Notas de prensa

Galicia afonda en México na internacionalización da universidade e participa na Feira do Libro de Guadalajara

O conselleiro de Cultura e Educación asinará un Memorando de Entendemento coa Asociación Nacional de Universidades e Institucións de Educación Superior mexicana (ANUIES). Reunirase con persoeiros do mundo educativo e cultural de América Latina. Así mesmo, apoiará a presenza de editores e autores galegos nun dos meirandes encontros editoriais do mundo.

O conselleiro de Cultura, Educación e Ordenación Universitaria, Román Rodríguez, inicia unha visita institucional a México co obxectivo de afondar na internacionalización do Sistema Universitario de Galicia (SUG) e de apoiar a presenza de editores e escritores galegos na Feira Internacional do Libro de Guadalajara.

Neste sentido, e acompañado dos reitores das tres universidades galegas, o titular do departamento educativo da Xunta de Galicia asinará co secretario xeral executivo da Asociación Nacional de Universidades e Instituciones de Educación Superior de México (ANUIES), Jaime Valls Esponda, o Memorando de Entendemento para a colaboración na realización de actividades académicas, científicas e culturais entre a ANUIES e o SUG.

O acto enmárcase na Conferencia Anual da ANUIES, que se celebra na Universidade de Guadalajara ata o 24 de novembro, en cuxo contexto Román Rodríguez tamén se reunirá con persoeiros do mundo educativo e cultural de América Latina.

FIL de Guadalajara

Xa o sábado 25, o conselleiro participará na inauguración da Feria Internacional del Libro (FIL) de Guadalajara, que se desenvolverá ata o 3 de decembro. O encontro, fundado hai 31 anos pola Universidade de Guadalajara, é a reunión editorial máis importante de Iberoamérica.

Autores, axentes literarios, bibliotecarios, libreiros e máis de 2.000 editoriais de preto de 50 países participan cada ano nesta feira, que acada unha cifra de 800.000 visitantes. Ademais da caseta de Galicia, a Consellería apoia a presenza de catro autores galegos (Paula Carballeira, Federico Fernández, Mariluz Ferreiro e María Canosa) na FIL, a través de encontros con lectores, sinaturas de libros, conferencias, contacontos, presentacións etc. Asemade, participan na feira, apoiados tamén pola Xunta, as editoriais Nova Galicia Edicións e Kalandraka.

Gabinete de Comunicación da Xunta de Galicia, 2017-11-23

Actualidad

Foto del resto de noticias (cig_campana_dereitos_profes.jpg) CIG-Ensino recorrerá todos los centros educativos durante el segundo trimestre del año para sacar de nuevo a la luz la necesaria "restitución de los derechos arrebatados" a los docentes con la excusa de la crisis económica. La campaña persigue avivar el debate entre el profesorado sobre los recortes aplicados en la última década y que CIG recoge en 10 medidas concretas para su restitución.
Foto de la tercera plana (fitur_2018_reyes.jpg) El presidente de la Xunta asegura que las obras de conservación y rehabilitación del conjunto monasterial de Oseira supondrán "un impulso económico y cultural" para esta zona y el resto de Galicia. Más de 76.500 visitantes pasaron por el expositor de Galicia a lo largo de la 38ª edición de la Feria Internacional de Turismo (Fitur), celebrada entre el 17 y el 21 de enero en Madrid, lo que supone 1.000 más que en 2017 y un "máximo histórico de afluencia".

Notas

As novelas Leonardo e os fontaneiros e Anagnórise contarán este ano con cadansúa adaptación teatral a cargo de Ubú Teatro e Limiar Teatro, que tamén levará a escena a vida de María Victoria Moreno. A editorial Galaxia promove as pezas dentro da súa programación co gallo do Día das Letras Galegas dedicado á autora, fundadora e codirectora da súa colección infantil, Árbore.
A Deputación Provincial impulsa con 350.000 euros a promoción de Lugo como cidade universitaria e a progresiva internacionalización do Campus Terra da USC, así como a captación de novo alumnado a través da habilitación dun plan de bolsas orientado a cubrir gastos de matrícula, a oferta de posgraos oficiais, a docencia semipresencial a través da unidade e-Terra, a divulgación científica ou prácticas de campo.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania