martes, 23 de abril de 2024
A música será a protagonista da programación cultural de Celanova do 31 de xullo ao 4 de agosto co Festival Internacional Hércules Brass. A cuarta edición deste encontro ofrecerá no municipio ourensán nove concertos e un curso de vento-metal impartido por recoñecidos intérpretes para os preto de 90 alumnos e alumnas que participan este ano na iniciativa.
As actividades que se realizarán no marco do festival foron presentadas esta mañá por dous dos integrantes do grupo Hércules Brass, Rodrigo RodrÃguez e Alejandro Vázquez; polo alcalde de Celanova, José Luis Ferro; polo deputado de Cooperación da Deputación de Ourense, Pablo Pérez; e polo secretario xeral de Cultura, Anxo Lorenzo, que puxo en valor as dúas vertentes principais do festival: por unha banda a de formación teórica e práctica para o alumnado, a cargo de intérpretes nacionais e internacionais de recoñecido prestixio, e, por outra, de divulgación musical, en tanto que escaparate artÃstico de músicos e de formacións de vento-metal.
O cartel da cuarta edición
Durante cinco dÃas, Celanova reunirá algúns dos profesionais de trombón, de trompa, de tuba ou de trompeta máis destacados de Galicia, pero tamén de orquestras sinfónicas e agrupacións de diferentes procedencias, cunha enorme traxectoria no plano artÃstico e docente. Fernando Buide, xunto co profesorado do curso, abrirá o festival cun concerto de órgano, o 31 de xullo, ás 18:30 horas, na igrexa de San Salvador.
VigBrass Ensemble, Back to Brass, Hércules Brass Quinteto de Metais, Natalia Ensemble, Hércules Brass Ensemble e o alumnado do curso completan o recital de actuacións, que rematarán o 4 de agosto, ás 23:45 horas, no claustro do mosteiro de San Salvador, con Rubén Simeó e a Banda de Música de Celanova.
Formación e programación musical
O Festival Hércules Brass Celanova é unha iniciativa promovida pola Asociación Cultural Xingros, co apoio da Xunta de Galicia, do Concello de Celanova e da Deputación de Ourense, cos obxectivos principais de fomentar o coñecemento e a apreciación musical dos participantes, asà como de ampliar e actualizar a súa formación; de ofrecer unha programación musical con grupos e artistas de gran talento e cunha posta en escena de calidade e tamén de dar a coñecer a través da música o patrimonio histórico, literario e cultural da comarca.
A SecretarÃa Xeral de Cultura vén colaborando con iniciativas como o Encontro Galego de Saxofón e o Festival Peregrinos Musicais en Santiago de Compostela, o Festival Merza Percusión e Campamento Musical 3.0 na Agolada ou o Festival Groba en Ponteareas co obxectivo de favorecer espazos de encontro para a formación musical, para a convivencia, para o lecer, para compartir experiencias e para ofrecerlle ao público en xeral programacións musicais diversas e de calidade.
O evento, que reunirá na cidade herculina a artistas contemporáneos do talle de Grande Amore, Boyanka Kostova, Lontreira e Leria, nace co obxectivo de potenciar a música actual en galego, e se enmarca na iniciativa cultura homónima nacida no Equipo de Dinamización da Lingua Galega do instituto Rafael Dieste co obxectivo de promover o uso do galego entre a mocidade. A dÃa de hoxe, involucra máis de 200 centros de toda a comunidade e preto de 50.000 estudantes que, a través de entrevistas, actuacións e campañas nas redes sociais, animan a rapazada a falar na lingua propia de Galicia.
A Business Factory Aero, o programa de incubación, aceleración e consolidación de empresas do sector aeroespacial, promovido pola Xunta de Galicia e xestionado pola Fundación CEL Iniciativas por Lugo, foi escollido pola Fundación de las Cajas de Ahorro (Funcas) e pola Universidad Rey Juan Carlos como a mellor Aceleradora en 2024 na categorÃa de Avanzadas. Este primeiro posto no ranking nacional supón un importante recoñecemento ao labor desenvolvido polo Goberno galego, no marco do Polo Aeroespacial de Galicia, para a retención e atracción de talento no sector e para a creación de emprego de alta cualificación na comunidade.
