viernes, 19 de abril de 2024
A directora xeral de Comercio, Sol Vázquez, e o xerente de Galicia Calidade, Alfonso Cabaleiro, entregaron o certificado de uso da marca de garantÃa Galicia Calidade, dependente da ConsellerÃa de EconomÃa, Emprego e Industria, á xoiarÃa Fernando Gallego, unha empresa que, desde Serra de Outes (A Coruña), exporta talento e creatividade.
Con este recoñecemento, a xoiarÃa Fernando Gallego, Xoieiro Artesán pode empregar o certificado de uso da marca de garantÃa Galicia Calidade para a Colección Antiques, composta por deseños exclusivos con antigüidades xenuÃnas; e a Colección Apilables, composta por xoias exclusivas fabricadas en ouro de primeira e diamantes.
A directora xeral de Comercio e Consumo e presidenta de Galicia Calidade resaltou que Fernando Gallego, que conta tamén coa marca ArtesanÃa de Galicia, é un exemplo da combinación de “talento e aposta polo comercio intelixente”, xa que é capaz de vender as súas xoias en todo o mundo a través da tenda online.
Sol Vázquez destacou que a Xunta está a pór en valor “a calidade e a profesionalidade da xoiarÃa galega”, apoiando iniciativas como a que representa Fernando Gallego, que xera un alto valor engadido para as súas coleccións con talento e creatividade artesanal. Pola súa banda, Alfonso Cabaleiro, destacou que o sector da xoiarÃa galega conta cun gran prestixio e o selo Galicia Calidade contribúe a promocionar as creacións dos mestres artesáns e ofrecerlle unha garantÃa de autenticidade aos seus produtos.
Na actualidade, ademais de Fernando Gallego, contan coa certificación de Galicia Calidade as xoiarÃas Ardentia, Bourrellier Joyeros, Fink Orfebres, Orfega e Oscar RodrÃguez Joyeros. En conxunto, máis de 90 empresas de sectores como a alimentación, turismo, viño ou o lácteo teñen o selo de garantÃa.
Fernando Gallego empezou a súa andadura no 2001 co obxectivo de deseñar e fabricar xoias únicas, exclusivas e personalizadas, que permitan fuxir da uniformidade e incorporar novas tendencias. Dende Outes, distribúen a súas creacións a todo o mundo.
O director xeral de Relacións Exteriores e coa UE, Jesús Gamallo, participou na sesión plenaria do Comité Europeo das Rexións (CdR), onde Galicia presentou 21 emendas a catro dos ditames sometidos a aprobación. Un dos máis relevantes para a comunidade foi o ditame sobre a ferramenta de facilitación transfronteiriza. Calcúlase que a eliminación do 20% das barreiras e obstáculos xurÃdicos e administrativos actuais entre rexións de fronteira na UE -entre as que se atopa Galicia, que conforma unha Eurorrexión xunto co Norte de Portugal- permitirÃa aumentar o seu PIB nun 2% e crear nelas ata un millón de empregos.
InnovArt 24, o maior evento en Galicia de promoción e difusión das ensinanzas artÃsticas, de idiomas e deportivas propicia o encontro entre as vocacións e os profesionais, e facilita que o alumnado de diferentes niveis educativos se familiaricen e tomen contacto cos eidos da arte dramática, as artes plásticas e deseño, a conservación e restauración de bens culturais, a danza, as ensinanzas deportivas, os idiomas e a música. A feira conta cunha zona de 4.100 m² no Museo Centro Gaiás, na que os visitantes poden participar en obradoiros de artes plásticas e deseño, traballos de conservación e restauración de bens culturais, actividades deportivas didácticas de música, arte dramática e danza, asà como de idiomas. Tamén se ofrecen mostras e exhibicións das distintas ensinanzas, concertos, conferencias e espectáculos escénicos en directo.
