Notas de prensa

RAG: Ourense recorda o papel do escritor Carlos Casares nas institucións

O Liceo de Ourense acolleu un acto de homenaxe a Carlos Casares e o seu papel nas institucións das que formou parte. O encontro, organizado polo Parlamento de Galicia, recordou así a súa traxectoria como deputado, membro de número da Real Academia Galega ou presidente do Consello da Cultura Galega (CCG).

O presidente da RAG, Víctor F. Freixanes, salientou a aposta pola renovación que supuxo no seu momento o ingreso do escritor ourensán na rúa Tabernas e a súa participación no proceso de determinación da normativa da lingua do ano 1982 e a redacción da Lei de normalización lingüística.

Cando Carlos Casares se converteu en académico de número no ano 1978, só tiña 36 anos. Foi, polo tanto, unha das tres persoas que ingresaron con menos idade na institución en toda a súa historia, pois era só un pouco maior do que o foi no seu día Xosé Filgueira Valverde (35) e Manuel Banet Fontenla (34), lembrou Víctor F. Freixanes. A entrada do autor ourensán, que acababa de publicar Xoguetes para un tempo prohibido -obra distinguida por Galaxia co premio convocado co gallo dos 25 anos da editorial- e xa gozaba de recoñecemento, supuxo "unha aposta pola renovación da institución", pola entrada de xente nova capaz de darlle un novo alento, explicou o presidente da RAG, que recordou tamén o seu discurso de ingreso, O desastre de 1898 e os escritores galegos.

Víctor F. Freixanes repasou o papel de Casares no proceso de elaboración da normativa do galego no ano 1982, aprobada conxuntamente pola RAG e o Instituto da Lingua Galega. O escritor representou entón a Academia xunto a Ramón Piñeiro e Andrés Torres Queiruga e foi tamén naqueles tempos unha das persoas que participou activamente na elaboración da Lei de normalización lingüística desde a súa dobre condición de deputado na primeira lexislatura do Parlamento de Galicia -como independente nas filas do PSdeG- e académico, engadiu.

O presidente da RAG interveu en representación da institución no acto, clausurado polo presidente do Parlamento, Miguel Santalices, e no que tamén tomaron a palabra o presidente da Fundación Carlos Casares, Xavier Casares Mouriño; o presidente do Consello da Cultura Galega, Ramón Villares Paz; o presidente da Deputación de Ourense, José Manuel Baltar; o conselleiro de Cultura, Román Rodríguez; o alcalde de Ourense, Xesús Vázquez Abad; e o fillo do escritor Håkan Casares, en nome da familia.

Miguel Santalices indicou que, se ben ao longo do ano 2017 foron moitos os actos celebrados para recordar a figura e a obra de Carlos Casares, "restaba unha convocatoria como esta, orientada a reivindicar outra das súas facianas, o seu compromiso coas institucións". "Casares foi un patriota galego, convencido de que para asegurar o seu futuro Galicia precisaba dunha estrutura institucional sólida, moderna e homologable coas dos países máis avanzados en termos democráticos", concluíu o presidente do Parlamento de Galicia.

Real Academia Galega (RAG), 2017-12-01

Actualidad

Foto del resto de noticias (mit_ribadavia.jpg) A Mostra Internacional de Teatro de Ribadavia remata cun récord de asistencia de espectadores, chegando case ao 100% da ocupación das localidades no Castelo e cunha participación masiva nas rúas e nas actividades paralelas. O Premio do público recaeu na compañía A PANADARÍA, co espectáculo ELISA E MARCELA, superando por décimas á segunda máis votada, a mexicana Los Colochos con Mendoza. Esta edición destacou pola media alta de asistencia e valoración dos espectáculos, tamén pola proxección internacional e pola repercusión que a MIT está tendo en diversos ámbitos, do económico ao social.
Foto de la tercera plana (xogar_en_verde.jpg) A Consellería de Medio Ambiente e Ordenación do Territorio fomentará que os eventos deportivos sexan cada vez máis sustentable, grazas a liña de acción Xogar en Verde. Trátase dunha iniciativa dentro da campaña Verdear é a actitude, posta en marcha pola Xunta de Galicia, co fin de afrontar os retos e valores de sustentabilidade. A conselleira de Medio Ambiente e Ordenación do Territorio, Beatriz Mato, visitou esta mañá un taller de fomento de recollida selectiva, no que participaron aos rapaces do campus da Asociación de Fútbol Aficionado da Coruña.

Notas

Case setenta concellos teñen proxeccións cinematográficas este verán nas súas programacións a través do circuíto cultural da Deputación da Coruña. O programa Visións da Rede Cultural leva un amplo abano de películas en 66 proxeccións ata fin de agosto. Parques, prazas ou xardíns de maneira especial convértense neste verán en salas abertas de proxeccións para o programa Visións da Rede Cultural da Deputación da Coruña.
A Amtega convoca a XI edición do Premio ao Mellor Proxecto Universitario con Licenza Libre co obxectivo de achegar aos universitarios galegos ao software libre e ás posibilidades de emprego que lles pode abrir a publicación ou colaboración con proxectos libres. O premio está dotado con 2.250 euros, repartidos nun primeiro premio de 1.500€ e nun segundo de 750 euros, grazas á achega do CIXUG e do GPUL, respectivamente.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania