenerosa coa participación da iniciativa privada sen que se teña en conta a defensa dos intereses xerais”.

Resumiu que “estamos ante un Goberno que pon os intereses privados por riba dos públicos en canto ás concesións, á creación de empresas portuarias e ao modelo de xestión empresarial”.

Finalmente, advertiu que a proposta de Lei “non contempla a necesaria coordinación e participación das administracións locais, e incluso pode colisionar co principio de autonomía local”. Neste sentido explicou que “deixa ás administracións locais nun segundo plano, impoñendo consideracións urbanísticas peculiares, problemáticas e non pactadas, prexudicando ás administracións locais”.

Gabinete de Comunicación do PSdeG, 2017-12-04

Actualidad

Foto del resto de noticias (Frisia_SemanaGal_Cadrada.jpg) A cidade de Leeuwarden, Frisia (Holanda), Capital da Cultura Europea de 2018, acollerá a semana do galego cun amplo programa de actividades. Grazas a Afûk (a institución que promove a lingua e cultura frisia), á Mesa pola Normalización Lingüística e á Fundación Vía Galego coa colaboración da Deputación da Coruña, do Concello de Santiago de Compostela e do Concello de Pontevedra desde o 22 ao 29 de xullo o galego será o protagonista do Pavillón das Linguas. O proxecto Pavillón das linguas (Lân fan Taal) consiste en amosar a diversidade lingüística europea e a existencia de nacións que teñen máis dun idioma, sendo a lingua o elemento máis característico que lle confire identidade propia a unha comunidade de falantes.
Foto de la tercera plana (resurrection.jpg) Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez. Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa".

Notas

Son 94 imaxes que recollen outras tantas instantáneas do ceo nocturno da man “dun grupo de soñadores que, sendo sensibles ao instinto ancestral de mirarmos cara ao ceo, se lanzaron á procura da noite a rescatar ese tesouro apagado polo malgasto de luz artificial”. Salvador Bará Viñas e Jorge Mira Pérez, profesores do Departamento de Física Aplicada da USC e coordinadores do libro, presentan nestas liñas aos nove fotógrafos e fotógrafas que achegan o seu punto de vista nesta obra editada pola USC.
A obra 'A vida salvaxe', de Gonzalo Hermo, é a gañadora da décimo sexta edición do Premio de Poesía Afundación, un certame que veñen convocando Afundación, o Centro PEN Galicia e a Consellería de Cultura e Educación co obxectivo de favorecer a creación literaria en galego. Licenciado en Filoloxía Galega e doutor en Lingüística pola Universidade de Santiago de Compostela, Gonzalo Hermo é autor dos poemarios 'Crac' e 'Celebración', polo que foi recoñecido co Premio Nacional de Poesía Joven Miguel Hernández no ano 2015 e co Premio da Crítica de poesía galega en 2014.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania