viernes, 19 de abril de 2024
Este especial, programado con motivo do centenario do nacemento do realizador francés, é unha das propostas destacadas da carteleira de novembro-decembro na sede coruñesa do CGAI, que continuará repasando a filmografÃa do actor Fernando Rey e ofrecerá unha escolma dos cineastas portugueses António Reis e Margarida Cordeiro.
Jean-Pierre Melville foi un dos grandes renovadores do cine negro do seu paÃs entre os anos corenta e setenta, chegando a influenciar directores de todas as latitudes, non só de Hollywood ou Europa, senón tamén en Asia, onde se atopan ecos das súas imaxes en autores coma Seijun Suzuki. O seu estilo seco e directo, unido a unha posta en escena sobria mais de grandes aspiracións estéticas, marcou unha carreira á que se anotaron as grandes estrelas do momento, coma Jean-Paul Belmondo, Alain Delon, Lino Ventura ou Catherine Deneuve.
O 14 de decembro arrancará o programa que lle dedica a filmoteca galega cunha sesión que será presentada por Laurent e Tania Grousset, da Jean-Pierre Melville Foundation, entidade encargada de salvagardar o patrimonio do cineasta e que organiza este ciclo itinerante.
As proxeccións insÃrense, asà mesmo, no extenso percorrido histórico pola filmografÃa gala que o CGAI está a desenvolver desde hai varios meses baixo o tÃtulo Viaxe a través do cine francés. Ademais das fitas de Melville, pásanse filmes de Barbet Schroeder, Jean Rouch, Jacques Demy, Arnaud Desplechin ou Olivier Assayas, nunha escolma heteroxénea que abrangue moitas épocas e estilos.
Cen anos de Fernando Rey
Ao tempo, o Centro Galego de Artes da Imaxe continúa a celebrar outro centenario, o do actor coruñés Fernando Rey, a través do ciclo que vén desenvolvendo desde o pasado mes de setembro e que finalizará o 17 de novembro con Padre nuestro, coincidindo coa exposición sobre o intérprete no Kiosco Alfonso, que pecha as portas dous dÃas despois.
O actor foi a primeira gran estrela internacional do noso cinema, adiantándose a outras que seguirÃan despois este camiño, como Javier Bardem, Antonio Banderas ou Penélope Cruz. Ademais das súas colaboracións cos cineastas máis renovadores do cine español e a súa longa relación con Luis Buñuel, Rey formou parte do elenco de grandes filmes de Hollywood. Traballou, por exemplo, ás ordes de Orson Welles en Campanadas a medianoche, que se proxecta na Coruña o 9 de novembro, ou para Robert Altman en Quintet, que se exhibe o 16 de novembro.
Dupla colaboración co festival de Sevilla
Destaca tamén na programación de novembro-decembro o ciclo sobre António Reis e Margarida Cordeiro. Esta parella de cineastas lusos é coñecida entre a cinefilia por realizar uns intensos retratos sobre Trás-os-Montes (Portugal), partindo do etnográfico, mais con traballadas historias de ficción. A súa obra mestra leva precisamente o tÃtulo desta rexión e durante anos foi moi complicada de atopar en exhibición. A Cinemateca Portuguesa acaba de restaurar o filme con copias dixitais en alta definición, que circulan por fin polas filmotecas. Pon, ademais, a disposición do CGAI boa parte da obra de Reis e Cordeiro, nunha retrospectiva case completa na que colabora o Festival de Cine Europeo de Sevilla.
Asà mesmo, a relación co certame andaluz permite traer á Coruña unha escolma de traballos dos primeiros dez anos da London Film-Makers' Co-Operative, importante cooperativa de cine de vangarda que marcou tendencias nos sesenta e setenta.
Non son os únicos pases de filmes experimentais destes últimos meses do ano. O CGAI segue prestando atención a este tipo de cine con pases dedicados a Stan Brakhage ou Tacita Dean, neste último caso en colaboración coa Agrupación Astronómica Coruñesa Ão, que organiza o ciclo Cinema e ciencia: visións do ceo, centrado na astronomÃa.
Completan a última carteleira bimestral de 2017 as sesións dedicadas ao cine galego, con foco nos cineastas Simone Saibene e Hugo Amoedo, asà como as proxeccións para o público infantil de CGAI Júnior e a recuperación de varios clásicos restaurados. A filmoteca conta tamén con extensións desta programación en Ourense, Lugo e Vigo a través dos cineclubs destas cidades.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurÃdicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitirÃa aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artÃsticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, asà como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
