Notas de prensa

O Consello da Cultura Galega (CCG) xunta nunha web as actividades do Día do Patrimonio

Visitas guiadas, xornadas de portas abertas, pezas do ano, difusión de documentos dixitalizados como o Himno Galego gravado en Barcelona no ano 1919.... son moitas e moi variadas as iniciativas que Bibliotecas, Arquivos e Museos de Galicia organizan para celebrar o Día do Patrimonio que se celebra o 16 de novembro.

Unhas accións que, por iniciativa do Consello da Cultura Galega (CCG), se visibilizan de xeito conxunto por primeira vez. Desde o web do CCG pódese acceder a este sitio específico que, en palabras do presidente da institución, Ramón Villares, “pretende chamar a atención sobre a importancia do patrimonio moble”.

O día 16 de novembro é o Día do Patrimonio Mundial. Unha efeméride que catorce centros da memoria galegos, é dicir, bibliotecas, arquivos e museos, celebran con actividades individualizadas. “O Consello da Cultura Galega súmase a esta conmemoración cun sitio web que agrupa as accións que cada centro decide facer” apuntou o presidente Ramón Villares. Canda el, estaban os membros da sección de Patrimonio do CCG Concepción Varela e Gabriel Quiroga, que destacaron a transversalidade e a relevancia de difundir accións sobre o patrimonio.

O técnico do Consello da Cultura, Manuel Gago, explicou que a acción agrupa pequenos fitos. “É a primeira vez que varias entidades se poñen de acordo para visibilizar accións de patrimonio para celebrar o 16 de novembro” apuntou. Pero hai máis, fano desde unha imaxe única que non é o logo de ningunha institución senón unha imaxe gráfica compartida. Ademais, puntualizou Gago “sumáronse a esta proposta centros públicos e privados, grandes e pequenos con accións que se desenvolven en toda a xeografía, tanto rural como urbana”.

Accións variadas

A dixitalización dun facsímile vencellado a Castelao, charlas sobre o traballo dos arquivos, xornadas de portas abertas, visitas guiadas, vídeos explicativos, a dixitalización do Himno Galego gravado en Barcelona en 1919.... son algunhas das máis de trinta actividades que se van desenvolver en catorce centros de Galicia para celebrar o Día do Patrimonio.

Os centros que se suman a esta iniciativa son o Arquivo da Real Academia Galega, o Arquivo do Reino de Galicia, o Arquivo Histórico provincial de Lugo, o Arquivo Histórico Provincial de Ourense, o Arquivo Intermedio Militar Noroeste, o Arquivo Municipal de Ferrol, o Ecomuseo de Arxeriz, a Fundación Penzol, a Fundación Vicente Risco, o MDC_L Museo Diocesano Catedralicio de Lugo, o Museo Arqueolóxico Provincial de Ourense, o Museo das Peregrinacións e de Santiago e a Universidade de Santiago de Compostela.

Consello da Cultura Galega (CCG), 2017-11-14

Actualidad

Foto del resto de noticias (factura.jpg) Os proxectos que se van desenvolver recibirán 4,66 millóns de euros en axudas que permitirán a mobilización de 11,3 millóns no sector. A instalación destas tecnoloxías posibilitará aforros anuais de 2,45 millóns de litros de gasóleo ao ano e a redución de emisións de 7.300 toneladas de CO2, equivalente á acción de 365.000 árbores. Vanse desenvolver 951 proxectos de biomasa, 512 de aerotermia e enerxía solar e 82 de xeotermia. Estes apoios súmanse ás axudas concedidas en materia de eficiencia enerxética e renovables a empresas, entidades sen ánimo de lucro e á administración local a través das que se impulsarán 434 proxectos que permitirán un aforro na factura enerxética dos beneficiarios de 5,5 millóns de euros ao ano.
Foto de la tercera plana (automocion.jpg) O Diario Oficial de Galicia (DOG) vén de publicar as axudas do bono Emprega Automoción, un novo programa dirixido a ocupados co que a Xunta apoia a formación á carta nas empresas do sector. O Goberno galego con esta iniciativa financiará o 50% da cualificación ata 2000 euros por persoa. Do que se trata é de mellorar as capacidades dos traballadores, o que permitirá ás compañías ser máis competitivas. O investimento previsto é de 3 millóns de euros ao ano para formar a 1500 persoas cada exercicio. O prazo de solicitude, aberto desde mañá, rematará o 30 de setembro.

Notas

Convocada unha nova edición dos Premios do Comercio Galego, cos que se busca poñer en valor as boas prácticas e a aposta pola calidade e a innovación no sector. Os galardón contan cunha dotación total de 12.500 euros e divídense en tres categorías. Así, o Premio Comercio de Galicia está dotado cunha contía de 3.000 euros; o Premio Comercio Provincial, cunha contía de 2.000 euros por provincia; e o Premio Iniciativa Dixital para asociacións de comerciantes, cunha contía de 1.500 euros.
Estase a celebrar ao longo deste 2018 o Ano do Camiño Portugués e do Camiño Portugués da Costa, tal e como establece o Plan director do Camiño de Santiago. Neste marco, ao longo de todo o mes de agosto, o Goberno autonómico vén promovendo estes itinerarios no país veciño a través da exposición fotográfica en 3D De mar a mar que pode verse na cidade portuguesa de Coimbra.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania