Notas de prensa

600 nadadores de España e norte de Portugal coñecerán a Ribeira Sacra coa II Heroica Gran Premio Deputación de Lugo

O Deputado de Deportes, Pablo Rivera Capón, xunto ao Alcalde de Monforte de Lemos, José Tomé Roca, presentou este xoves, no embarcadoiro de Doade, a segunda edición da Heroica Gran Premio Deputación de Lugo – Regina Viarum. Terá lugar o vindeiro sábado no entorno da Ribeira Sacra.

Por segundo ano consecutivo, o Goberno Provincial converteu á Deputación na principal patrocinadora desta cita deportiva, pois inviste na mesma 10.000 euros. Faino dentro da súa aposta polo turismo, seguindo as liñas de actuación do seu Plan Estratéxico de Turismo, para xerar riqueza e emprego, potenciando este sector.

Triplo de participantes

Deste xeito, centos de persoas de toda a Península coñecerán a Ribeira Sacra, o seu patrimonio natural, histórico ou vitinícola, pois xa hai case 600 nadadores de España e norte de Portugal inscritos a día de hoxe, o triplo que o ano pasado. Previsiblemente, os participantes virán acompañados polos seus equipos ou familias.

O Deputado de Deportes destacou que “a expectación pola proba é tal que este ano triplicamos o número de inscritos con respecto á primeira edición, o que dá boa conta do traballo ben feito, posto que a maioría dos participantes repetirán experiencia, converténdose en voceiros do patrimonio que atesouramos na Ribeira Sacra. O crecemento da Heroica é espectacular. Dende o Goberno Provincial cremos dende o principio nas posibilidades desta cita, convertendo á Deputación na principal patrocinadora. Cremos que non erramos, que esta proba é un acerto para a provincia”.

Rivera Capón engadiu que “decidimos manter a nosa aposta por este evento, que vai máis aló do puramente deportivo, posto que serán, cando menos, 600 as persoas de toda España e Portugal ás que se achegarán a fin de semana á Ribeira Sacra, acompañados por familiares e amigos, para participar nas probas, pero tamén para coñecer este paraíso natural co que contamos na provincia, desfrutar da nosa gastronomía e dos nosos viños. A Heroica é unha aposta deste Goberno Provincial pola posta en valor dos distintos recursos turísticos e do sen fin de alternativas lúdicas que ofrece a nosa provincia. Porque Lugo, cambia”.

Visita guiada

O Deputado avanzou que durante a xornada haberá unha visita guiada pola contorna para deportistas e acompañantes para descubrir o patrimonio natural e cultural da Ribeira Sacra, incluíndo a visita a unha adega para coñecer a viticultura Heroica e a olería de Gundivós para ver como se realizaron os trofeos da proba. O horario é:

- 10:00 horas: Saída de Doade (fronte a La Cantina).
- 10:30 horas: Visita a olería de Gundivós (1 hora aproximadamente).
- 12:00 horas: Visita bodega Regina Viarum (45 minutos aproximadamente).
- 13:00 horas: Volta ao lugar de saída na Praza de Doade.

Competicións

O responsable do departamento de Deportes do organismo provincial explicou que durante a xornada do sábado se disputarán en total catro probas, finalizando todas elas no embarcadoiro de Doade. Os primeiros nadadores en competir, a partir das 16.00 horas, serán os inscritos na competición reina, o Gran Premio Deputación de Lugo, que deberán completar un percorrido de 10.000 metros.

Para iso, subiranse a un catamarán que os levará ata a saída en Rabacallos e, dende alí, botaranse a nadar ata chegar ao embarcadoiro de Doade.

Tras a disputa desta proba, a máis esixente da xornada, celebraranse as competicións de 5.000 metros, 2.500 metros e unha popular de 600 metros, pensada para todos aqueles afeccionados á natación que desexen ser partícipes dunha xornada deportiva en medio dun ambiente único.

Transporte e seguridade

A zona de aparcadoiro sitúase a 5 quilómetros con servizo de microbuses e tren turístico con capacidade para desprazar a máis de 1.000 persoas (deportistas e acompañantes) de forma programada ao lugar da proba evitando colapsos.

Máis de 40 piragüistas velan pola seguridade dos nadadores, e tamén máis de 5 embarcacións a motor, entre elas una de Protección Civil e outra dos Grupos de Especiais de Actividades Subacuáticas da Garda Civil. Tamén colaboran os Clubs de Natación Locais de Monforte e Portamiñá.

Deputación de Lugo, 0000-00-00

Actualidad

Foto del resto de noticias (Frisia_SemanaGal_Cadrada.jpg) A cidade de Leeuwarden, Frisia (Holanda), Capital da Cultura Europea de 2018, acollerá a semana do galego cun amplo programa de actividades. Grazas a Afûk (a institución que promove a lingua e cultura frisia), á Mesa pola Normalización Lingüística e á Fundación Vía Galego coa colaboración da Deputación da Coruña, do Concello de Santiago de Compostela e do Concello de Pontevedra desde o 22 ao 29 de xullo o galego será o protagonista do Pavillón das Linguas. O proxecto Pavillón das linguas (Lân fan Taal) consiste en amosar a diversidade lingüística europea e a existencia de nacións que teñen máis dun idioma, sendo a lingua o elemento máis característico que lle confire identidade propia a unha comunidade de falantes.
Foto de la tercera plana (resurrection.jpg) Máis de 81.000 persoas de 42 países abarrotaron a pasada semana o Concello de Viveiro co Resurrection Fest, xerando uns 2.000 empregos directos e indirectos, e sen ocasionar ningún tipo de incidente durante os catro días que durou a cita. Así o avanzou este mércores, na localidade mariñá, o Deputado de Relacións Institucionais, Álvaro Santos Ramos, xunto á Alcaldesa de Viveiro, María Loureiro García, e o Director do Festival, Iván Méndez Rodríguez. Santos Ramos apuntou que “un ano máis podemos cualificar de éxito rotundo o Resurrection Fest, pois durante catro días 81.350 persoas de 42 nacionalidades diferentes participaron no que xa é o festival de música metal e rock máis importante de España, e un dos máis relevantes de Europa".

Notas

Son 94 imaxes que recollen outras tantas instantáneas do ceo nocturno da man “dun grupo de soñadores que, sendo sensibles ao instinto ancestral de mirarmos cara ao ceo, se lanzaron á procura da noite a rescatar ese tesouro apagado polo malgasto de luz artificial”. Salvador Bará Viñas e Jorge Mira Pérez, profesores do Departamento de Física Aplicada da USC e coordinadores do libro, presentan nestas liñas aos nove fotógrafos e fotógrafas que achegan o seu punto de vista nesta obra editada pola USC.
A obra 'A vida salvaxe', de Gonzalo Hermo, é a gañadora da décimo sexta edición do Premio de Poesía Afundación, un certame que veñen convocando Afundación, o Centro PEN Galicia e a Consellería de Cultura e Educación co obxectivo de favorecer a creación literaria en galego. Licenciado en Filoloxía Galega e doutor en Lingüística pola Universidade de Santiago de Compostela, Gonzalo Hermo é autor dos poemarios 'Crac' e 'Celebración', polo que foi recoñecido co Premio Nacional de Poesía Joven Miguel Hernández no ano 2015 e co Premio da Crítica de poesía galega en 2014.
ACTUALIDAD  
PORTALES  
SERVICIOS  
ENLACES  

RSS Válido

PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania