Notas de prensa

O PSdeG di que a próxima OPE en Sanidade é insuficiente en cantidade, deficiente en calidade e perde persoal

O portavoz de Sanidade do Grupo Socialista, Julio Torrado, advertiu que a OPE anunciada polo presidente da Xunta resulta “insuficiente en cantidade e deficiente en calidade”. “Perdemos persoal, o pouco que incorporamos o facemos a un ritmo insuficiente e continuamos sen resolver o problema dos contratos miseria” na sanidade.

O responsable socialista acusou ao goberno galego de “obrigar aos profesionais sanitarios a mendigar condicións” para tratar de mellorar unha situación “insoportable”, que está “detrás da decisión de marchar de Galicia”. Explicou que o 85 por cento dos titulados e tituladas MIR durante os gobernos de Feijóo “non se incorporaron de maneira estable ao sistema”.

Torrado explicou que o presidente da Xunta destruíu dende a súa chegada en torno a 7.000 empregos estables os 35.000 que ten a Consellería de Sanidade, polo que “a súa reposición parcial responde tanto ás limitacións impostas por Montoro como da pouca vontade da Xunta por resolver o problema”. Iso explica que Galicia sexa, xunto con Euskadi, a única autonomía que non remitiu as vacantes a Facenda, entorpecendo e enlentecendo a convocatoria.

Lembra que foi o PSdeG quen obrigou ao PP a admitir no Parlamento a convocatoria desta OPE en marzo, e “somos os que tivemos que presionar para que se convocara”. O próximo Pleno, dixo, incluirá unha moción neste sentido para reivindicar aquela iniciativa, máis ambiciosa, para acordar catro convocatorias na lexislatura co obxecto de recuperar case 6.500 daqueles empregos perdidos.

Calidade

Explicou ademais que a OPE anunciada “non resolve desigualdades, incumpre os acordos de estabilidade asinados a nivel estatal e autonómico, e non facilita a promoción interna”. Trátase dunha convocatoria, explica, que “non avanza no cumprimento dos acordos asinados cos sindicatos en 2008 e que foron paralizados por Feijóo en 2010, mantendo ao persoal sanitario de Galicia como un dos peor pagados e con menos dereitos do Estado”.

Torrado sinala que a convocatoria “non resolve o grave problema da precarización, dos contratos por horas, ou da renovación de contratos de luns a venres para non pagar as fins de semana”. Estas prácticas, lembra, “xa teñen motivado sentenzas contrarias ao Sergas pola explotación e as indecentes condicións laborais de inestabilidade”.

Gabinete de Comunicación do PSdeG, 2017-11-30

Actualidad

Foto del resto de noticias (CatasdeGalicia_gala.jpg) Los viticultores, bodegueros, enólogos y sumilleres más distinguidos de Galicia se dieron cita en el Parador de Santo Estevo de Ribas de Sil para asistir a una nueva edición de las Catas Oficiales de Vinos y Aguardientes de Galicia, el evento más importante para el sector vitivinícola de la comunidad. A través de este veterano certamen, la Consellería do Medio Rural buscaba nuevamente identificar y premiar a los mejores caldos elaborados fundamentalmente con uvas de variedades autóctonas, dotados de un carácter único y una personalidad reconocible. Para esta trigésima Cata de Vinos de Galicia se batían todos los records en cuanto a número de inscritos, con 363 muestras finales de blanco y tinto.
Foto de la tercera plana (gandaria_2.jpg) A comisión territorial de seguros agrarios reuniuse hoxe na Consellería do Medio Rural e valorou os avances neste ámbito en Galicia. Entre os datos destacados, a directora xeral de Gandaría, Agricultura e Industrias Agroalimentarias, Belén do Campo, sinalou os cinco millóns de euros que este ano achegaranse para subvencionar as distintas liñas de seguros en Galicia. Trátase da cantidade máis alta dos últimos seis anos. De feito a Xunta de Galicia fixo un importante esforzo para compensar a baixada de 10 puntos porcentuais que aplicou o Ministerio a todas as liñas de seguro agás a retirada de cadáveres.

Notas

O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega) organizan desde finais de xullo ata setembro un total de 30 xornadas sobre robótica, pilotaxe de drons e creación de personaxes para videoxogos enmarcadas no programa “Tech Kids” para fomentar o interese pola ciencia e a tecnoloxía entre a mocidade galega.
A Rede Galega de Música ao Vivo (RGMV) inicia mañá a nova programación para o segundo semestre do ano con dous concertos de verán, que terán lugar na sala A Ventana de Laxe, onde actuará o grupo feminino Ejazz ás 23,30 h., e no Náutico do Grove, no que soará a homenaxe ao rock hispano dos anos 60 a cargo de Los Mecánicos a partir da medianoite. Ambas citas, programadas en locais a carón da praia como parte da oferta cultural galega.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania