Notas de prensa

O PSdeG di que Feijóo renuncia á transferencia da AP-9 para preparar o seu desembarco en Madrid

O voceiro socialista Fernández Leiceaga acusa a Feijóo de “lastrar” a transferencia da AP-9 para preparar “o seu probable futuro desembarco en Madrid”. O responsable socialista censurou a “posición pasiva” do presidente da Xunta na defensa dos intereses de Galicia para evitar situacións incómodas na capital.

O portavoz socialista adiantou o contido da sesión de control ao presidente da Xunta no Pleno do Parlamento, acusando a Feijóo de prexudicar a tódolos galegos e galegas pola súa “circunstancia persoal” de pretender mudarse á política nacional. O “ánimo neocentralista”, así como a hostilidade fronte a calquera recoñecemento da singularidade autonómica, provocan que renuncie a defender a Galicia.

Por iso, explica, admite o veto ao debate da transferencia da AP-9 “sen argumentos e con tretas regulamentarias”, e por iso evita calquera tipo de aportación relativa á reforma do modelo territorial de España.

Fernández Leiceaga explicou así que o balance do primeiro ano de goberno de Feijóo sexa unha absoluta carencia de proxecto político, cun goberno sen iniciativa lexisladora e cunha recuperación económica que “non se nota” na mellora dos servizos públicos, por moito que Galicia tivera 200 millóns de euros de investimentos adicionais o ano pasado.

Legado

Advertiu que a nula capacidade de impulso do goberno galego provocará que “o legado de Feijóo” sexa facer que Galicia pasara de ter, ao comezo da crise, unha taxa de desemprego seis puntos por debaixo da media estatal, a situarse por enriba en 2018, de acordo con tódalas previsións. Advertiu que a taxa de ocupación galega medra hoxe á metade que o resto do Estado.

Criticou que “presumen de que Galicia crece, pero é algo que pasa en tódalas comunidades autónomas e no conxunto de España” derivado do crecemento da zona euro, das baixas taxas de xuro e dos prezos do petróleo, e non pola actuación específica do goberno galego.

Lamentou que o presidente da Xunta continúe co “chip instalado na crise”, cunha xestión centrada en cadrar as contas e no equilibro presupostario, cando “falta proxecto e capacidade de decidir”, cun goberno sen máis obxectivo que “sobrevivir día a día con políticas de curto alcance”.

Meirás

O responsable socialista reclamou hoxe o apoio de tódolos grupos da Cámara á proposta socialista para constituír unha Comisión técnica que analice as vías posibles para devolverlle o Pazo de Meirás ao patrimonio público sen custe adicional. Só o pluralismo poderá garantir o consenso social para, sinalou, “facerlle reflexionar á familia Franco e cambiar de actitude” cando vexa que ten “enfronte” a toda a sociedade galega.

Fernández Leiceaga explicou as diferenzas coa proposta do PP que se debate no mesmo Pleno, xa que os socialistas, explicou, “queremos que a Comisión sexa plural tamén politicamente” e por iso debe ser a Xunta quen a lidere, pero da que participen a Deputación Provincial e os concellos de Sada e A Coruña.

Deste xeito garantirase o “pluralismo de orixe” con representantes de tódalas institucións e partidos políticos. Ademais, engadiu, a proposta socialista mantén a porta aberta a que a Comisión poida propoñer modificacións legais para conseguir recuperar este patrimonio e “non limitarse a unha mera análise de procedemento”.

Gabinete de Comunicación do PSdeG, 2017-09-25

Actualidad

Foto del resto de noticias (cig_campana_dereitos_profes.jpg) CIG-Ensino recorrerá todos los centros educativos durante el segundo trimestre del año para sacar de nuevo a la luz la necesaria "restitución de los derechos arrebatados" a los docentes con la excusa de la crisis económica. La campaña persigue avivar el debate entre el profesorado sobre los recortes aplicados en la última década y que CIG recoge en 10 medidas concretas para su restitución.
Foto de la tercera plana (fitur_2018_reyes.jpg) El presidente de la Xunta asegura que las obras de conservación y rehabilitación del conjunto monasterial de Oseira supondrán "un impulso económico y cultural" para esta zona y el resto de Galicia. Más de 76.500 visitantes pasaron por el expositor de Galicia a lo largo de la 38ª edición de la Feria Internacional de Turismo (Fitur), celebrada entre el 17 y el 21 de enero en Madrid, lo que supone 1.000 más que en 2017 y un "máximo histórico de afluencia".

Notas

As novelas Leonardo e os fontaneiros e Anagnórise contarán este ano con cadansúa adaptación teatral a cargo de Ubú Teatro e Limiar Teatro, que tamén levará a escena a vida de María Victoria Moreno. A editorial Galaxia promove as pezas dentro da súa programación co gallo do Día das Letras Galegas dedicado á autora, fundadora e codirectora da súa colección infantil, Árbore.
A Deputación Provincial impulsa con 350.000 euros a promoción de Lugo como cidade universitaria e a progresiva internacionalización do Campus Terra da USC, así como a captación de novo alumnado a través da habilitación dun plan de bolsas orientado a cubrir gastos de matrícula, a oferta de posgraos oficiais, a docencia semipresencial a través da unidade e-Terra, a divulgación científica ou prácticas de campo.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
ACTUALIDAD GALICIADIGITAL
Blog de GaliciaDigital
PUBLICIDAD
Deputación de Ourense
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania